الكاتبة نور محمد.....
تصويت و متابعه حتى يوصل كل الجديد الكم 🥰🥰
#قصة عشق مجهوله
#البارت8
شاهين: بعد ما كملنه رادت تروح للبيت بس انه لزكت والله مجاي يهون عليه اتركنها بعد شوگ 4 سنوات اريدن اتعرف عليها اكثر ظلييت لحد ما اقنعتها نروح نتونس للعصر و بعدها ارجعها وين ما تريد
روان: طلب مني اظل و بصراحه اني بودي اظل بس خفت لا احد يجي من اخواني اليوم عليه و ما يلگاني بس اصر گلت يلا ميخالف خليني اشبع منو و بعدها عادي اترزل ههه بس طلبت منو يكون المكان هادئ مالي خلگ اشوف احد يعرفني
شاهين: طلبت مني نروح على مكان هادئ خطر على بالي مكاني الخاص مكان بصف دجله و يمه غرفه صغيره بلكونتها تصير بالمي شگد حلو المنظر هناك چنت دائما اروحن بوحدي و محد يعرفه غيري بس اجه
الوقت الي لازم اخلي احد يشاركني بي
روان: دگت بالوحده الظهر واني يصيبني قلق اذا ما صليت واحنه يم دجله قابل وين اصلي ياربي هسه شلون چنت كل شوي التفت و حتى ما انتبه للي يگوله
بودي اظل معاه بس ما يصير اريد اصلي هو انتبه و گال ....
شاهين : شفتها تحوص و كل شوي تلتفت گلت يجوز
خايفه مني چنه گاعدين بظل شجرة چبيره و يم المي و بوحدنه زعلت لان فكرتها خايفه مني و گلت الها ...
چاا شمالچ تتلفتين؟؟
روان: هااا لا ماكو
شاهين: رواان انه ما احبن الي يلف ويدور ياريت ما تتعبيني..
روان : اني هو اني يعني ..
شاهين: انتي شنو احچي ..
روان ،،، بتوتر: يعني الساعة دگت وحده و اني ما صليت و ماكو مكان حتى اصلي بيه
شاهين ،،بأستغراب و ابتسامه: اي تعالي اني هم ما صليت اكو هنا غرفه صغيره اغلب المرات اگعدن بيها ارتاح گومي خلينه نصلي( من گالت دگت وحده گلت
الي ابالي صحيح بس من كالت ما صليت كبرت بعيني بعد اكثر و گلت بگلبي هي هاي الي اريدنها وشوگد جنت ما احب اعترف بحبي الها بس لا هالمرة لزكت بيها هههه )
روان: يعني مو لاحد هاي الغرفه؟؟
شاهين : لا مو لاحد صاحبها انطاها الي گومي يلا
رحنا للغرفه و طبت هيه للحمامات تتوضئ انتظرتها
خارج لحد ما كملت حتى تاخذ راحتها و طبيت من
خلصت و شفتها تلبس بالبشت مالي مرة رميته هنا و ما اخذته گلت الها بأستغراب
شاهين: چاا شمالچ شدا تسوين
روان،،، بخجل؛ موو ما لازم اصلي بهذي الملابس لان من ادنگ بالصلاة رجلي يبينن
شاهين:( ياربي تريد تخبليني هالمخلوقه كل شوي
اكتشف شي يخليني اتمسك بيها اكثر ) تماام انه اتوضئ و اجي انتظري
روان: راح نصلي جميع ؟!!
شاهين: اي لو ما تريدين؟( جنت احچي معاها و انه بالحمام)
روان, بابتسامه : لا بالعكس
YOU ARE READING
قصة عشق مجهوله
Romantikaالقصه تتحدث عن تلك البنت التي لم تستطع ان تثق بأحد كل الثقه طيلة حياتها و كانت دائما تضع تلك الحواجز بينها و بين كل من تحب خوفا و احتياطا على تلك المشاعر الرقيقه التي تمتلكها و على ذلك الحلم الذي نمى بين اضلعها و لكن للحظة واحده يتشبث قلبها بشخص مج...
