روايه روح حايل ومجنونها 🤍

٦

بعد ساعات بحايل
جمع العم علي ابو نايف وعياله وقال : جهزو حالكم ان شاءالله اسبوع وعلى بداية الاجازة بنروح لتبوك نزور عادل ان شاءالله
الكل بفرح : بالله ؟
العم علي : اي معكم يومين تجهزوا فيها
نوره : الله اخيرا راح نروح تبوك ولفت على نايف وحضنته
ونايف مصدوم لان ماتوقع ابد يزوروهم هالوقت
طلع نايف وهو متجه للاسطبل ودق على مالك
مالك : الو
نايف : ولد تعال ابيك بالاسطبل
انخرش مالك : فيك شيء يولد
نايف : لالا بس تعال
راح له مالك : يولد طيب انت
نايف : اي اي بخير اسمع اسمع جدي قرر نروح نزور العم عادل
مالك بفرح : شفت ياااخوك الامور تيسرت
نايف : خايف والله
مالك : تخاف من وش مو صاير شيء
نايف : مدري قلقان مو مرتاح والله
مالك ما عليك لا تشيل هم
مرت ايام الاسبوع بثقل كبييير على قلب نايف
واخيرا اليوم الموعود يوم السفر
اتجهوا بسيارتين
سيارة هو يسوقها ومعه امه واخته
وسيارة مع ابوه وجدة
اول ما وصلوا ديار تبوك انذهلوا من جمالها وجمال جبالها
نورة : يعني قلنا تبوك حلوه بس ما توقعت كذا
نايف : يمدحوا سواحلها بعد
نوره : الللععهههههه لازم نروح لها والله
ام نايف : اذا شفت الوضع مناسب بكلم ابوكم
نورة وهي فرحانه : وعلى قولت اهل تبوك يسعد دينكي يمه
الكل :  هههههههههههههههههههههههههههههههههه

————————-
بتبوك الي بيت ابو سلمى الي يملاه الفرحه بالضيوف ومستنفر الي ينظف والي يجهز القهوة والشاي والحلا
وابو عامر و عادل يذبحوا الذبيحة
اما سلمى الي كان قلبها يرقع من الخوف كانت فرحانه بجيتهم لكن كانت خايفة من نايف وانها ترجع تتعلق فيه بعد ما تناسته

وجاء الوقت الموعود وصلوا واخيرا بيت ابو سلمى وبدى يرحب فيهم ويسلم عليهم بحرارة وكانوا حيييل مشتاقين له ولروح حايل
العم علي : عادل الا وينها روح حايل
عادل : جوا الحين اناديها لك
وراح نادها عند القاطع وسلمت عليه بحرارة وكان مشتاق لها جداً وهي نفس الشيء
والليل اتجهوا لعشاء بعزبة عادل
جلست نورة تسولف مع سلمى وعن اخبارها

وعند الرجال جلسة سوالف وكلها شوق وقصايد

نايف الي كان في باله كلام مالك والي يفكر يرسل لها واحد من البزران بورقة
دق على مالك وكان يبي يقول له الي بباله لكن مع الاسف مالك مارد وقرر يسوي الي براسه بدون مستورة احد
اخذ ورقة وكتب عليها وراح قريب من قسم الحريم الي سمع فيه سلمى تغنينا نورة اغنيه ترجع لذكريااات قديمه لهم يوم كانوا يدامو سوى مع العم علي
كانت تغني مع نورة.وتقول :
قلت اوصافه يا خلق الله
كامل والكامل وجه الله
في عيني ما مثله والله
قلتها مره باثر مره
ابتسم نايف وتذكر ذكرايات ذي الاغنيه وبدل الورقة بورقة ثانيه بعد الي سمعه
واعطى الورقه ل واحد من البزران وقال عطها سلمى ولا تقول من مين
راح الولد
سلمى الي كانت لحالها بالمطبخ جا الولد واعطى سلمى الورقة وراح فتحتها بستغراب وشافت الخط وعرفته وقام قلبها يدق بسرعه كان مكتوب فيها
( على ذكرى اغانينا ودي لو نشفي شوق السنين
انتظرك ورى العزبة ) 
عرفته سلمى واستغربت حركته وقالت بعصبيه : ايش شايفني عنده ذا
وللامانه بدت تفكر كثير تروح ولا ماتروح وقررت تلبس عبايتها وتروح صنعت لها عذر وطلعت من قسم الحريم وهي لطريقها قطع طريقها عامر الي لاحظ غياب نايف
عامر : سلمى على وين ان شاءلله
سلمى : ابد قلت اشم هوى شوي
عامر : تشمي هوى وعندك ضيوف ؟
سلمى : مو مشكلة امي عندهم
عامر : سلمى انا اعرف وش الي رايحه عشانه ولمين لكن والله لو ما ترجعي اعلم ابوك واخليه يعيد ترباتك
سحبها بقوه من عبايتها وجرها جر كانت تتالم بس ما تعودت تبكي
وصلت وهي متضايقة دخل معها عامر وقال :
بتقدم بكرة ولو ما توافقي العلم ياصل ابوك
هنا انهارت سلمى وقعدت تبكي لانها تدري ان ابوها لو سمع الي صار راح تصير مشاكل بينه وبين اهل نايف
تعوذت من بليس وكانت تقول في نفسها : لا مستحيل ابوي يسويها ويزوجني ذا المجنون
—————————————
عند نايف الي مرت ساعه وهو ينتظر ورجع بخيبهههه كبيرههه وقال :
على الوعد يا معذبي ليش ماجيت
تسلك دوربٍ عن دروبي تناحت
العام توعدني وهالحين صديت
ذكراك في قلبي طغت واستباحت

وهو راجع لفت انتباهه الاسوار الي عطاها وعرف انها جت له وبدى يتلفت بخوف كبير عليها حس ان صاير لها شيء شال السوار وحطه بجيبته ورجع للرجال لفت انتباهه نظرات عامر له وعرف انه مسوي شيء
تجاهله نايف وكمل سوالف مع الرجال
وبعد العشى بدى يتمشى نايف حولين العزبة وهو شايل هم سلمى
جا له عامر وقال : جاي من حايل تتغزل فبناتنا يالواطي
التفت نايف بعصبية وقال : احترم نفسك ! انا جيت بحترام ولا ابي غير الاحترام
ضحك عامر وقال : ما تبي غير الاحترام  اجل وش مودي سلمى لك هاه ؟
عصب نايف وعرف ان هو الي ماذيها مسك ياقته وقال : قسم بالله لو صار فسلمى شيء لتندم سااامع ودفة على الارض
التفت عامر وقال : بدرييي علييك سلمى بكرة زوجتي ولو شفتك توطوط عند بيتي لغيب سعدككك تسمععع !!

عصب نايف وضربة كف وارتفعت اصواتهم وبدو الرجال يجو ويفكوا بينهم