ستكون هذه اللحظة خالدة ذاكرتي
اللحظه التي كل ماعادت الي حياتي
اجدني انسانه محطمه
....
2022\8\27
اخطو برفق بين غبار النجف الاشرف
لمحت قبره من بعيد
وقعت دموعي اثر مناداتي له في قلبي
فقط لتعود ايامنه معا
ساقسم لك اني لن اتركك بين نيران الحروب
فقط لتعود الي يافقدي
اتعبني رحيلك
قلت بصوت يرجو اللقاء
-جوهرتك اجت ماتستقبلها
وضعت شفتي على قبره وانا اقبله
-ماشتاقيتلي
وضعت راسي ودموعي تتساقط على قبره
اللحظه الاولى التي قبلني بها
جاءت الي ذاكرتي لتطلق عنان دموعي
اصبحت سجيبنه ذكرياتك
اردفت بصوت منكسر
-جوهرتك ربت اولاد وصارو اولادها مثل ماوعدتك
اجيتك بكلب مكسور لاتردني وانا اجر بذيال الخيبه
اجيت اسمع صوت ضحكتك مو اشوفك جوا التراب
اجيت اشفي دموعي يم قبرك مو اقرا هل اسم على القبر
عدت الى بيتي
بيتي الذي يملأه الحزن
عم السواد علي بعد رحيلك
.....
الماضي
سديم
لزم ايدي وحط فوكها كلينسه علمود ينقطع الدم
سحبني من ايدي طلعني برا الغرفه
حيل مصدومه من تصرفه
شخص ماعرفه تميم بس شكله واسمه اعرفه
شنو معنى تصرفاته الغريبه
صعدني على الدرج واني اتعثر
البيت كله فارغ نايمين والاضويه مطفيه
فتح باب الغرفه وشمرني بيها
قفل الباب وهوا يكول
-شسوين مصخمه صاعده لهذا الطابق
-شبيك تميم من كل عقلك تحجي مصعدني نص الليل لغرفتك علمود تسئلني هيج سؤال
كال بصوت فززني من مكاني
-كوووللي شتسوووووين هناااااا مساااع
جاوبت بدون تردد
-شمس نطتني دشداشة وكلتلي صعدي يمي
كال بنبرة تهديد وخازرني
-رجليج اكسرهن اذا اشوفج هنا لو اشوفج برا فاااهمه
مانكر خوفي منه ومن نبرة صوته وبداخلي اردد يارب خلي اليوم يعدي على خير
-لا اصعد ليش ماصعد شنو اليمنع وليش ماطلع نطيني جواب يقنعني
تجاهل كلامي تقرب علي وهوا يكول
-وين الدشداشة الي اخذتيها من شمس
-هاي
اشرت على الابستها ماحسيت اله يجرها حيل من يم الكتف ونكشت
بدون وعي دفعته حيل ولزمت دشداشتي اغطي كتفي
-انت مخبل شبيككك شككت ملابسي صاحي انت
الدمعه وكفت بعيني من الموقف الصار اريد افتح الباب والمفتاح عنده
حيل خايفه على نفسي منه وارجف
اردف بسؤال صفني
-تردين تدرسين؟
-اريد المفتاح
-جاوبي
-اي
-اي شنو
-اريد ادرس
-وابوج
جريت حسرة واني احس الحديث مطول الظاهر مناوي يخليني اطلع
-عادي السيد الوالد كل سنه يكول ماتدرسن ونكمل وهوا حتى مايدري
انتبهتله بلع ريكه وهوت يكول
-بشرط
-شنو عليمن الشرط
-اخلي ابوج يقبل وهوا ياخذجن للدوام
-ليش تكدر تقنعه
-بكم فلس يقتنع
-شكرا اذا هيج مامحتاجه تقنعه لو حتى ماداوم ميخالف اصلا راح نمتحن وتروح عليه السنه فماكو داعي
-ليش عندج عزة نفس ليش انتي مو مثل ابوج ؟
-مافهمتك
-اكلج شرطي تستري ولبسي حجاب حتى ب البيت ولاتطلعين برا نهائيا
-مارتاح ب الحجاب اختنك
-تتعودين
-ليش
صفن بوجهي واردف
_تقبلين الرايح والجاي يشوفج
_ماكو احد ب البيت بس نسوان وعمامي
تقرب وهوا يبعد ايدي عن شك الدشداشة
_تقبلين احد يشوف جسمج من جوا الدشداشة
_لا ماقبل وخر ايدك اريد اطلع
_ماتقبلين مو
هزيت راسي بلا
تقرب اكثر وهوا يكول
_تقبلين عباس ابن عمو رافت يجي يمي ويسولف عن جمالج
_عباس يحب يتشاقه
_مايصير لازم تلبسين حجاب انتي محجبه لاتشوهين صورة الحجاب التزمي بي لان ب البيت انتي مو وحدج لاتخلين عباس يشوفج بغير نظره ويسترخصج
دمعت عيوني من كلامه
_اريد اطلع
_هسه انا كلت شي غلط ليش تبجين
هزيت راسي بلا وانطاني المفتاح رحت نزعت دشداشتي وخيطتها ورجعت لبستها
ودموعي ماتوكف كم هبطه اليوم تعرضتلها
كلام تميم يدك براسي
حسيت مكانه غلط وجودنه غلط ب الحياة
رجعت يم بيبي نمت ورا ماشفت بشائر ونرجس نايمات ختلت بظهر بيبي وتغطيت بغطاها واني ابجي
من التعب نمت بسرعه
كعدت الصبح قبلهم كلهم نايمين طلعت برا والشمس توا طالعه كعدت على الدجه واني اتامل المكان الخضار الي تارس الحديقه
سمعت صوت طكطه ورا لكيت تميم وهوا يلبس بحذائه باوعلي واول مره اشوفه مبتسم
_صباح الخير
_صباح النور
_ليش كاعده
رفعت اكتافي بمعنى مادري لان فعلا مادري تعبانه ومجاي اشبع نوم بس بنفس الوقت مجاي انام هواي
صعد سيارته وصاحلي
_سديم تعالي سدي الباب وراي ودخلي للبيت
هزيت راسي وهوا طلع سديت الباب ورا بدون ماقفله لان يبقون رايحين راجعين وخصوصي الصبح كلها تطلع الدوامها فالمن اقفله
كعدت يم الزرع ضليت اشلع باوراق الكابرس واني صافنه على الصار البارحه
اباوع للحياطين مزرفه من الرصاص نقبض كلبي لو احد صاير بي شي لو احد متصوب
معقولة البشر عندهم هيج دم الانسان سهل وبهل سهولة يقتلون
ردت ادخل حسيت بخوف محاوطني حسيت الموقف راح ينعاد ندك الباب قوي بنفس اللحظه نفتح فزيت وانا اشوف تميم لازم كتفه وماعرف منين يطلع الدم فتحت عيوني متفاجاه صرخت بصوت عالي باسمه والرجفه هدت حيلي
كال بصعوبه وعلامات الوجع مبينه على وجهه
_سنديني لاتصرخين
رفعت ايده فوك كتفي واني ابجي على منظره قميصه مشكوك وينزف دم
_ضغطي ع الجرح
_لالا اصيح عمو
حسيت ذب ثكله كله عليه واني اصرخ باسم عمو وبيبي محد يسمعني احنه ب الكراج والبيت جبير وكلهم نايمين صرخت بعلو صوتي من ماكدرت اسيطر عليه طاح ب الكاع شبه فاقد
ركضت مثل المخبلة ادك بيبان غرفهم اريدهم يكعدون طلع عمو بفانيلا الداخليه والشورت من شاف الدم بيدي نصدم واني اكله تميم حيموت
ماجه بالي غير تميم راح يموت ايقنت بهاي الفكره
طلعت قبل عمو الي دخل يلبس لكيته فاتح عيونه بصعوبه ضغطت على جرحه والدم تخلل اصابعي واني اردد
_عفيه لاتموت تميم تسمعني
ابتسم بصعوبه بطرف شفته وهوا يردد بتقطع
_جرح بسيط
طلع عمو وبيبي وامه من شافته تخبلت كاعده وتلطم على خدودها اخذو تميم للمستشفى واكفه مصدومه من هجمت عليه كوثر وهيه تسحلني من شعري وتصرخ وبيبي تصيح عليها
_كلللله من ورااااج الكللللبه ابننيييي رااااح يرووووح من ايدددددي من وراااااج انتي وابووووووج
فكنها مني بشائر وشمس وهيه مستمره تغلط
وكفت مصدومه شدخلني اني بيهم
حتى ماعرف شصار غير صباح اكشر اشوف تميم بدمه كدامي
اخذتني ريم من ايدي تغسلهم ب المغسلة وهيه تبجي اردفت بصوت مكسور
_اني مادخلني بشي والله
هزت راسها وهيه تسمح دموعي
_اشش احنه نعرف تميم عنده عداوة ويه اشخاص لاتخافين يصير زين هوا مو اول مره صاير بي هيج هاي ثاني مره يدجونه بسجين
_اي اي هوا كلي جرح بسيط يعني راح يصير زين
لزمت ايدي بقوة وهيه تطمني
_اي يصير زين امشي وياي
رحت لبيبي حطيت راسي بحضنها واني ابجي
_بيبي يصير زين تميم مو
_اي يمه يصير زين شمكعدج من الصبح
_مادري بيبي من حضي الاكشر كاعده
_لاتكولين هيج يجوز لو ماكاعده تميم يموت واحنه ماندري
_عرفتو شلون متاذي
سكتت من دخل عباس ملهوف وهوا يسأل عن تميم
_هذول ولد الكلب اذا ماربيهم صبريلي بس صبريلي هذا حسين السكط اذا ماسويته وصل وصل انا اعلمه
_اي انت زايد على اخيك تميم بعد منين تطلبها كتلو وذبحو ومحد يدخل بيكم وشعرفك بحسين
صاح بيها بصوت عالي فززنه
_اكو غيره حسين الكلب ابن بتج هم فرحانه بحفيدج
نصدمت حيل من طريقه كلامه ويه بيبي ماكو اي احترام بكلامه
YOU ARE READING
قلوب بليده
Romanceانا عينيك الثالثه انا نفسك الثاني انا قلبك الذي لا يتوقف فكرك الذي لا يهدأ انا حرب لاتنتهي انا عصف حياتك انا كل عثراتك
