روايه روح حايل ومجنونها 🤍

٩

عند عامر الي كان جالس بالمقلط ومقهور من نايف وخصوصا لان عمه ما صدقه بس سكت ولا تكلم
هند دخلت بالقهوة والشاي وجلست عند اخوها
هند : ولد وش فيك انت مو طبيعي سكوتك
عامر الي كانت علاقته مع هند عميقههه جداً وكانت تعرف كل شيء عنه
عامر : امس تهاوشت مع نايف
هند كانت تسمع عن نايف ولا تعرفه
هند : نايف ذاك
عامر : اي اي ذاك من غيره راح الله لا يرده
هند : ليه وش مسوين والله اشك انك مسوي لك فلس
عامر : بالله قومي قومي زودتي ضيقتي اذلفي هناك
هند : لالا خلاص بس صدق وش صاير
عامر الي قال لها السالفة كلها وكلمها عن سلمى بعد
هند : ما اتوقع سلمى تسويها لا تظلمها انت
عامر : اقول لك شفتها اكذب عيوني
هند : طيب ممكن هي كانت رايحه بس مو له
عامر : ما علينا من نايف هناك اسمعي ابي اتقدم لها كلمي ابوي
هند : مهبول انت رفضتك اكثر من مره ما عندك كرامه انت وبعدين انت تبي تسبب مشاكل لابوي وعمي كفاية مشاكله مع عمي ابو محمد
قطع كلامهم دق الباب دخلت هند وراح عامر بفتح الباب 
فتح الباب وكان عمه ابو محمد
عامر : هلا عمي حياك الله فوت فوت
ابو محمد : البقى البقى .. ابوك وينه
عامر : جوى الحين اناديه
_______________________

عند نايف الي كان يحمل الاغراض جت نورة وهي تدق الارض برجولها وطشت الشنط
نايف : لا اله الا الله شفيك يبنت الحلال
نورة : بنرجع حايل وحنا مارحنا للبحر وبدت تصفق وتقول : حلو حلو يا نايف حلو كله بسبتك انت وهوشتك يالغبي
نايف : اقول اهجدي بس وركبي السيارة يالله تاخرنا
نورة وهي تركب السيارة : اهخخخ يارب تصبرني عليهم وتعوضني بتبوكي ياخذني صد رد للبحر
نايف ببتسامه : آمين آمين بس ابوي لا يسمعك
———————-

كان مع ابو محمد عياله الي كانت علاقتهم مع عامر جداً سيئة بحكم مصايبه وبلاويه الي كل ما كلموه يتوب يدخلهم مع بمصايبه لكن ماكانوا يكرهوه بالعكس كانوا يبوا يساعدوه عشان يطلع من البير الي هو فيه 
دخلو كلهم وبدى عامر يقهويهم دخل ابو عامر
ابو عامر : هلا يالله حيه
ابو محمد : البقى البقى
ابو عامر : شلونك يخوي

ابو محمد: بخير دامك بخير ياخوك
بدو يتقهوا وياخذوا اخبار بعض
قاله له ابو محمد عن موقفه اليوم
ابو عامر : صادق انت
ابو محمد : اي والله ... والله ياخوك انه هم بقلبي عجزت اشيله ولا ابي اموت واخوي ما سامحني ويبقوا عيالي من دونه وانت خابر شكثر متعلقين فيه وفيهم وهالقطاعه الي هدت قلوبنا هد صحيح اني غلطت لكن ودي انه سامحني انا ادري انه عفى عشان امي وعيالي لكن ابي قلبه يسامحني
ابو عامر : والله مدري وش اقولك ياخوك بس انت عطه وقت
ابو محمد : ١٩ سنه ما كفته وانا كل شوي ادور طريقة آصل له
ابو عامر : تهون ياخوك تهون