الكاتبة نور محمد....
#قصة عشق مجهوله.
2022/8/16
مقدمه...القصه تتحدث عن تلك البنت التي لم تستطع ان تثق بأحد كل الثقه طيلة حياتها و كانت دائما تضع تلك الحواجز بينها و بين كل من تحب خوفا و احتياطا على تلك المشاعر الرقيقه التي تمتلكها و على ذلك الحلم
الذي نمى بين اضلعها
و لكن للحظة واحده يتشبث قلبها بشخص مجهول تاركاً اياها تحاول ارجاعه ولا تستطع فهل سيكون الشخص المناسب الذي سيعيدها الى الحياة ام لا....و في مكان اخر....
هناك رجل متألم يمشي بشموخ تام و لا احد بأمكانه الامساك بألمه فهو في قمة التخفي و التنكر و بالأخص عندما يتعلق الموضوع بالقلب فهل سيقابل من سرقت قلبه و اعادت ترميمه و ارجعت اليه الحياة ام سيبقى على حطام تلك التي ذهبت و تركت له الما كبيرا
مشهد...
.
چنت طالعه من الامتحان چان اخر امتحان تعبانه و مالي خلگ نفسي ما ادري ليش من چم يوم ضايجه و احس روحي طاگه صارلي فترة مو يم اهلي لان الامتحانات بمركز المحافظه و احنه من القريه...فجأة ايدي انسحبت و بقوة باوعت و چان اشوف ولد حتى معدتي گلبت من شفته و گلت له و اني روحي بمناخيري و معصبه ناار صرت ...
روان: اترررررك ايددددي .
الولد: ليش ضايج الحلوو؟ (عود يخفف دم المليق)
سحبت ايدي و رحت مجاوبته و رجع سحبني و بقوة وبنفس الوقت جريت ايدي و ضربته راشدي معدل ( هذا الراشدي محد ظايگه غير اثنين اخوي و صديقتي و راح يضوگه واحد غيرهم هههه)
الولد: حقيييرة انتي منو و تضربيني ( بهالاثناء صوتي و صوته علن و الكل يباوع و محد يتقدم كرهت العالم وين صرنه احنه و فجأة راد يضربني الولد الي تحرش بيه و اجاه بوكس ما ادري منين و اني صافنه چنت حسبالي راح انضرب ههههه)
الولد الثاني ، بعصبيه: حقييير ما ظلت اخلاق و تتحرش بالبنات ادبسسسز عارر انته هم حاسب نفسك بشرررر
اباوع العالم التمت و الولد الثاني گضب الي يتحرش بيه مرده تمرد و يحچي و يسب و يلعن حتى اني خفت فازعوهم الناس و اجه يمي ..
الولد الثاني،بنتر :انتي بخييير
روان : اي اي شكرا (بتوتر لان چان كلش معصب ههه)
الولد الثاني،بعصبيه: شعندچ و حدچ هنااا؟ و شنو هاللبس ؟ شنو ماكو ولياااان ؟روان، بعصبيه: هي هي وانت شكو ؟ خير شدخلك بيه وبلبسي هاا لو هسه صارت منيتك عليه لان دافعت عني عمي ما اريد اني ادافع عن بلد و انته ليشش تدخلت ما ادري
الولد الثاني ؛ لحظه لحظة شبيچ انهديتي عليه بالله ما تدگولين ليه بهالظهريه شمطلعج هاا
روان : طلعني صخام و جهي اي غير امتحن ( بهالاثناء جان بودي اخنگه منو هو و هشكل متدخل اجو اخوي و ابن جيرانه و شافونه متعاركين) ..........
أنت تقرأ
قصة عشق مجهوله
Romanceالقصه تتحدث عن تلك البنت التي لم تستطع ان تثق بأحد كل الثقه طيلة حياتها و كانت دائما تضع تلك الحواجز بينها و بين كل من تحب خوفا و احتياطا على تلك المشاعر الرقيقه التي تمتلكها و على ذلك الحلم الذي نمى بين اضلعها و لكن للحظة واحده يتشبث قلبها بشخص مج...