مساء الخير حلويني، لا تنسون تفاعلكم اللطيف
اسّتمتعوا 🤍
__
م قدرت تنام نهائيًا بسبب طبيعتها بأنها م تقدر تنام بأي مكان جديد عليها
لكن الواضح إنها بتصير تألف هالمكان بسبب رواء اللي ناويه تخلي سكنها الجديد يكون المستشفى
وطول يومها راح وهي مشغوله مع رواء بمرضاها وحالاتهم ويادوب أخذت بريك ١٠ دقايق قبل ترجع تشتغل
كل م تذكرت إنها بتطلع الصباح وتوصل اخواتها لدواماتهم وهي مواصلة وبعدها م عندها إلا كم ساعة تريح فيها قبل ترجع لدوامها, تحس إنها بتنهار
رفعت عيونها لساعتها وشافتها صارت ٣ ونص الفجر
تذكرت حالة المريض اللي كان بالطوارئ وقلبها أنقبض بألم..
بعد تردد وأفكار كثيره قررت تمشي لرواء وتكلمها لعل وعسى توافق
وقفت قدام مكتبها ورتبت شكلها ودقت الباب بهدوء
رواء بصوت هادي : تفضلي
ترف دخلت ولا تلقائيًا طاحت عيونها ع سدن اللي كانت منسدحه ع الكنب والطرحة طايحه من عليها لكنها كانت صاحيه وقاعده تطقطق بجوالها بملل واضح
أستغربت لكن م علقت ولفت لرواء وهي متوترة تفتح الموضوع وسدن موجودة..
رواء سكتت ثواني وهي تتأمل بملامح ترف المتوترة ونطقت بهدوء وعيونها لا زالت ثابته ع ترف : دكتورة سدن، ممكن ترجعين لمكتبك وتخلصين شغلك؟
سدن وقفت بملل : لا مالي حيل، بنتظركم برا لين تخلصون
طلعت سدن بعد م عدلت طرحتها بكسل ووقفت تنتظرهم برا
رواء نطقت بعد فترة من الصمت : صار شيء؟
ترف بنبرة متوترة ويدها ترجف : دكتورة رواء، ممكن نروح نشوف حالة المريض اللي بغرفة ٥٠٧؟
رواء بأستغراب : المريض اللي اسمه مازن؟
ترف هزت راسها : أيوه اللي كان بالطوارئ.. اليوم
رواء لاحظت رجفة ترف اللي حست إنها مُبَالغ فيها لكن تجاهلت الموضوع : وليه الأهتمام المُفاجىء رغم انك واضح م كنتي مهتمه وقت دخوله الطوارئ؟
ترف مسكت نفسها وردت بهدوء ظاهري : بس نتأكد من حالته الصحية، عشان م تنتكس فجأة ونفقده قبل يمدينا ننقذه
أنت تقرأ
سُدف
Romance" كأنَكِ قَطرةٌ هطَلت بصَدرِي، فصارَ الصَّدرُ بُستانًا وَوردًا " - مثلية، علاقة ليزبيان (بنت وبنت) - مشاهد +١٨ في بعض البارتات - درامية، حُب - مكتملة *جميع الحقوق محفوظة لي وأي تشابه بالأحداث أو الأفكار أو السرد مجرد صدفة لا غير.
