الكاتبة نور محمد....
#قصة عشق مجهوله
#البارت6
شاهين: مرن 4 سنوات چنت احاول اشيلها من بالي و اگول هيه صدفه حلوة و مراح ترجع القدر علاقته بيه موش قويه حتى يخليني التقي بيها مرة اخرى تعودت و شلت الفكرة من بالي بس مرات اصفن بيها و مرات
اعاقب نفسي بالشغل حتى ما افكر بيها بهاي الـ4 سنوات تخرجت و صرت احسن جراح قلبيه جنت احب هذا الاختصاص من صغري احس القلب شي مقدس
بس بالرغم من كل شي ابد ما اخليه يتحكم بيه لانه غبي ما يعرف يختار .... قبل چم يوم اجانه امجد من الكلية خلص امتحانات و جاي اسلم عليه دگ تليفونو و گال...
امجد: هلو روانه شلونچ؟
روان : هاا يا بذات وينك اشو ماكو؟
امجد: چا اذا اني بذات انتي شنو ههههه
روان : يا خبيث صارلك شكثر ما سأل عني هاا
امجد : اسف اخيتي والله ما تنعاد بعد بس امتحانات و كذا و تعرفين شطارتي لازم انجح خوما بس انتي اول ههههه
روان: اي عيني الله يساعدك خلصت امتحانات اليوم انتَ سمعت
امجد: اي عيني اليوم خلصت چا منين سمعتي
روان : ولك اخبارك يمي كلهن ههههه لا تچفص لان اعرف كلشي عنك.
امجد ؛ والله ينخاف منچ انتِ عيني ههه هاا روانه ترى اني بالعمارة هسه
روان : هااا يلا لعد اخذ راحتك خويه
امجد : ولچ لا مرتاح والله ابقي
روان : لا اروح انام اصلا صديقتي اليوم نزلت همين و .
ضايجه گلت اخابرك اشوفك وين ، يلا باي عيني
امجد : نامي و ارتاحي بس ترى بالنتايج اجي اسلم عليچ و اريدج تعرفيني على صديقتچ هاا مو ذبحتيني
بيها ههههههه
روان: والله اذا هيه عرفت اني مضبطه الموعد الا تخنگني بس لخاطرك احاول ههههه
امجد: مو احترگ گلبي والله اريدن اشوفنها ولچ
روان: انشاءالله عود اناديها على جامعتي و انته هم تعال تصير صدفه عود ههههه
امجد: تخبل اصلا من القدر مو منچ هههههه
روان :اي طبعا يابه غير عقل عندي افكر بيه ما مطفيته بعدني ههههه يلا لك روح ارتاح باااي
امجد: وعليكم الباي گلبي هههههه
روان :: باااخيه ، هههه يلا يلا روحح مع السلامه
امجد : مع السلامه ، الله وياچ
شاهين :اباوع عليه يفتر بالصاله و شلون يحچي و يضحك احترگ گلبي من مجرد فكرة انه يعرفها لزگت
عليه اريد بس اعرف منو هاي بس يجوز
مجرد تشابه اسماء اي اكيد اوووف يضحك وويسولف .
و يحشش معاها و معانا تعبان و اريد ارتاح بس لا اكيد مو هيه خلص خلص لازم اسأله چا اني اذا بقيت هيچ
راح يطگ گلبي
شاهين: مجيييد ( بنتر) چا هاي منو
امجد : هذي اخيتي خويه
شاهين : اخيتك ؟!! و من يمته گلبي و عيني
امجد: شيخ والله السالفه طويله و تعبان اعزمني باچر على عشا و احچي الك هههه
شاهين: تعبان مو توك مرتاح
أنت تقرأ
قصة عشق مجهوله
Romanceالقصه تتحدث عن تلك البنت التي لم تستطع ان تثق بأحد كل الثقه طيلة حياتها و كانت دائما تضع تلك الحواجز بينها و بين كل من تحب خوفا و احتياطا على تلك المشاعر الرقيقه التي تمتلكها و على ذلك الحلم الذي نمى بين اضلعها و لكن للحظة واحده يتشبث قلبها بشخص مج...
