الكاتبة نور محمد.....
#قصة عشق مجهوله
#البارت2
روان: نزلت للحديقه بالـ11 ونص كلها نايمه بس اني اختنگت من الغرفه و نزلت شويه چنت صافنه على الگمر چان بدر و سمعت صوت....
سالم: گمر يباوع لگمر وين صايره هاي
روان: (بصدمه) ساالم ؟
سالم : اي شبيج خفتي؟
روان ؛ لا عادي ،، گعد هو گبالي على القنفه و ظلينه ساكتين سألني على دراستي اجوبتي چانت تختصر
بـ3 او 4 كلمات و هيه عادتي من احچي مع احد غريب ردت اگووم فجاة گال...
سالم: روان اني ....
روان: شنو؟؟
سالم: اني گمت احس بأشياء تجاهچ و ادري انتي هم مثلي ( ما اعرف انصدم بالخبر لو بثقتو الزايده)
رواان : سالم بالله عليك انت شجعد تحچي؟ اني حايره بالامتحان و انته تفكر بهالاشياء
سالم: ليش چذب مو انتي تحبيني؟
روان: لا ما احبك !!
سالم،بعدم تصديق : لا تغشمين روحچ شوفي اني هسه ما راح اسمع جوابچ بس تخلصين دراستچ جاوبي يعني 3 ايام يمچ
روان،: ما يعتاز مهله و خبصه ما احبك من صدگ احجي ترى
سالم : راح اعتبر ما سمعت شي هسه بعدين جاوبيني و اني راح ادز امي تخطبچ وك؟؟ ( عفته ورحت و اني
افكر بنفسي ليش مافرحت مو هذا الي چنت ادعي
يصير ليه واااااع شگد غبيه چنت رووينه شسوويتي شلون هشكل وكعتي نفسج غبيه بعد مو يدچ ههههه ، اني شگد متسرعه والله ما احبه لا و الغبي يگول گمت احس بأشياء تجاهچ تووو فطن بعد وكت عيني على كلا اصلا اهلي مستحيييل يزوجوني ههههه)
مرت الـ3 ايام و اني حتى على الاكل گمت اقلل نزلاتي لانه كلنه جميع نگعد بأعتبار سالم ابن البيت و اخوي المغفل زغير على الاساس فه كلها تنجمع
چنت طالعه من الامتحان چان اخر امتحان تعبانه و مالي خلگ نفسي ما ادري ليش من چم يوم ضايجه و احس روحي طاگه صارلي فترة مو يم اهلي لان الامتحانات بمركز المحافظه و احنه من القريه...
فجأة ايدي انسحبت و بقوة باوعت و چان اشوف ولد حتى معدتي گلبت من شفت خلقته استغفر الله و گلتهله و اني روحي بمناخيري و معصبه ناار صرت ...
روان: اترررررك ايددددي .
الولد: ليش ضايج الحلوو؟ (عود يخفف دم المليق )
سحبت ايدي و رحت مجاوبته و رجع سحبني و بقوة و
بنفس الوقت جريت ايدي و ضربته راشدي معدل ( هذا الراشدي محد ظايگه غير اثنين اخوي و صديقتي و راح يضوگه واحد غيرهم ههههه)
الولد: حقيييرة انتي منو و تضربيني ( بهالاثناء صوتي و صوته علن و الكل يباوع و محد يتقدم كرهت العالم وين صرنه احنه و فجأة راد يضربني الولد الي تحرش بيه و اجاه بوكس ما ادري منين و اني صافنه چنت حسبالي راح انضرب ههههه)
YOU ARE READING
قصة عشق مجهوله
Romanceالقصه تتحدث عن تلك البنت التي لم تستطع ان تثق بأحد كل الثقه طيلة حياتها و كانت دائما تضع تلك الحواجز بينها و بين كل من تحب خوفا و احتياطا على تلك المشاعر الرقيقه التي تمتلكها و على ذلك الحلم الذي نمى بين اضلعها و لكن للحظة واحده يتشبث قلبها بشخص مج...
