سُدف

15. رغبَة

أهلاً مساء الخير حلويني

وحشكم التحديث الأسبوعي؟
أجل خل نوحد الدعاء أرجع أصمل عليه ههههههههه

م أطول عليكم..

اسّتمتعوا 🤍

__

"هَذا الهدوء الذي يَعترِي مَلامِحي
‏رُغم ضَجيّج روحِي .. مُهلك حدّ المَوت!"

..

الساعة 1:30 الفجر

خلصت كوب قهوتها وقامت وقفت وهي تبتسم: يارب م أكون ثقلت عليك وازعجتك؟

رواء قامت وقفت معاها وتكتفت: نعم؟ شهالكلام اللحين؟

ترف ضحكت بخفة: لا بس تو أنتبه إني اخذت كل ذا الوقت عندك وم حسيت

رواء خزتها وم تكلمت

ترف ابتمست بوهقة وحكت ورا رقبتها وهي عاضه شفتها

رواء تنهدت وابتسمت: خلاص فكي التوتر بس اطقطق معاك لكن م حبيت إنك أنحرجتي مني وعاملتيني برسمية

ترف زفرت أنفاسها براحة

للحين توترها رواء لمن تقلب ملامحها وتخزها وتصير باردة معاها

رواء م حبت كيف ترف باقي تتوتر منها بهالطريقة وبدون تردد قربت منها وسحبتها لحضنها وشدت عليها

ترف جمدت بمكانها لثواني من الصدمة قبل تستوعب وتبادل رواء الحُضن بتردد

رواء بعدت وجهها شوي وقربت لخد ترف وهمست: لا تقطعيني لوقت طويل مره ثانيه..

ترف بلعت ريقها وبدأ جسمها يرجف وم قدرت تنطق 

رواء إبتسمت بخفة وباست طرف خد ترف لكن قريب من شفتها السفلية

وكانت متعمدة تبوسها ببطىء ولوقت طويل قبل تبعد وتبتسم بوسع أكثر

ترف حست بقلبها فعلاً بيطلع من صدرها من قوة ضرباته

وما تدري هل هو بسبب حُضن رواء الدافي لها؟ ولا همسها؟ ولا بوستها اللي أربكتها؟ ولا ابتسامتها الهادية اللي أسرت قلبها؟

تنهدت بثقل من غير تحس وبصوت مسموع

وصوت تنهيدتها الواضح خلى رواء تضحك بصوت خافت

ترف انحرجت وودعتها بسرعة وسحبت اغراضها وطلعت وهي تحس بأنفاسها المتسارعة