الكاتبة نور محمد....
متابعه وتصويت حتى يوصلكم كل جديد 🥰😊
#قصة عشق مجهوله
#البارت11
روان: طلعت من غرفتي بـ 10 و نص نزلت اريد اكل شي لان تذكرت مماكله من البارحه اووووف بالرغم من كل المصايب لهاي اللحظه شاهين محتل كل تفكيري شكله ، طوله ، هيبته ، ضحكته ، شعره و عيونه و كل شي بيه شاغلني و محيرني شنو هالشي الي خلاني اتعلق بيه لهذي الدرجه اووووف انوب ما اگدر اتواصل معا اكبر غلط سويته بحياتي انو وثقت بحظي تجاهلت تفكيري و نزلت للمطبخ لگيت الكل مخبوص و شافني مها ونهى و گالن
مها، بأستهزاء : توچ گعدتي ست الحسن صح النومه
نهى : خليها تنام و ترتاح هسه تا نشوف باچر منيمت راح تگعد و ضحكت ضحكة استهزاء ...تجاهلتهن وما رديت عليهن و رحت للثلاجه اخذ شي اكله اجت مرت اخوي گالت اني اسويلچ گلت بعد احسن اصلا مالي خلگ نفسي
گعدت. اشوف نظرات بنات عمامي كلها شفقه و شي منهن يگولن الي الله يكون بعونچ چان ابالي على شغلة عماد مچنت ادري منطيني كبش فداء للغلطه الي ارتكبها و مضحين بيه لخاطر واحد قاتل
اكلت و كملت و فجأة سمعنه صيحه گبت( شبت) بالربعه ( المضيف او الديوان) چان بأيدي صحن و وگع حسييت مو وگعت الصحن وگعت گلبي معا بقينه متوترين ,,تقريبا فوگ النص ساعه يلا هديت الاصوات ادحگ لمرة اخوي علي و كأنها تريد تگلي شي بس مترددة ما اهتميت گلت اذا تريد تحچي شي راح تجي تگول من دون لا اسألها مر الوقت و صبو الغدا و گالو انفضت المشكلة استغربت شلون تنفض بهالسوله وهمه البارحه گومو الگيامه على روسنه شلون هشكل بسرعه فضت المشكلة بقيت افكر و محتارة بالموضوع و بنظرات البنات الي كلها شفقه حسيت اكو شي صاير بس ما اعرف شنو
امي شافتني و ظلت تدعي عليه و تگلي وجه الشر استغربت لان گالو انفضت ليش لحد الان تبچي و تغلط ،طبعا ما گتلكم امي تعتبرني وجه شر لان باليوم الي اني اجيت بيه للدنيه اخوها متوفي بعدي بكم ساعه و من ذاك اليوم و هيه ما تحبني ولا تعاملني عدل و شنو يصير تحطو براسي هيه ما مقتنعه انو الله كاتبلو عمره ينتهي بهذيچ اللحظه و عمري يبدي بدل ما تگول رزقني بروح و اخذ روح چانت تلومني تگول اني الي موتو ،، رحت للمطبخ و چان اسمع بنات عمي يگولن .
روان،بصدمه: شنـ... شنووو
شاهين: من ردت دم اخوته كلها زعلت بس اني چان ابالي اضغط عليهم حتى يجيبونه الي مچنت متوقعهم ينطوني الي انه ما رضيت اخذه حتى لا اظلم احد بحكمي و انصدمت من گال عمهم :
عم روان: ننطيكم فصليه و تكفون عن الدم
شاهين: انصدمت بحچيه و گتله بعصبيه ،، چاا هيه المراجل بس على الحريم تطلع،، احنه فصليات مناخذ و نريد القاتل ما نريد احد يدفع الغلط بداله
بعد ما لح عليه و گال شتريد يجرالك بس اخوته
اعفيهم من الفصل گلت هاي هيه اجه الوقت المناسب حتى اخذ الي اريده وهو الي رخص و انطى مو انه الي ردت
شاهين، بحدة : بدل دم اخوته الـ3 ناخذ بناتكم الـ3 و دمه ينهدر بعدها صااح واحد من الشباب الي گاعدين و گال لا ميصير هو المفروض ما يحچي بالمضيف غير الشيوخ فه كلها باوعت اله و گال...
الولد: العفو منك يا شيخنه تسمحلي
شيخ عشيرة عماد: اتفضل ابني كريم گول ليش ميصير
كريم: چان يباوع لمراد و يحچي : مايصير لان.. لان انه و اخوي ابراهيم عاقدين على خوات مراد من فترة
شيخ عشيرة عماد: صدگ ابني مراد هذا الحچي
مراد،،بتوتر: هاا شيخنه اي... اي صدگ
شاهين: حسيتهم يچذبون و خاصة لمن شفت علي عصب و هو يباوع على مراد چانت عيونه ناار طبعا علي كل كلمه حچاها چانت بصفنه و اعتذر من ابوي و مني من لمن وصلنا بس ابد ما عارض كلام عمه احسهم
متفقين يا خوفي بنتهم عار مثل ابنهم ويريدون يخلصون منها و خاصة انو الفصليه ما ينراد نيشانها
ومن رخصوها اكثر زاد شكي و گلت
شاهين: دم مره ما يسد دم رجال و الشيخ حسن
مستحيل نفصله بمره
شيخ عشيرة عماد: اي حچيك صحيح بس الولد متهور واحنه نريد ننسى الي صار ونتفاهم بويه شتريد يجرالك احچي
شاهين : الفصليه بعباتها تجي و القاتل دمه مهدور النه والي يدافع عنه او يحاول يضمه و يشرده دمه مهدور معاا و 300 مليون واحنه ما ناسين تجاوزه على الوالد فوگ ما محگوگ هم صلف و بعد يومين يكون كل شي جاهز و هذا اخر كلام النه
شيخ عشيرة عماد: يا شيخ شاهين هذا الفصل يكسر الظهر
ابو حسن: ابني شاهين من رخصتك
شاهين: العفوو تفضل بويه
ابو حسن: انه ما حچيت لان اعرف ابني شاهين راح ياخذ حگ اخوه و مثل ما گال الي راح بسبب تهور ابنكم چان شيخ عشيرة الـ...... يعني موش هوين و 10 زلم ما يسوون ظفر من ظوافره هذا فصلنه يا نرجع للبدايه و ناخذ اخوته الـ4 بداله
شاهين: ابويه جان ساكت و ساندني بهاي الكعده و من حچه حسسني بأنو ورا كل كلمه
احچيها اكو عشيره بظهري واحد من الشيوخ الي جايي يساعدنه بالفصل وهو صديق الوالد يصير گالي
الشيخ محمد: شيخ شاهين انته ردت 300 مليون ومن يمي 100 مليون الك ظل عليهم الباقي وانشاءالله تفرج
شاهين: ردت اگله واگعات الك بس هو گال
شيخ محمد: چاا اذا ما قبلت ازعلن عليك يا ابن اخوي
شاهين ،، بأبتسامه: العفوو شيخنه انه ردت اگولن واگعات الك الفلوس ما يقيمن ال راح لانه اغلى منهن
شيخ محمد ،،بأبتسامه: صدگت يا ابني و مشكور
شفته ظرب على چتف ابوي و گال شيخنه رجال من
ظهر رجال. ربيت سباعك مثل تربيتك والله كفو
طبعا اصدقاء ابوي يگولوله ابو الاسباع لان احنه سبع ولد ،،
بعدها واحد من اشوخ الاخرين هم انطى 100 مليون من يمه و وگعتهن اله لان بالنهاية الفلوس من طلبناهن حتى نكسر ظهرهم مو حتى نكتفي بفلس و نسد الموضوع،،، اعرف طولت عليكم بس الگعده هيج جانت حاولت اختصر و هذا الي طلع كملنه الغدا ورحنه واحنه مرتاحين لان اخذنه بثار اخونه بس انه گلبي مشتعل روانتي شلون و وين اووووووف اووف فكرة انو انه بكركوك و ما شفتها دا تأذيني شلون بيه و سمعت كلامها المفروض الح عليها حتى اگدر اتواصل معاها مچان المفروض اسمع كلامها و اتركها....
روان : سمعتهن يگولن خطيه روان ما تعرف انها راحت الهم فصليه و حده اخرى گالت هيه امها و اخواتها من گبل لا يريدون فصل اقنعت عمي ابو عمار ينطنها فصليه و الأخرى كالت الله يعلم شمسويه و يردن يخلصن منها بعد عايشه ابغداد محد يعرف سوالفها
بعد الحچي. الي سمعتو طگ راسي و احس نااار شابه بصدري ليش ليش گمت اعيط و اصرخ بأعلى صوتي چانو ولد عمامي كلهم بالربعه و اخوتي و اخواتي بس هذني چانن يسون چاي الهم بالمطبخ و شويه وشفت علي اجه يركض و گتله
روان،، ببچيه و صياح: ليش علاوي ليش تنطيني فصليه ، راد يسكتني و امي حچت و كالت تروحين غصبا عنج هو احنه شستفادينه منچ غير المصايب
گتلها بصياح لان احس الحچي معد يفيد احسهم ما يسمعوني و اريدهم يسمعوني : ولچ يا مصايب الي يسمعچ يگول يوميه جايبه طلبه و فاضحتچ الي يسمعچ يگول معنسه ابيتچ ولچ رافعه راسچ حتى ابغداد هناك كلها تريد تعرف منو الي رباني ما يدرون انتي ظالمه اي ظالمه كل عمرچ ما تحبيني دائما تعامليني بأختلاف حتى اذا يصير شي مالي شغل بي
تكولين روان السبب انتي ظلمتيني من چان عبالچ اني السبب بموت اخوچ و لچ ريتني اني الميته اني ياريت ما عشت ولا تحملتچ و هسه تنطيني فصليه فصليه تا تسدين غلط هذا الحقير المجرم ابنچ و يا ما احچي ما
حسيت عليها غير تريد ترفع ايدها تا تظربني گضبت ايدها بقوة و گلت بعد.. بعد فوگ ما رخصتيني تريدين تظربيني ولچ انتي شنو شنوووو حچيت وسبيت كلها چانت ساكته و تسمع و محد تقرب يمي ونظرات الشفقه بعيونهم موتتني و فجأة اجه عمي عمي الي چنت شاده ظهري بيه و خذلني هم مثل الكل
عمي,, بصياح: ولچ شنو هذا حچيچ احترمي هذي امچ
روان،بصياح: لو هي امي من صدگ ما باعتني ما ترخصني گدام الكل ما تزتتتني( تشمرني او تذبني ) هييچ
عمي: غصبا ما عليچ ترحين سمعتي كافي لهنا سمحنا هواي الچ تتجاوزين
روان ، بعصبيه: اني اتجاوز لمن اريد انقذ نفسي من الي ورطتوني بيه اصير اتجاوز ،، اني شسوووويت حتى تجازوني هيچ هاا شسوووويت شسويت
كل شي ردتو سويته و اني مغمضه لو لان سمعت كلامكم و رفعت راسكم گدام العالم هيچي تجازوني لو صايره گح...مثل هذني( اثنين من بنات عمي و وحده من خواتي من ابوي حبن و رادن ينهزمن معا الي يحبنهم و لگفوهن ولد عمامي و انفضحنه من
وراهن بس بسبب الحچي الي طلع جوزوهم بسرعه) چان احترمتوني موو بهاي اللحظه ما حسيت غير عمي ظربني و امي سحبتني للغرفه هي و مها و ظلن يضربن بيه مچنت اصيح بس دموعي تجري بدون صوت و اغمى عليه من گد الضرب الي ضربنه الي
گعدت ميته من التعب ملگوحه بالگاع و صافنه بالسگف انفتح الباب چانن نسوان اخوتي ( اسماء و رفل)حاولن يوكلني بس ما ردت شي اريد اموووت كافي اريد اخلص ظلن يحاولن وياي مقبلت ،، راحت مرت توفيق
( رفل) و هيه تبچي على حالي والله هذني الاثنين دائما احن من امي عليه جانن يعاملني مثل اختهن الصغيرة و يوگفن معاي وگفات خواتي ما سونهن
مرت علي ( اسماء) گالت لي و هيه تبچي: ادري مو وقت هالحچي بس انتي لازم تعرفين شجاي يصير من وراچ انتي حبستي نفسچ هنا و ما عرفتي بكل شي
روان: ليش شراح يصير بعد اكثر 😔💔
اسماء: اني بعمري ما شفت وحدة بقوتچ و بأخلاقچ والله حبيتچ مثل اختي بالضبط بس صدگيني الي صار
چاان ...
روان :دحگت ( باوعت) عليها متوترة و تفرك بأصابيعها گلت خلاص راح تجيني صدمه اخره
و فعلا اجتني صدمة حياتي .....
ما مليت من الصدمات يا گلبي كافي اريدك ترتااح😔💔
يتبع ........
الكاتبة نور محمد.....
توقعاتكم حبايبي و تصوتيت للقصه و متابعه حتى يوصل كل جديد الكم 😊🥰
شايف من تمشي عدل وتعثرك الايام 🤷🏼♀️
شكو مخربط يصير براسك معدل 😔
شايف من تبين عود مامكسور
وتضحك وبضحكتك تنزل دمعه 🙁💔
أنت تقرأ
قصة عشق مجهوله
Romanceالقصه تتحدث عن تلك البنت التي لم تستطع ان تثق بأحد كل الثقه طيلة حياتها و كانت دائما تضع تلك الحواجز بينها و بين كل من تحب خوفا و احتياطا على تلك المشاعر الرقيقه التي تمتلكها و على ذلك الحلم الذي نمى بين اضلعها و لكن للحظة واحده يتشبث قلبها بشخص مج...
