تحت رحمة النسيان

البارت 3

تحت رحمة النسيان بقلمي و باللهجه العراقيه

تصويت + تعليق على الفقرات + متابعه لحسابي قدروا تعبي حتى استمر بتنزيل البارتات

وگلي هم يمر وكت تنساني بي ؟
گتلة من جنازتي يشيعونها ! ..
وما نسيتك لا وحق ذيچ السنين ،
الدنيا اذا انساك اغير كونها ..
انه لو ناسيك ومغادر هواك ،
الرچفة هاي بجسمي شيسمونـها ؟

___________________________

ايمان : كلمات اخويه و الرفض و الاهانه الي قدموها النا كسرتنا حيل كسرتنا

و هاي المره الكسر صار بالروح مو بالجسد يعني الالم مضاعف صار

عيون اخويه ما نسيتهن و ما اضن راح انساهم بيوم يحاول يخفي كسران روحه باي طريقه

مو حرام هذني العيون الحلوه يترسهن الألم و الهم

كل ما احس نفسي نسيت تهزمني كلمات عمي و صوته و هو يكول

- ولك نمر دخلتك البيتي تالي تخون ثقتي و تعشك بنتي مستحيل انطيها لواحد فقير مثلك مستحيل بنتي بت عز و دلال ما انطيها الك

عجيبه اخو امي يعني منا و بينا هيج يحجي لعد الغريب شنو يكول ؟ هم يحجي هيج ؟

خطيه نمر ما سوه شي بس كام من مكانه و ترخص منهم و نضراته ما نشالت من باندا