كيف اعرف من احب ويحبني
كيف اختار الطريق كما يجب
هل خلاصي حينما اصبح مخلصا
ام دعائي حين اشعر ب الذنب
لم يجبني
شار من قلبي الذي من عشقه باقي يدندن منطرب
.....
بقلمي
زينب
غسق...
جاي اسد باب الحمام اريد اغير ملابسي ودفع الباب حيل
وجهه محتقن احمر وهو يصيح
_شو انتي تتصرفين بكيفج
طلعت من الحمام وكفت كدام وجهه
_وليش حتى ماتصرف بكيفي اكو شي يمنعني هسه تخابر جدو يجي ياخذني ماضل هنا
_لا تضلين وغصبا عنج
_مو بكيفك ولا برايك
_براي ابوج اذا مو برايي وهذا المناسب الي يشوفه
نصيت صوتي ورخيت ملامحي حاولت شكد ماكدر اهدي نفسي لان تعبت من المجادله ويه شخص ماينفع وياه الحجي
_عزيز لاتصير انت هم علي اني ماضارتك بشي تكدر تحاجيني بكل هدوء وتكلي لا تطلعين وترجعلي جهازي مجاي افهمك والله حتى حسين تمنعني احجي وياه وهو صديقك وتعرفه شنو
_انتي مريضه روحي نامي
عفته ورحت واني ودي اضرب نفسي لحد ماموت
سألتني امه الي جانت كاعده تصلي صلاة المغرب
_شبي عزيز طالع صوته
كعدت ع السرير حاطه ايدي جوا حنجي ومنصيه راسي حجيت بصوت ناصي
_خالة اني ماعرفكم ولا سامعه بيكم قبل
بين يوم وليله صرت بينكم بسبب ظروف حكمت علي حتى عزيز ماعرفه قبل ماعرف شبي وياي بدون سبب يعصب علي وكانو يلوم حالتي الاني بيها مكافي تعبي
عافت سبحتها على السجاده ونزعت محرم الصلاة
تربعت وهيه تلم سجادتها وتحجي
_عزيز هيج طبعه ماكلج من جان صغير بس من كبر وبحكم شغله والتحقيق صنع منه انسان ثاني حتى ويه خواته ميكدر يشاقن وياه بسرعه ياخذ الشقه بجد هنه تعودن على اسلوبه لاتضوجين واعتبري ماحجه شي
صفنت بوجهه واني احاجيها
_بس اني ميهمني عزيز
تجاهلت كلامي وهيه تمدلي بيدها علاج وجابت كلاص ماي
شربت العلاج واني ساكته
روحي تلوب على ابوي شوكت يطلع واشوفه
طلعت خالة ودخل عزيز للغرفه حط التلفون ع الميز بقوة وكال
_عمج وجدج اجو
_وينهم
_من البارحه هنا بديالى
_ليش ابوي ميقبل ارجع وياهم
_ماعرف شنو براس ابوج تردين ترجعين انتي
بلعت ريكي بخوف جاي احس عزيز غريب متقلب ساعه هيج وساعه هيج
_ارجع للبصرة
_اي
_وابوي
_يطلع ويرجع وراج
عافني وطلع ورا ماشافني ساكته
الافكار تضرب براسي اخاف صفاء وابنه يوكعون ابوي بتهمه واني بعيده عنه اخاف امي تموت بمرضها طلعت ورا عزيز واني اسأله
_عزيز تعرف شكد تكلف القسطره
_مادري شكد ب الضبط بس مليونين اقل
_بس كلولنه تكلف خمسه ملايين
_وين تردون تسووها بخمسه شسالفه
YOU ARE READING
قلوب بليده
Romanceانا عينيك الثالثه انا نفسك الثاني انا قلبك الذي لا يتوقف فكرك الذي لا يهدأ انا حرب لاتنتهي انا عصف حياتك انا كل عثراتك
