تحت رحمة النسيان

البارت 34

تحت رحمة النسيان بقلمي و باللهجه العراقيه

تصويت + تعليق على الفقرات + متابعه لحسابي قدروا تعبي حتى استمر بتنزيل البارتات

وضميت السوالف غصباً اعله الروح
لان ادري الصدك من ينحجي يبزز

سمير صبيح

____________________________

ايمان : همست بصدمه و اني ما مستوعبه
- عرس باندا ؟

- اي شبيج مصدومه ؟

- لا بس مو علساس تزوجت ؟ شنو القصه ؟

- لا ما تزوجت جانت مخطوبه و اليوم العصر العرس

هزيت راسي و اني مقهوره
- الله يسعدها اني ما اروح تعبانه

- شنو ما تروحين فشله هذا عرس بت خالج و اني ما اروح اذا انتِ ما تروحين

- امجد ما اكدر اروح عندي شغل

- ايمان حجيت الي عندي اجي العصر الكاج محضره روحج حتى نروح

عافني و طلع و اني متت قهر كملت الغده على السريع و صبيت الهم و صعدت ابدل

سبحت و لبست ثوب اسود وبي لمع و لبست حجابي و ذهبي طب امجد باوعلي من فوك ليجوه

اشر باصبعه على طولي و همس
- هيج تروحين ؟

- اي هيج

- امشي بدلي ما شفتي نفسج من لبستي