تحت رحمة النسيان

بارت اضافي

تحت رحمة النسيان بقلمي (روز)

- صوتوا للبارت
- فرحوني بتعليقاتكم
- مشتاقه الكممممم هواي

اجيت الليله اودعكم ماظن للصبح باقي
هذا المنحني عودي وهاي الذابله اوراقي

____________________________________

ادركت بعد مده طويلة ان النسيان فعلاً نعمة طول هاي السنين ردت انسى
و حتى تظاهرت بالنسيان في سبيل اخلي روحي تهدئ بس

بس ما كدرت خفت هواي خفت انسى ذكرياتنا صورهم اصواتهم بس بنفس الوقت ردت انسى و ارتاح

جنت اشوفهم بكل زواية البيت و اسمع صوتهم و لمن ابجي احسهم موجودين و احس بدفو حضنهم

طوال هاي السنين المرت ما نسيت و لا حتى شي واحد منهم عقلي يحتفظ بأصغر التفاصيل لدرجه كل ما اغمض عيوني اشوف صورتهم كبالي

صدكوا ما جانوا مجرد اخوان عاديين جانوا نعمة و انحرمت منها لحد هسه ما عرفت هذا عقاب لو اختبار

لو كان عقاب لذنبي الي اجهله فراح استغفر ربي على هذا الذنب العظيم الي سويته ما اعرف شنو هذا الذنب لدرجه يكون عقاب جبير لهاي الدرجه

و اذا كان هذا اختبار اني راضيه بي و ما عندي اعتراض بس دموعي و تعبي من شدة ضعفي

عانيت من الفقدان بكل صوره صرت ام وحيدة و اخت وحيدة و ابنه يتيمة