الكاتبة نور محمد....
متابعه. و تصوتيت للقصه ♥️🙂
#قصة عشق مجهوله
#البارت23
روان: اشو فجأة شاهين و گع بالگاع و گام يبچي اني متت من القهر حسبالي من وراي و گعدت اريد بس افهم شبيه ماكو ما يحچي اي شي بس يبچي بحرگه
بچية طفل ،، حاولت اهديه ما هدئ گمت حضنتو چان بودي اسحب كل همومو لصدري اني ما اريد اشوفو مكسور ابد گمت ابچي معا و امسح على شعرو الاسود
الي مثل سواد الليل ورا نص ساعه هدئ شويه. و بعد عن صدري و مسح دموعي و اني مسحت دموعو ما سألتو لان اعرف اذا يريد يحچي و يرتاح بهالشي راح يحچي لي
شاهين: حيل استصغرت نفسي لاني جاي اعاقبها دائما بأخطاء غيرها و هيه بكل مرة تتحملني و تسامحني
و هسه عاملتها بكل عنف و وحشيه و هم سكتت بس
هالمرة اني ما گدرت اسكت ،،گعدت بالگاع و گمت ابچي و ابچي طلعت كل الدموع الي صار الهن سنين
اكابر انزلهن بوفاة الغالي نزل منهن قسم و ظل قسم
اكبر و هسه لازم ما اخلي شي بگلبي ظلت تمسح على راسي و انه معد اگدر اوگف هالفيضان مال الدموع
فد نص ساعه يلا هدئت شويه چان راسي بصدرها
اسمع دگات گلبها شلون ترجف سحبت راسي من صدرها چانت تبچي بحرگه مثلي و يجوز اكثر
من مسحت دموعي تأكدت انها نور لطريقي المُظلم ولازم احافظ عليها و اگول الها الحقيقه
عدلت گعدتي صار الدولاب بظهري و مديت الها ايدي
و هيه گضبتها و تقربت يمي و چان اگول
شاهين: چان عمري 19 چنت اول سنه طب عام و
مرتاح و متونس بس چانت حياتي مخربطه و اهم شي عندي قرايتي حتى مرات انسى نفسي على الكتب چان همي الوحيد احقق حلمي ما چنت احب اللون الاسود نهائيا و هذي الغرفه چانت الوانها فاتحه و الابيض اكثر
شي بيها و بعدها بيبي گامت تلح عليه اتزوج مچنت مقتنع ابد
چان كل تفكيري ارتاح بس هيه قنعت ابوي و صارو يلحون عليه لحد ما وافقت گالو راح ترتاح بت عمك
هاي راح تخليك ما تهتم لاي شي ،، باوعت لروان تدحگ بعيوني و تريد النهايه وين جريت حسرة و كملت ..
صار العرس و كملنه كل شي بس بدون لهفه او حب ما گدرت احبها نهائيا و فترة الخطوبه چانت اقل الـ15 يوم و جوزونه چان كل ظني راح احبها بعد الزواج
و هيه چان عمرها 14 الكل فرحان لانه اخذنه بنت عمي زياد الثالثه
روان،، بصدمه: بنت زياااد يعني اخت سناء و وفاء
شاهين،بحزن: اي هيه.... اسمها الاء
روان بعدت عني و و گعدت گبالي و صارت عيونها اكثر جرئه و كأنها تسأل الف سؤال بوقت واحد و تريد
الجواب. بسرعه ,, كملت و گلت
شاهين،بحزن: مرن اسبوعين يمكن او اكثر گامت تزن عليه انريد بيت بوحدنه و بصف جامعتك و حتى تگدر
YOU ARE READING
قصة عشق مجهوله
Romanceالقصه تتحدث عن تلك البنت التي لم تستطع ان تثق بأحد كل الثقه طيلة حياتها و كانت دائما تضع تلك الحواجز بينها و بين كل من تحب خوفا و احتياطا على تلك المشاعر الرقيقه التي تمتلكها و على ذلك الحلم الذي نمى بين اضلعها و لكن للحظة واحده يتشبث قلبها بشخص مج...
