تحت رحمة النسيان

البارت 21

تحت رحمة النسيان بقلمي و باللهجه العراقيه

تصويت + تعليق على الفقرات + متابعه لحسابي قدروا تعبي حتى استمر بتنزيل البارتات

بيـن الكصار أمجـانك بعيـد
ودنيتك بصف حبل الوريد

وجروحـك مبينـات أجاويد
يلجمني كل ما ضيمك يزيّد

_______________________

ايمان : تركت رسول و ركضت ادور على اخويه و اني اصرخ باسمه

و الضرب صار من كل مكان و النار انتشرت شفته واكف بهيبة

و ابويه كدامه لحد الان ما دافنه ركضت عليه بخوف

و لزمت ايده و بجيت قابلني بنظراته الحزينه و عيونه الي متحول لونهن احمر

صرخ بيه بقوه
- مو كلت اطلعي امشي ايمان امشي

- ما اروح اذا مو انت وياي لا تكسرني هيج نمر ما اتحمل

ما سمعني حضن ابويه و كام لزمت ايده بقوه جرني عنه بقوه بحيث الاسواره مالته انكطعت بيدي

حضنتها و بجيت صرخت وراه
- نمررر اوعدني ترجع

- وعد ارجع

هزيت راسي و طلعت ركض حضنت رسول الي بقه حاير وحده و يبجي

غفران متصاوبه و الدم بكل مكان حضنتهم و ابجي و اني حايره بيهم