تحت رحمة النسيان

البارت 10

تحت رحمة النسيان بقلمي و باللهجه العراقيه

تصويت + تعليق على الفقرات + متابعه لحسابي قدروا تعبي حتى استمر بتنزيل البارتات

العمر يركض
وبعدة الشوگ
ما شابع من گليبي
باچــر لو رحل زغــري
شيـقنع مرايتي بـ شـيبي .

_______________________________

ابو يقين : واكف بحيره و تعب ما اعرف مصير هذا الولد الي ضال بس روح جوه

طلع الدكتور ركضت عليه بخوف
- هاا دكتور بشر ؟

- و الله حالته صعبه فوك ما تتصورون و شرايين ايده متكطعات و ايده تحتاج ست عمليات و ضربه بطنه و ضربه بايده اصابته صعبه كلش احتمال ضعيف يعيش انتو اهله ؟

- لا مو اهله ما نصير اله شي بس جنا موجودين بوكت القصف

- خير انشالله

راح الدكتور و عافني بقهري رحت يم زوجتي الي خايفه على هذا الشاب مبين متعوب بحياته لدرجه راسه مشيب

- هاا بشر شكال الدكتور ؟
- و الله حالته تعبانه و اهله ما نعرفهم وين

- شلون هسه ؟
- و الله علمي علمج خلي يتعافه و نشوف شنو نسوي بعدين

ايمان : احس بوجع قوي و خوف و كل المشاعر السلبيه احس بيها