قلوب بليده

part 53

ماذا جنيت لكي تمل وصالي

.....
تصويت
بقلمي زينب...

.....

غسق...
بعد حديث طويل ويه عزيز وزوجه ابو رحت للمطبخ اساعد المره(ام طيبه) الجانت تطبخ جانت تحجيلي عن اطفالها وسوء حالتهم الماديه وشلون تحتاج وتطلع تشغل علمود تدبر عيشتهم جنت صافنه عليها حسيت بيها ب الضبط العوز مؤلم

كتلها واني اخذ المواعين من ايدها علمود اصب اكل
_خالة روحي الاطفالج اني هنا اساعد الحجيه
_لا هيه اذا ما اصبلها بيدي ماتاكل

ابتسمت الها وهيه تصب اكل رحت اصيحلهم علمود يتعشون جانت الحجيه فارشه سجادتها وتصلي وتسبح وعزيز لازم مبايله وكاعد يمها

_عزيز ام طيبه خلصت طبخ تتعشون
قطعت تسبيحها وهيه تكول
_يمه صرنه احنه خطار اهله عذريني بنيتي خليتج وحدج ويه ام طيبه ماكدر اكوم يمكم رجليه تعبانه

_لا حجيه شسالفه ماسويت شي اهم شي راحتج
كال عزيز وهو الها وهو يكوم

_يمه اجيبلج هنا الاكل لو ب المطبخ
_جيبه هنا وليدي ماكدر اكوم

جانت مبينه شكد تعبانه وعندها صعوبه ب الكومه والكعده كالت وهيه تاشرلي اروح يمها
وكف مشيته عزيز وهو يراقب تصرفاتها

رحت يمها دنكت المستواها وهيه تحجي بهمس يم اذني
_حبيبه ريمه حطي اكل الام طيبه خطيه جهالها هسه ينتظرونها وهيه تستحي تاخذ حتى من انطيها كوة تاخذه كليلها الحجيه وصتني

هزيت راسي وكفت مكسور خاطري عليها
التفتت على عزيز الي يكول رافع حواجبه
_خير شو تهمسون

_ماكو شي يمه روحي غسق
صفنتني وهيه مره تكلي غسق ومره تكلي ريمه تذكرت بيبي من تكل السديم ديمه وين الربط ب الموضوع مادري طلعت وطلع عزيز كالب ملامحه ويكول
_شتريد امي ليش ماتحجي
_ماتريد شي

كال بصوت عالي فززني من صفنتي
_مو اسولف ويااااج مو كوة اسحب الحجايه منج من احاجيج جاوبيني بدون مقدمات

استغفرت بداخلي الف مره قبل لا انفجر غمضت عيوني بهدوء واني اكله مبتسمه مثل كل مره اخضع اله ناسيه كلشي لان مايهمه شي مستعد يصيح ويكلب البيت اذا ماكتله لو حتى جان شي بسيط

_ماكو شي عزيزي بس الحجيه كلتلي حطي اكل الام طيبه لان المره تستحي تاخذ واطفالها ينتظروها ب البيت

تقرب على وهو يكول
_ماسولفتي من البداية
_موضوع مايستاهل نسولف بي اصلا

تقرب علي وهو يحط راسه يم راسي وحاضني من خصري غمضت عيوني وجسمي يقشعر من نفسه بعد مايمرر خشمه على ركبتي وهو يتحسس جلدي

_عزيز شلون لو تزوجنه هم ما اسولف ويه عمتي واخواتك
هز راسه بلا وهو يكول
_بس كدامي تسولفين