روايه روح حايل ومجنونها 🤍

٧

العم علي : تعوذو من بليس علامكم ؟
عادل : نايف عامر سلامات وش فيكم
عامر : مافي شيء بس طول لسانه علي وقلت اربيه
عادل : عيييب واقطع وخس من انت عشان تربيه احترم نفسك واحشم الضيوف
اخذ ابو عامر عامر وهو يجره ودخله بيت الشعر
ابو عامر : علااامك انت ما تحترم ضيوف عمك ولا تحشهم مهبول انت
عامر : يبه هو يحتك
ابو عامر : كيف يحتك بالله اقنعني
دخل عادل وهو يثق بنايف جداً سمع عامر وهو يقول يحتك
عادل : عامر وانا عمك كيف يحتك وهو متربي قدامي
لا تفتري عليه
عامر لف لعادل : عمي ذا الي تعتبر ولدك راح يقابل سلمى ورى العزبة
ابو عامر : وشو
عادل : وشو وش تقول انت انهبلت !!!
احترم نفسك واحشمه ذا نايف الي تربى قدام عيوني
طلع ابو سلمى وهو معصب وراح لنايف الي ابوه يعاتبه بكل هدوء وهو واثق بنايف وبترباته
ابو نايف : نايف وش مسوي انت
نايف : ماسويت شيء والله جالس اتمشى وجاي ينافخ ويقل ادبه
العم علي : يا وليدي انا عارف انك ماراح تحتك فيه ولا راح تغلط عليه وما مديت يدك الاوهو قال ادبه
قاطعهم ابو سلمى الي دخل وكله شك بكلام عامر
عادل :ابو نايف عم علي لو سمحتو خلوني انا ونايف لحال
ابو نايف ناظره باستغراب وقال : سم وهو كله ثقة بولده وبرفيق عمره عادل
عادل : نايف انا سمعت من عامر وبسمع منك وش الي صار بالضبط ؟
نايف : والله ياعمي امشي ولا احتكيت فيه جاي يقول تتغزل ببناتنا وقل ادبه علي ولا تحملت ومديت يدي والعذر الوسموحه منك
عادل الي صدق كلام نايف ومسك كتفه وقال : ادري ياوليدي انك ماغلطت عليه الا وهو قال ادبه وقام عادل ووراه نايف
عادل الي كلمت عامر للان في اذانه وقال بس آصل اسأل سلمى
روح ابو نايف بعد هالمشكلة على طول ورجعوا لتبوك
عادل الي ما قدر يصبر وراح يكلم سلمى
عادل : تعالي وانا ابوك اجلسي
سلمى : سم يبه
عادل : اليوم يا بنيتي نايف وعامر تهاوشوا
سلمى بدت ترتبك وبدى خوفها على نايف وعليها يزيد
وكمل كلامه  عادل : يا بنيتي عامر يقول رحتي تقابلي نايف هو كلامه صدق ؟
سلمى انصدمت انه سواها وراح كلم ابوها
سلمى : لا يا يبه تتوقع اني اسويها من وراك يبه
لا رحت له ولا شفته
ابتسم عادل وقال : والله اني واثق فيك وفترباتي لك يالله قومي لامك وجهزوا وعلى السيارة يالله تاخر الوقت
سلمى : ابشر يبه
————————
ومن بكرة صحت سلمى على دقة باب بيتهم وطلت من الشباك والخادمة تفتحه دخل رجال غريب ماتعرفه ومعه ولدين كبار  كان واضح انهم عياله من احترامهم له

دخلتهم الخادمة عند ابو سلمى بالمجلس
ابو محمد  : سلام عليكم
ابو سلمى بصدمهههه :انت وش جابك ؟
ابو محمد : استهدي بالله ياخوي
ابو سلمى بصوت عالي : انت خليت فيها اخو هاه خليت فيها اخوووو
التفت وشاف عياله محمد وعبدالله
عادل : لا وجايب عيالك بعد
في نفس الحظات ذي دخل ابو نايف ونايف وابو علي الي انصدموا من وجودهم وهم عارفينهم وعارفين قصتهم
عادل : اسمع انت وياه بيتي يتعذرك يالله برا انت وياه برا
سلمى الي راحت لامها بصدمه : يمه من ذول وليش ابوي يطردهم
ابوها الي عمره ماطرد احد وبيته دايم مفتوح للكل طرد هالرجال من هم ؟وليش ؟ ووش القصة وراهم ؟
ام سلمى : مو شغلك انتي روحي غرفتك امور رجال مالك دخل فيها
سلمى الي جلست قريب من المجلس تتسمع وش السالفة لان الي صاير مو طبيعي بالنسبة لها
ابو محمد : عادل ياخوي تعوذ من بليس واسمعنا
عادل : ماني اخوك انا لا تقول اخوي جاي بعد ذا المده وتقول اخوي لا وجايب عيالك تغثني بعد
ابو محمد : انا وعيالي جايين ننهي القطاعة الي بينا ونعتذر منك ونتمنى تسامحنا
عادل وهو يصرخ: اخذت مني ولدي وعفيت عن القصاص عشان خاطر امي وعيالك لا يتيتمو شتبي اكثر وجاي تقول اخوي وينك يومها ما انتبهت لسلاحك وخذت ولدي مني ولدي قطعه من قلبي والحين انت راجع عشان تاخذ سلمى اطلع برا لا اذبحك الحين اطلعععع
سلمى بصدمة ولاول مره تعرف سبب القطاعة بينها وبين عمامها وكانت مو مستوعبة فكرة الاخ الي توفى الين  راحت بهدوء لامها وشافتها تصيح
وسألتها سلمى وعيونها دموع : الي يقولوه صح يمه ؟
ام سلمى تهز راسها وهي تبكي : ايه
طلع ابو محمد وعيالة وبدا نايف وابوه والعم علي يهدو ابو سلمى وهو يصيح ومنهار
والحمدلله هدى ودخل لسلمى وامها الي يبكون دخل وحضنهم وقعد يصيح معهم