تحت رحمة النسيان

بارت 37

تحت رحمة النسيان بقلمي و باللهجه العراقيه

تصويت + تعليق على الفقرات + متابعه لحسابي قدروا تعبي حتى استمر بتنزيل البارتات

ولا عبرن عليه وحالي حال الناس
اعرفهم حمام شلون اكول صگور

_______________________________

ايمان :
ضليت اقراه بيهن اخر شي كاتب بالرساله
- وفيت بوعدي و ما راح اطلك رجعتج بيت الطاعه

بمجرد ما قريت الرساله وكع التليفون من ايدي و جسمي رجف و حسيت كلشي انعاد عليه

مسحت دموعي و ايدي ترجف كتبت
- خلي شويه عندك كرامه و شويه رجوله و طلكني

ما رد على رسالتي سديت التليفون و رجعت لجربايتي و دموعي تجري غمضت عيوني و ايدي على بطني

و مثل كل مره اذا خلصت منه بالواقع فمستحيل يخليني بأحلامي ضرب تعنيف و اغتصاب

اصرخ بس محد يستجيب الي غابه جبيره حيل و ضلمتها قاسيه مثل كلبه ما يهمه بشر و لا صرخاتي

فزيت بخوف و اتلفت بالغرفه احس انفاسي مكتومه و كأن شبح امجد وراي

تعوذت من الشيطان و كمت شربت مي و فتحت النت اباوع لمسلسل تركي و ابجي وياهم بكل لقطه من المسلسل شفت نفسي و شفت عذابي