تحت رحمة النسيان

البارت 26

تحت رحمة النسيان بقلمي و باللهجه العراقيه

تصويت + تعليق على الفقرات + متابعه لحسابي قدروا تعبي حتى استمر بتنزيل البارتات

غبت و استفگدوني الناس الٱغراب
واليـَمّي ولا عرفوا ينِشـدون

منتظر هادي
_________________________

ايمان : اجه كعد يمي و ساكت ما حجه شي كحيت و حجيت بتوتر

- امجد تره اني مغصوبه عليك و ما اريدك بس راح اقوم بواجباتي كزوجه فقط و انشالله بمرور الايام اتعود عليك بس هسه ما مستعده

عقد حواجبه و صفن بوجهي حسيته هواي كلام عنده خفت منه و من سكوته بس ما حجه غير جمله وحده

- براحتج بويه

هزيت راسي و كمت من يمه اخذت ملابسي و دخلت للحمام نزعت ملابسي
و سبحت

حسيت جسمي شويه ارتخى غمضت عيوني و اني جوه المي كلشي غريب بحياتي لمن اصفن اشوف كلشي صار بسرعه لدرجه احس بعدني ما مستوعبة

خيانة احمد موت اخواني و ابويه رسول زواجي من امجد كلشي يمر بثواني و اني واكفه اشاهد بصمت

احس نفسي متجرده من كلشي احس نفسي جامده حيل و ما اشعر بي شي لا حب و لا كره و لا اي شي كأني جماد و يحركوني مثل ما يريدون