الكاتبة نور محمد....
#قصة عشق مجهوله
#البارت15
امجد : گبل لا احط اللگمه بحلگي گلت و انه شكو و چان يگول :
شاهين: حتى انته تعقد عليها ،، انه من حچيت هيچ اشو امجد غص و اختنگ بأكله و بعدها هدئ حاولت
اشاقيه گتله : لازم عجبتك و ما صدگت تاخذها اشو انه حچيت هيچ هو طفر من مكانه و گالي بعصبيه
امجد، بعصبيه و صياح : هااااااي مرتك انته تسمممع انه ما اخذهاااااا
شاهين: گبل لا احچي اي شي گالي من رخصتك خويه و عافني وراح احتاريت ليش هيج انصدم اوووف اي
طبعا هو شاب مستحيل يورط نفسه بهيچ شي
لوعت الچبد بس الك يشاهين ااااه تذكرت حبيبتي روانتي من گالت عن الاطفال لوعت چبد اييه اييه
المشكله انه اگدر اعاند اكبر راس بس ابويه يمه و اگف
لانه دومه چان واگف معاي و يساندني من صارت المشكله قبل 8 سنوات هو الوحيد الي وگف معاي مع اخوتي چان اغلب المرات يجي يگعد يمي ببغداد
يواسيني و كل جمايله عليه ما اگدر ارفض اله هالطلب لانه من زمان ما راد مني غير اني استلم المشيخه و هاي چان بيها نفع اليه و هسه يريدني اخذ الفصلييه
بس انه گلبي و روحي يمها لحبيبتي اوووف اووووف
شلون راح احل هالمشكله يا رب ساعدني
امجد : من عرفت تفكير شاهين شبت بيه نار ولكم شلون بيه هذي اخيتي احد يگدر يتزوج اخته اوووف
لازم اقنع ابويه هو يحاچي شاهين اي هو الوحيد الي يگدر يقنعه طلعت من المضيف و رجعت للبيت ابويه هناك بعده گعدت نعا و بعد السلام و الكلام العادي گلت
امجد،: بويه احنه لازم نحچي
ابو حسن: تفضل يوليدي شنو رايد
امجد : بويه يمته راح تخلي شاهين يعقد على هاي البنيه
ابو حسن: انشاءالله بويه باچر ليش صاير شي
امجد، بحده : بويه البيت مليان و البت عليها العين اخافن احد يباوع الها او يضوجها بحچايه بعد هاي
مرت الشيخ تصير و لزوم تبقى يمه بغرفته مو جوا الدرج بغرفه حتى الفار ما يرضى بيها وشما تكون بالنهاية هيه مالها دخل بسواية اخوها ولا بـ الي سووا اهلها يعني اعتبرها يتيمه و هيچ انذلت تقبل الله لا
يسوي توگع هيچ مشكلة براس زهورة
ابو حسن: صدگت يوليدي بس انته شايف شي احچي گول
امجد ، شگلك بويه شاهين يريد يزوجني اخيتي جاوبته، لأ بويه احتياط حتى ما نشوف شي يزعجنه
ابو حسن : اي صح حچيك بس كون اليوم اقنع شاهين
امجد : بوويه شاهين ما يقنع حطه بالامر الواقع
،، ظليت احچي و اسولف و اشرح لحد ما اقتنع ابويه و راح حتى يحاچي شاهين خابرت امل
حتى تشوف روان لان انه البارحه طبيت متأخر للبيت و هيه ماكو بس امل گالت ما اگدر اجي و نفس البارحه اصرت تعرف ليش كتلها الا وجه بوجه احسن ،، گوه يلا
YOU ARE READING
قصة عشق مجهوله
Romanceالقصه تتحدث عن تلك البنت التي لم تستطع ان تثق بأحد كل الثقه طيلة حياتها و كانت دائما تضع تلك الحواجز بينها و بين كل من تحب خوفا و احتياطا على تلك المشاعر الرقيقه التي تمتلكها و على ذلك الحلم الذي نمى بين اضلعها و لكن للحظة واحده يتشبث قلبها بشخص مج...
