تحت رحمة النسيان

البارت 20

تحت رحمة النسيان بقلمي و باللهجه العراقيه

تصويت + تعليق على الفقرات + متابعه لحسابي قدروا تعبي حتى استمر بتنزيل البارتات

لگينه الدنيا ما تنحب
‏حزن ودروب ما تنطب
‏درب مكتوب بي نبچي
‏ودرب مكتوب بي نتعب

___________________________

ايمان : صافنه بالفراغ و كأني صرت جزء منه جزء من الفراغ و العتمه و الخوف

كأن ايمان كل يوم تموت و تنولد من جديد

ابتسمت ويه نفسي و اني اهمس غريبه هل الايمان

ايمان اسم على مسمى عندي ايمان و يقين يجي يوم و اتكافى على صبري

صبري و تضحياتي و كسراني كلهن راح اتكافئ عليهن عند رب العالمين

اخت شهيد اني اخت مصطفى و نمر يعني مو شخص عادي

القوه و الصبر و الالم شي منا و بينا شي عاش ويانا سنين

صح مرت سنتين على خيانة احمد بس احسها دهر نسيتها و تخطيته و لا كأنه كان جزء من حياتي

اي هيج النساء القويات يتخطى الالم بابتسامه حزينه

كالطيور الجريحه الي ما عدها اجنحه بس رغم هذا بعدها عايشه و بعده موجود و يكافح