سُدف

3. وَبَال

اهلاً اهلاً

هالبارت مفروض نزل من الخميس لكن زي م تعرفون أخوي كان بحالة صعبة وم كان لي مزاج لشيء لكن كتبت نص البارت وأنا اشتت نفسي وقتها وتو اللحين كملته، وبما إني ذكرت الموضوع لا تنسونه من دعواتكم):

اسّتمتعوا 🤍

__

كانوا كلهم صاحين، ترف مستغله إجازتها ووريف ووتين اخذوا عذر إن العمر مره وقرروا يسهرون مع ترف

كانت وتين ماسكه علبة ماي وحاطته عند فمها وتغني بصوت عالي مع صوت السماعة

بينما ترف كانت واقفة وتهز مصري ووريف تضحك وتصفق

ثواني قبل تصرخ وريف : هيه اص شوي المندوب قاعد يدق

وتين طفت الاغاني وجلست وهي تتنفس بقوة بعد كل الجهد اللي بذلته

ترف هي الثانية وقفت رقص وطالعت بوتين وكيف تسوي نفسها بتولد من التعب وكتمت ضحكتها ع ملامح الثانيه الغبيه

وريف دلت المندوب ع بيتهم وأول م قفلت من الإتصال ترف صرخت : م بقوووم أجيب الطلب، قلته أول وحده فيكم

وتين ووريف طالعوا فيها وهم ساكتين

ترف لعبت بحواجبها : تعرفون نظامنا أول وحده تتكلم تكون برا الحسبة

وريف تنهدت وطالعت بوتين : يلا خلصيني

وتين طالعت فيها وهي تتأفف : يله

عدوا من واحد لثلاثه قبل يلعبون حجرة ورقه مقص

في ثالث مره فازت وريف وخسرت وتين وهالشيء خلاها هي اللي تقوم وتستلم الطلب

ترف صرخت : وتين البطاقة بشنطتي حاسبي منها

وريف خزت ترف : تراني للحين ماني راضيه إن المندوب أخذ أكثر من حقه بس لأن الوقت متأخر

وريف تكتفت: أنا اللي بحاسب صح؟ خلاص أجل مالك شغل

وريف قلبت عيونها وقامت للمطبخ تجهز مكان عشاهم وترف قامت تضبط الفلم وتشغله ع الشاشة الكبيرة

دخلت وتين ومعاها أكياس العشاء وهي تتحلطم وتسبّهم

ترف بأستفزاز : يقولون أصغر القوم خادمهم

وتين صبعت لها وم ردت

ترف رمت عليها كرتون الفاين وهي تخزها بنظراتها بينما الثانية تبتسم ببراءة