Unicode
"ဘော့စ် .. ကျွန်တော် ပြန်ရောက်ပါပြီ"
"ဘာကြားခဲ့သေးလဲ"
"အစ်ကိုဂျွန်တန် ခုထိ သူတို့ဆီ မလာဘူးလ်ို့ ပြောတယ် ဘော့စ်"
"ဒီကောင် ပျောက်နေတာကို ငါ မသင်္ကာဘူး"
စီးကရက်ကို ပြာတစ်ချက်ချွေကာ တွေးတွေးတောတော ပြောလိုက်မိသည်။
ဂျွန်တန့်ကို ရတနာပြပွဲနေ့က နောက်ဆုံးတွေ့ခဲ့ရတာဖြစ်ပြီး သူ့လူတွေ ကယ်ထုတ်သွားပြီးတည်းက ပျောက်ခြင်းမလှ ပျောက်နေခဲ့တာ ဖြစ်သည်။
အဲ့နေ့က ပစ်ခတ်မှုမှာလည်း သူတောင် မပါပဲ မစားရတဲ့အမဲ သဲနဲ့ပက်သလို သူ့လူတွေကို ခ်ိုင်းသွားတာ။
ဒီကောင် ပျောက်နေတာ အကြောင်းတစ်ခုခုတော့ ရှိရမည်။ ဘာလို့ဆို ဒီလိုကောင်မျိုးက သိပ်ကို ပေါ်ပေါ်ထင်ထင်နေချင်တဲ့ကောင်။
အဲ့လိုကောင်က ပျောက်နေတယ်ဆိုတော့ တွေးစရာတွေ ရှိလာပြီ ဖြစ်သည်။
တွေးစရာတွေ ရှိလာပြန်တော့ အရင်ဆုံးတွေးမိတာက ဟိုဆရာဝန်။
ဂျွန်တန်လိုကောင်က ဂျွန်ဂျောင်ဂုကို ဘယ်လိုမှ မယှဉ်နိုင်တာမို့ ထွေထွေထူးထူး စိတ်မဝင်စားပေမယ့် ဟိုဆရာဝန်ကို ထပ်ပြီး ခုတုံးလုပ်ဦးမလား တွေးရသည်။
ရတနာပြပွဲကိစ္စဆို ဆရာဝန်ကို မလှိမ့်တပတ်လုပ်ပြီး အသုံးချသွားတာမလား ..။
ဟိုဆရာဝန်ကလည်း ဆရာဝန်သာဆိုတယ် တုံးလွန်းလို့ ဂျွန်တန့်ရဲ့ ငါးစာ ထပ်ဖြစ်မှာကို တွေးပူမိသည်။
ကိုယ့်လောင်းရိပ်အောက်မှာနေတဲ့သူဆိုတော့လည်း တွေးပူရပြန်ပြီပဲ ..။
ဆရာဝန်အကြောင်း တွေးမိခါမှ ဆရာဝန်ကို တစ်နေကုန် မတွေ့ပါလား ..။
"ဒမ်မီ"
"ဟုတ် ဘော့စ်"
"ဟိုတစ်ယောက် မတွေ့မိပါလား"
"ဗျာ .. ဘယ်တစ်ယောက်လဲ"
"အိမ်က တစ်ယောက်"
"ဗျာ .. ဘယ်အိမ်က တစ်ယောက်လဲ"
"ဟ .. ဒီအိမ်မှာ ဘယ်နှယောက်ရှိသလဲ"
ဒမ်မီက မအူမလည်ဖြင့် ခေါင်းကုတ်လျက် ချက်ချင်းပြန်မဖြေပဲ စဉ်းစားနေဟန်။
![](https://img.wattpad.com/cover/307521052-288-k727738.jpg)
YOU ARE READING
MR's DOCTOR
FanfictionJeon Jungkook x Kim Taehyung (Comedy/Romance/Drama) Started Date - 14 April 2022 Ended Date - 28 July 2022