الكاتبة نور محمد....
متابعه وتصويت حتى يوصلكم كل جديدي 🙂❤️
#قصة عشق مجهوله
#البارت13
روان :دحگت (باوعت) عليها متوترة و تفرك بأصابيعها گلت خلاص راح تجيني صدمه اخره
و فعلا اجتني صدمة حياتي حچتلي اسماء الي صار من البدايه
اسماء،بحزن: والله روان اخوتج مچانو مفكرين بهالشي بس بعد ما تكاونتي مع خواتچ بساعتين اجتهم امچ و گالت خلونه ننطيها فصليه عارضو علي و توفيق و ما
قبلو و گالو الها لا تفكرين بهالشي حتى,,الي راح يتعاقب عماد و احنه اذا احد راح من عندنه عادي لان ما عرفنه نربيه
فه امچ عصبت و گالت انتي موافقه و بعد حوار طال بينهم خابرن خواتچ على عمي ابو عمار و حچن الو انچ رايده تروحين فصلية و كالت امچ هيه بكل حال راح
تتزوج خلها تنفعنه بشي و قبل( وافق) لان جان اكو احتمال ياخذون من بنات عمومتچ يعني مو بس من يمكم او يطلبون فلوس چثيره و انتي تعرفينهم بعد يموتون على الفلس
روااان حبيبتي علي والله من درا ( عرف) انچ مو رايده تروحين فصلية گلب الدنيا و ظرب اختج نهى لان وكفت بوجهو و هسه ساجن نفسو بالغرفه
روان: ااااه الصدمات الي جعد تجيني وحده اقوى من
الاخرى گتلها: هو يزعل شوي و يرد يراضيهن و اني ابقى طول عمري زعلانه عادي
حسيت روحي مخنوگه والله الهوى ماجعد اگدر اشمه
حظنتني و گالت والله چان هزمتچ من هين بس اذا رحتي راح يگولون انهزمت مع واحد
من گالت هيچ صفنت بشاهين يربي شلون واني احس روحي ملكو وحدو شلون ارضى بغيرو شلون اگدر اني ما اعرف عنو شي و 4سنين ما نسيتو لعد لو نحب بعضنا شراح يصير بيه
اسماء: روان،،روان شبيچ
بچيت و گتلها
روان ، ببچي:و شاهين شلون... شلون بيه و لچ اني ما اگدر اشيله من تفكيري حتى,,ولچ راد مني رقمي و اني الغبيه ما انطيته خفت خفت لا نحب بعضنا و نتعلق
ببعضنا و ما يخلوني شفتي صار الي خايفه منو ااااخ .
ياگلبي شنو بعد راح تتحمل بعد شكو مصايب راح اشوف اويلي ،، اسماء حظنتني و بقت
تمسح على راسي ولا سألتني منو هو شاهين و بعد ما هديت شويه سولفت الها عنو و گالت لازم تنسينه تحملي حاولي تتحملين بعد هذا قدرچ
روان : والله اني مو ايوب حتى اتحمل كل هذا والله بقيت ابچي وو دموعي احسهن نار حرگن خدي حرگ حطيت راسي على رجليها و هيه تمسح براسي وتقرا ادعيه و ايات شويه هدأت
و بعدها غفيت بس حسيت عليها من شالت راسي و حطت مخده جوا راسي و باستني بگصتي و گالت
اسماء ،،ببچيه: الله يطلع حوبتچ بيهم يا روان انتي انظلمتي والله ما يقبل بالظلم الله يصبرج ويكون معاج....
أنت تقرأ
قصة عشق مجهوله
Romanceالقصه تتحدث عن تلك البنت التي لم تستطع ان تثق بأحد كل الثقه طيلة حياتها و كانت دائما تضع تلك الحواجز بينها و بين كل من تحب خوفا و احتياطا على تلك المشاعر الرقيقه التي تمتلكها و على ذلك الحلم الذي نمى بين اضلعها و لكن للحظة واحده يتشبث قلبها بشخص مج...
