روايه روح حايل ومجنونها 🤍

١٤

عند محمد وعبدالله بسطبل ابو محمد
محمد : عبود وش رايك اشارك بسباقات حايل
عبدالله : زين ياخوي هلكت وانا اقول لك شارك
محمد : والله ياخوك اني اقتنعت وودي اشارك وش رايك اشارك بالعنود ولا جسار ( اسامي خيول )
عبدالله : والله ياخوك انت ادرى بس احس جسار متفاهم معه كثير انت كذا احس بينكم روابط
محمد : اي والله اني اغليه
عبدالله : عاد تصدق انت وجسار بينكم تناسق
محمد بضحك : وش التناسق الي وده يصير بين انسان وخيل
عبدلله : والله لونه حلو سواده حلو يناسبك كثير
محمد : وش ودي بسواده ابي قوة تحمله
عبدالله : اجل شارك بجسار واساسا انت لك فتره تتدرب وفاهمة زين
ركب محمد جسار وبدى يتدرب وعبدالله الي بطبعه يحب يتفرج على محمد ويعزز لاخوه واحياناً يركب 
———————————
عند سلمى الي شرطت ان الملكة تكون بعد اختبارتها النهائية بحيث تركز على دراستها ووافق عامر واهله وكانت مدت هالاختبارات شهر وطول الشهر ذي غرقانه بالمواد وكانت مره بالاسبوع تروح لجدتها وابداً ما فكرت تتجهز للملكة الا بعد الاختبارات
ام سلمى : سلمى يا بنيتي انتي متاكدة من الي تسويه؟
سلمى : ليش يمه وش انا مسويه ؟
ام سلمى : يعني انتي تتخلي ملكتك وتركزي بدراستك طيب ممكن يزعل عامر
سلمى : يمه انا دراستي اهم من الزواج بالنسبة لي والله يا يمه مو نافعني لا عامر ولا غيره ما ينفعني بدا الزمن غير شهادتي
ام سلمى : الي يريحك يمه
وطلعت من عندها وسلمى كملت مذاكره
—————————
بتبوك
عامر الي ماليته السعادة وجداً مبسوط انه سوا الي في راسه واخذ سلمى
وهند الي كانت تجهز للملكة بكل حب وفرح
عامر : هند انتي خلصتي امورك كلها ؟
هند : اي اي جاهزة انا .... انت خلصت امورك وامور الشبكة
عامر : اي اي كل شيء جاهز بس بننتظر سلمى تخلص اختباراتها ونملك ان شاءالله هند : الله يكتب لك الخير يا خوي
——————————
بعد اسبوع عند محمد وعبدالله وهم يودعوا ابوهم وامهم وطالعين لحايل
محمد وهو يسلم على ابوه : عاد يا يبه لا تنسانا من دعاك وانتي يا يمه ما يحتاج نوصيك
ابو محمد : روح الله يوفقك وفالك الاول 
عبدالله الي كان مستعجل ويبي السفره من كل قلبه :
محمد يالله تاخرنا تحرك
محمد : اسلم على ابوي انت وش وراك ؟ وبعدين ما تستحي انت مسافر ولا تسلم على والدينك
محمد : ياخوي انا تقهويها عندها وسولفت وسلمت وانت لسى ما جيت تحرك اخرتنا
وراح عبدالله وركب السيارة وما زال محمد يوصي امه تدعي له واتجهوا الى حايل والخيل
_____________________
بحايل عند نايف والعم علي
العم علي : نايف انت ما ودك تعرس ؟
نايف ارتبك من سؤاله وهو وده لكن مو عارف كيف : الا ياجد والله ودي لكن..
العم علي : بلا لكن عندك وحده ببالك ولا ندور لك
نايف : والله ياجد في وحده ببالي
العم علي : ومن هي ؟
نايف : سلمى ... سلمى ياجد بنت عمي عادل
العم علي ابتسم  : والله زين ما اخترت يا نايف روح حايل افضل البنات بنت حسب ونسب وادب واحترام 
نايف : بس ياجد انا ما كلمت ابوي واهلي لسا
العم علي : ما عليك يا وليدي انا بكلمهم بس انت ضبط امورك ذا الشهر وجهز المهر وامورك تزين ان شاءالله
ولا تنسى  السباق نبي الاول
نايف وهو طاير من الفرح : ابشر ياخذ بضبط وضعي ان شاءالله والسباق على ذا الاخبار الحلوه بناخذ الاول ان شاءالله
العم علي : الا هو متى السباق ؟
نايف : بعد يومين ان شاءالله
العم علي : الله يوفقك يارب
______________________
بتبوك عند سلمى الي كانت غرقانه بالدراسة لسبب انها ماتبي وقت فراغ وتفكر بزواجها من عامر الي كانت جداً خايفة منه ولا تبيه لكن استسلمت وقال بنفسها ( انتي عايشة على اوهام نايف ولا هو داري عنك عطي نفسك وعامر فرصة ممكن الامور تزين ) لكن كانت خايفة جداً من عامر والموقف الي مرت فيه ابداً ما مر مرور الكرام عليها
————————-
نايف الي طلع مبسوط ويبي يبشر مالك واتصل عليه
مالك : هلا نايف
نايف : ابشرك ياخوك
مالك : بشرني تكفى لي زمان عن الاخبار الزينه
نايف : جدي اليوم كلمني يبي يزوجني وقلت له اني ابي سلمى وفرح ووافق وقال يبي يكلم اهلي بس اضبط اموري ذا الشهر ونخطبها ان شاءالله
مالك الي كان جدا سعيد وفرحان من فرحت نايف : اللهم لك الحمد .. شفت ياخوك قلت لك الامور راح تتيسر وبتفرح هاه وش شعورك يا عريس ؟
نايف : مو مصدق ياخوك والله فرحان
مالك : يحق لك تفرح والله يحق
نايف : العقبى عندك يا مالك
مالك : ان شاءلله
وسكر نايف المكالمه وهو مبسوط ويحس انه يبي يطير من الفرح