الضابط والبرائه

البارت21

فتحت خط
براء/الو
عباس/بصوت مخنوك
الوو ام ملاك
براء/نعم تفضل اخي منو وياي
عباس/عباس صديق فهد
براء/اهلا تفضل
عباس/ساكت ماكو صوت
براء/الووو اخي فهد صارله شي عبااااس احجي فهد بي شي الله يخليك احجي فهد صارله شي
........
نرجع لتاريخ قبل يومين
فهد/برائتي حبيبتي البسيلي اليوم السيت لابيض وفرشيلي فرشة العرس حاب اجدد عرسنه اليوم نومي الجهال من وقت
براء/صار حبيبي تدلل
نيمت الجهال وفرشة الفرشه مال عرس وسويت اجواء رومانسيه شموع وموسيقى هادئه
ركصنه اني وياه شالني بكل رقه مثل ما عاملني بليله عرسنه باسني وشمني من ركبتي وتقربلي بكل هدوء وحب وسمعني كل كلام الغزل بالعالم يمكن احلى ليله بحياتي كانت بقينه للصبح لحد الاذان مال الفجر تقربلي اكثر من مره وعبالك عطشان عليه يبوس بيه ويكول مااشبع منج وكل ساع يكولي احبج برائتي انتي اول حب بحياتي انتي سعادتي كلها انتي كلشي وكلاشي بدنيتي كام طلع علبه بيها زنجيل رفيع وبي مداليه انفتتي ♾️ كال هاي مااريدج تنزعيها ابد هاي علامه حبي الج ماله نهايه احبج وابقه احبج حته لو صرت جوه التراب ابقه احبج هنا كولتله اسسس لتجيب طاري الموت يومي قبل يومك وبسته
بالمختصر عشنه ليله ولابالخيال كمنه سبحنه اثنينه سوه هالمره هو سبحني وطلعنه مشطلي شعري بيده ونيمني على ايده ساعه 9 كعد كال صار لازم اطلع جانه انذار بوقتها جانت احداث داعش
جهزتله جنطته راح يبوس بملوكه وعلوش يبوسهم ويشم بيهم وصل للباب ورجع عليهم يبوش ويشم ويكول افيشش مااشبع من ريحتكم وصلته للباب حضني بكل قوته كولتله اااهرفهد ضلوعي تكسرن ابتسم وباسني من راسي وكال ديري بالج ع نفسج وع الجهال برائتي حبيبتي وراح رجعت ردت انام ماكدرت بقيت لازمه الكلاده وابوس بيها بقيت انذكر ايامي وي فهد
من بدايه زواجي لحد هالحضه فهد مايوم غثني ابد كولش حنين وياي اذا اتمرض يبقه سهران وياي للصبح ويعاملني معامله طفله هواي امور ماذكرتهن سابقاً اذا ابجي على اهلي يبقه يصبر عليه ويطلعني حته اغير جو يحاول بكل الطرق يسعدني اما بفترة حملي دللني دلال مصاير اذا اشتهي شي قبل لااكوله يجيبه يمي اتذكر بملوكه اشتهيت بطيخ ومجان موسمه راح افتر بغداد لحد ماجابه اليه واجه اما الهدايه بكل مناسبه ولاداتي واعياد ميلادي وعيد زواجنه ونجاحاتي كوله هدايه ذهب جان يجيبلي ومن نجحت من السادس جابلي محبس الماس سفرني التركيا والدبي والمصر واللبنان عيشني ملكه بمعنى الكلمه وكل هذا لاشي مقابيل حبه اليه وخوفه وعطفه وعشقه يعجز اللسان عن حبه اليه افكر بفهد وسمعت علوش يبجي رحت عليه شلته وافتر بي سكته وكعدت ملوكه نزلنه البيت سنطه ارشد بالدوام بديت انضف اتصل فهد عليه جاوبته
فهد/هاحبيبتي كعدتو
براء/حبيبي اصلاً مانمت جنت افكر بيك شوكت تجي اشتاقيتلك شو
فهد/ حبيبتي انذار راح نروح لمنطقه حدوديه خاف تلكين تليفوني مغلق ليظل بالج
انطيني ملوكه احًــجًِي وياها
نطيت لفون لملوكه حجت وي ابوها وتوصي يجيبلها العاب وحلويات وياه اخذت لفون كال حبيبتي لازم اسده ديري بالج ع الجهال وع نفسج
كوتله مْـإأڜْـي عمرري ليظل بالك
فهد/برائتي
براء/عًـٍُُيُِِِِوـنُـ👀ــًها
فهد/احبج
براء/اعشقك
باااي وسديته
بنفس اليوم بليل
نرجع للاتصال
براء/عبااس احًـجي فهد صارله شي الله يخليك احًــجًِي
عباس/ خويه فهد تصوب ونقلو للمستشفى ونطاني اسم لمستشفى
نزلت اركض بلا وعي ع ارشد اعيط فهد تصوب خابر ع بيت خالته اجونه بقت خالته وبتها وولدها بالبيت والحهال يمهم رحنه اني وارشد وزوج خالته للمستشفى وصلنه المستشفى هوسه كولها عسكرين اركض مثل لمخبله بدون وعي اصيح فهد وينه
ضابط كال لارشد فهد بهاي الغرفه ردت اطب مخلوني كالو اطباء يمه وراح ينقلونه عمليات
براء/فدووه بــَس خلوني اشوفه بس اشوفه كوه بالتواسيل ياله فتحولي لباب طبيت وشفت فرحة عمري وحياتي وحبيبي نايم على السديه ابدلته العسكريه وغركان ابدمه وصوندات ع صدره واوكسجين ع وجهه المنضر مرعب عطت بكل صوتي فهد حبيبي كوومه لاتعوفني وتعوف جهالك منو النه بعدك طلعوني بالكوه ارشد سحبني وطلعني ويبجي كالو راح يطوبونه عمليات ويحتاج دم سحبو من ارشد دم واني كاعده بالكاع وابجي طوبوه عمليه طولت 3 سـَـــاعْــــــات عمليته واني ماعدهرادعي وابجي كولشي مااريد بــَس فهد يرجعلي يربي اخذ عٍمـري ولافهد طلع الدكتور كال العلينه سويناه ننتضره يصحى وادعوله نقلو للعنايه المركزه على مايصحى لثاني يوم وفهد ماكو بهلاثناء وصل امجد رجع جهالي ماادري بيهم يم طيبه بقو امجد طب مثل المخبل يركض لاكاني كاعده بالكاع وابجي كعد بلكاع يمي وصاح ولج اخوي شبي فهد شبيه ويصيح بعلو صوته اجه ارشد حضنه ويبجي وياه وحجاله حالة فهد طلعت خالته مخابرته بنفس الوقت حاجز وجاي ورا شويه طبت بيبي وخواله وعمامه المستشفى نكلبت كلاب عدا العسكرين الموجودين فهد الكل تحبه لان ابد مماذي بشر خصوصاً الجنود تخبلو عليه هواي يساعدهم ويساعد هواي ناس
اجه الطبيب كال المريض صحى ونقلناه لغرفه خاصه رحمتك يا الهي كمزت كولتلهم اريد اشوفه فدووه كالو كوه يحجي بس طلب اخو امجد وبيبيته طبو انقهرت حيل وبجيت لَيــِْش طلب بــَس امجد وبيبي لعد واني ميريد يشوفني
امجد/ طبينه للغرفه مالته كعدنه يمه فهد بس يباوع بعيونه كوه يحجي كتله خويه لااتعب نفسك لاتحجي شي ارتاح بس اطلع سالم كلشي منريد
بيبي/جده فهيد لااتعب روحك يجده اطلع سالم لمريتك وعيالك منو الهم هنا فهد نزلت دمعه من عينه وكوه يحجي كال امجد جهالي امانه بركبتك همه وبراء مراح اعيش اني هاي نهايتي براء وجهالي خليهم تحت جناحك وصيرلهم اب اريد انام واني مرتاح خويه
امجد /نهاريت بجي خويه لاتحجي هيج مرتك وجهالك برعايتك راح تطلع سالم خويه وتزوج علاوي بيدك
فهد /خويه ريحني
امجد/اوعدك عـائلتك امانه بهالركبه اني ابوهم واخوهم وعمهم وسندهم لحد ماالله ياخذ امانته
بيبي تبجي وتكله فهد يمه مانكدر بـٍْْـٍْ؏ـٍْْد مافي امك اخذت حيلنه لاانت تموتني يمه صير قويه انت الجبل لاتنهز صير قوي وارجع لبيتك واثنينه نبجي ظل ينطق باسم براء كولتله هــًـًســًه اجيبها الك تشوفها طلعت صحت براء
طبت تركض لزمت ايده وتبجي
براء/حبيبي فهد. يعمرري وفرحتي بهالدنيه صير قوي وارجعلنه لخاطر جهالنه لخاطر برائتك مااكدر بدونك والله امووت والله حبيبي منو الي بهالدنيه انت كلشي اليه انَـَت اهلي وزوجي وسندي لاتعوفني لخاطر برائتك ونهاريت بجي فهد بــَس يباوع عليه ودموعه تصب امسح بدموعه ظلت دموعي تنزل ع وجهه كال براء احبج واحب جهالي حيل احبكم كوه يحجي اجه الدكتور طلعنه مال كافي موزين عليه حالته بعدها حرجه اله تمر 24 سـَاعه ياله انأمن وتستقر حالته طلعنه اني وامجد وبيبي كاعدين اباب لغرفه ونبجي والعسكرين تارسين لممر عاد امجد صاح ع ارشد ياخذني للبيت مقبلت كال ارجعي احنه هنا شنو ظلتج يم الزلم بـٍْْـٍْ؏ـٍْْد ميخلونه انطب عطت بي معليك موبكيفك ابقه يم زوجي مستحيل اعوفه بيبي كالتله عوفها جده حقها عوفها ابو بيتها هذا عوفها يمه كعدت بصف بيبي وخليت راسي بحضنها وابجي واكولها بيبي ادعيله انت علويه وجدج رسول الله اُدُعُيےّ🙏 لفهد يركعلي امووت بدوون والله امووت بيبي مااكدر بدونه فدووه اروحلج ادعيله
بيبي تبجي وتمول دعيت يمه والله دعيت شبيدي عليه ياربي الطف بحال هالغريبه الماعدها احد عينها على الله وعلى زلمتها بقيت ابجي نهاريت بشكل لحد مرور 8 سـَـــاعْــات على حالة فهد شِفـٍـْــٰٰتْ الاطباء يركضون لغرفته طبو وسدو لباب نريد نعرف شّــْْكو محد ينطينه جواب ورا ربع ساعه طلع الدكتور وكال البقيه بحياتكم
...........