يانجاتي الاخرى بعد الاخرى
لون حياتي بعيونك
لاتخف من ماضي
انه ليتكرر مجداا
لكن ليس انا السبب
.....
غسق...
كل ثانيه وكل لحظه ترسم بداخلي فرحه سنين
وعوض تعب سابق
تغلب على خوف تغلب على قيود وضعتهن امي
دخلنه للمنطقه الكال عليها محمد
نزل حسين يسأل على بيت حجي سلطان
سأل اكثر من شخص لحد ماوصلنه للبيت
اشوفه من بعيد واتذكر شلون ابوي جان يجيبني يمهم شويه ويرجعني
اااخ يابوي الومك لان نطيتني لصديقك يربيني لو الوم امي العافتني لو الوم امي الربتني وبسبب انانيتها بعدتني عنكم
نزلت من السايره وكلني ارجف
دكيت الباب بيدي النحيله
طلع تميم وهو يباوعلي متفاجأ ويباوع الحسين
نطقت بصعوبه واني اشوف ورا تميم بنيه مدمعات عيونها
_وين ابوي
_تفضلي هسه يجي
دخلت ودموعي ماكدر اوكفها
خطيت اول خطوتين من هل بيت بعد غياب سنين
كلشي مثل ماهو المرجوحه والحديقه والساحه
_كومه اسأله براسي ياغسق سنين نشلع كلوبنه وين امج سهى هسه
سكتت واني اباوع لحسين كانو استنجد بي
غمص عيونه وفتحن بهدوء كانو يريد يطمني وهو يكل التميم
_صديقي هسه مو وقت عتب لان ام غسق بين الحياة والموت
_هسه يجي عمو حازم تفضلو ب البيت ليش واكفين
هزيت راسي بلا
_هنا انتظر ابوي اريد اشوفه وارجع وينه هسه
_تغدا وطلع خابرته هسه يجي
استوقف كلامه صوت هورن سيارة برا البيت طلعت اركض متاكده ابوي
نزل من السياره وعاف بابها مفتوح
جمدت بمكاني ابجي بصوت عالي واضحك
ابجي عتب هاي السنين واضحك من فرحتي بي
الشيب مالي راسه تقدم علي وهو يصيح باسمي
ماكدرت اوكف دموعي ولا كدرت اتحرك
اخذني بحضنه وهو يضمني قوي يردد بكلمات متتاليه
_بابا غسق بنيتي طلعت ادور عليج والله
ياراحة كلبي ويا تعبي يانظر عيني ماكدر اكعد ومادري بكاعج وين
اخذتي حيلي ياغسق دمرتي سنيني مرضتيني ب التفكير بيج
يرددهن ويرجع يرددهن مره ثانيه وهو حاضني
لفيت ايدي على ظهره واني اضم راسي بكتفه وابجي بحركه ويه كل كلمه يكولها يحفر بكلبي
مشتاقه لصوته الى درجه اركز بكل كلمه بكل بحه
بعدني من حضنه وهو يباوع بوجهي ودموعه تنزل على خده حرك كلبي وفته بدموعه مسحت دموعه من عيونه والغصه لازمه بلعومي ماكدر احجي
_اسفه بابا والله مو بيدي شي اسفه على كل لحظه تعبت بسببي
_انتي تعرفين انا برئ مو
_بدون ماتكلي بابا ماناسيه شي اني والله مو بيدي شي كلشي فوك طاقتي انتظر يوم يوم حتى تطلع من السجن واشوفك
رجع حضني واكتافه تهتز من البجي وصوت بجيه
بعدت من حضنه واني اباوع لعيونه الى هسه ممصدكه الي كدامي ابوي دنك وجهه وهو يمسح دموعه
اخذت ايديه واني ابوسهن
ESTÁS LEYENDO
قلوب بليده
Romanceانا عينيك الثالثه انا نفسك الثاني انا قلبك الذي لا يتوقف فكرك الذي لا يهدأ انا حرب لاتنتهي انا عصف حياتك انا كل عثراتك
