الكاتبة نور محمد....
متابعه و تصويت و رأيكم الحلو حبايبي ♥️🥰
#قصة عشق مجهوله
#البارت24
شاهين: مرت الايام و انه احس جاي اتعلق بروان اكثر اشوفنها شلون تنسى كل شي يجرحها على مود ترتاح وصرت اخاف ازعلها بيوم و تعوفني و تكمل حياتها بدوني صار الهاجس الوحيد يمي اخليها مرتي طول
العمر و الحلو بيها ما تچذب و من اسألها اي سؤال
و شگد مچان جريئ و ردت الاجابه منها تجاوبني ،،
گمت من ارجع من المضيف بالليل من وقت اخذها
للبستان تشوفه و هيه حبته كلش احسها مثل الطفله و مرة .سئلتها گلت الها
شاهين: خواتچ مچانن عاقدات مو؟؟
روان: ياهن
شاهين: الي ردنه ناخذهن فصليه
روان،،بحزن: لأ
شاهين: يعني چذبو علينه ،، گالت. لي و هيه تجر
حسرة:ليش همه چذبو بس عليكم بعدها سألتها ليش انطوها فصليه و ما قبلو على هذنيچ مو اخواتها همين
و حچتلي كل الي صار معاها احسها كلما تگول امي
تبچي اكثر فعلا وين اكو ام هيچ
ومن عرفت انها هيه الي جابرتها و ضاربتها انقهرت حيل حتى رايده تخنگها و انه استغربت السبب الي يخلي ام تكره بنتها هيچ تعامل بتها مو مقنع. ابد هذا اذا چانت بتها من صدگ
ظل هذا الشي ابالي بس ما خليتها تحس
ومرت ايامنه وانه فرحان معاها بكل لحظة ،، السبت عطلة الي من كل شي بس حسيت الصبح على حركه
بالغرفه ما اهتميت گلت روان جاي تتحظر حتى تطلع اشوو هالحركه زادت فزيت متعصب و گلت
شاهين، بعصبيه؛ هاااي شنو شدا تسويين
روان،، بتوتر: اسفه گعدتك
شاهين : على شنو تدورين شنو مضيعة
روان: بفهاوة؛ على المخدات
شاهين: ههههههه ولچ ضحكتيني وانه مالي خلگ اضحك بالله ما تگولين الي شنو السالفه
روان: حچيت الو اني اريد اسوي رياضة بس المخدات
ماكو اشو ابتسم و گام صار بصفي و اني چنت لابسه دشداشه ربع ردن واصله يم الركبه گمت ابلع بريگي
شاهين: ناامي
روان: بصدمة: شنوو.
شاهين: ولچ لا يظل بالچ بعيد ههههه تعالي انه اگضب رجليچ
روان: هاا لا شكرا معد اسوي ارجع نام انته
شاهين، بنترة: تعااي
روان: استسلمت للامر الواقع و رحت تمددت على الگاع
و هو گعد فوگ رجليه و گمت اسوي گالي
شاهين: شكثر تسووين
روان : 40
شاهين: اوووف شدعوه
روان: مو اني من زمان اسوي ومتعودة و مشتركه بجيم
شاهين: شنوو جيم ويا ولد ال...
روان: وجع شبيك ، بفهاوة گلتها و راها فطنت
شاهين؛ ولچ صايرة ما تحترميني مو ترى اتصرف غير تصرف
روان: وجع الي يوجعني اني
شاهين؛ حطيت ايدي على حلگها هيه تسوي ما بطلت و گلت: اسم الله عليچ
أنت تقرأ
قصة عشق مجهوله
Romanceالقصه تتحدث عن تلك البنت التي لم تستطع ان تثق بأحد كل الثقه طيلة حياتها و كانت دائما تضع تلك الحواجز بينها و بين كل من تحب خوفا و احتياطا على تلك المشاعر الرقيقه التي تمتلكها و على ذلك الحلم الذي نمى بين اضلعها و لكن للحظة واحده يتشبث قلبها بشخص مج...
