تحت رحمة النسيان

البارت 8

تحت رحمة النسيان بقلمي و باللهجه العراقيه

تصويت + تعليق على الفقرات + متابعه لحسابي قدروا تعبي حتى استمر بتنزيل البارتات

و بحب مصطفى لاسراء اكول :

النيه چانت بس احبك
وما احب كلشي يخصك
تالي حبيت المحله الأنت بيها
وأهلك وناسك وعطرك

مريضه و كتبته الكم كولو مو زينه و البارت طويل هم فعلقوا بين الفقرات يروحي انتم

_______________________

ايمان : ضليت افتر بالغرفه انتظرها هاي الثوله وين راحت شفت موبايلي يدز اشعارات

رفعته شفت احمد دازلي رساله هذا الثاني هم بطران و الله يا الله

فتحت المحادثه اشوفه شريد باوعت كاتبلي رساله بيها شعر

- صافن و افكر بيك و من بالي متروح امشي و ركعت الباب حسبالي مفتوح

حسبتها نكته و متت من الضحك ضليت اضحك وحدي

رجع دز صوره فتحتها باوعتله صورته خشمه و كصته مضروبه كاتب جواها

- شوفي شلون ركعت بالباب بسببج

متت من الضحك اني عبالي شعر طلع صدك مضروب بالباب

ضليت اضحك وحدي و اقره الرساله كل شويه رجع دزلي

- شو ما تحجين شي ؟

عدلت كعدتي كأنما كاعد كبالي مو يحجي وياي بالتليفون