تحت رحمة النسيان

البارت 2

تحت رحمة النسيان بقلمي و باللهجه العراقيه

تصويت + تعليق على الفقرات + متابعه لحسابي قدروا حتى استمر بتنزيل البارتات

كمت اتخيلك ترجع وأحاچيك
واسولفلك الصاير من عفتني
على يا هي اعذرك صارن هواي
بس حچاية أكلك ضيعتني

__________________________________

نمر : الحب حياة او ربما موت بطريقه جميله رغم كل الالم يجعلك سعيد لا اعرف السبب ربما لانني بجانب محبوبي

احس نفسي طير ويه حمامتي لا لا هي مو حمامتي هي الباندا مالتي

باندا لطيفه لمن اباوعلها انسى همومي انسى كلشي احس براحه وياها اسولف وياها بدون تكلف او تصنع

احجي وياها براحتي و من اسمع اسمي بلسانها احس روحي ترفرف و تريد تروح الها

اتحجج بكلشي حتى اروح عليها و اشوفها و ابرد نار كلبي بيها

رغم اعمارنا صغيره بس حبي يكبر وياي كل ما اكبر مثل المرض

بس مرض حلو مرض غريب عجيب مرض تتمنى ما تشفى منه ابد

استغل فرصه لمن خالي يدز عليه اشرحلها حتى اشبع بيها عيوني

حلوه حيل ما ادري هي هيج حلوه لو لان اني احبها هيج اشوفها

صافن عليها و شلون تقرأ بتركيز و اني اشوفها صافن على شفايفها شلون تحجي