သာယာညိမ့်ညောင်းသော စန္တရားသံလေးဖြင့် စနိူးအိပ်ရာမှ နိူးလာပါသည်။
မျက်လုံးဖွင့်ကြည့်လိုက်တော့ ဘေးက စားပွဲပေါ်က နာရီက ၈နာရီထိုးနေပြီ. . ။ အခန်းထဲမှာလည်း နေခြည်နွေးနွေးလေး ဖြာကျလို့ . .
အပြင်မှာတော်တော်လင်းနေပြီ. ။
မနေ့က အအေးမိသွားလို့ ဖျားချင်ချင် ဖြစ်သွားတာ၊ မေမေလာတိုက်တဲ့ဆေး သောက်ပြီး အိပ်ပျော်သွားတာ တချိုးထဲပဲ။
စန္တရားသံလေး အိမ်ပေါ်ထပ်က ကြားနေရတယ်. . ။
စနိူးကုတင်ပေါ်ကနေ လူးလှိမ့်ရင်း နားထောင်ကာ ဇိမ်ယူနေလိုက်သည်။ ၅ မိနစ်လောက်နေတော့ စန္တရားသံ တိတ်သွားသည်။
အဲတော့မှ စနိူးလည်း အိပ်ရာကထ မျက်နှာသစ်.. ၊ အခန်းပြင်ကို ထွက်ကြည့်လိုက်တော့ အောက်ထပ်မှာ ဘယ်သူမှ မရှိပါ။ ပြီးတော့ မနေနိုင်တာနဲ့ အိမ်ပေါ်ကို တက်ကြည့်သည်။
အဖေ ပြောထားတဲ့ ကိုကို့ အမေရဲ့ အိပ်ခန်းက တံခါးပွင့်နေသည်။
မေမေနဲ့ အဖေတို့ ဘယ်သွားကြပြန်ပြီလဲ မသိဘူး။ ကိုကိုက ဒီအခန်းထဲကို တခြားသူဝင်တာ မကြိုက်ဘူးတဲ့. . ။
စနိူးခြေထောက်ကို ဖွနင်းပြီး အခန်းပေါက်ဝမှာ သွားချောင်းကြည့်လိုက်သည်။ အထဲမှာ ကိုကို. .
ပစ္စည်းတွေကို ဖုန်သုတ်နေသည်။ အခန်းထောင့်မှာ အနက်ရောင် ပြောင်လက်နေသော စန္တရားတစ်လုံးကို တွေ့လိုက်ရသည်။
ဟားး း. . ဒါစောစောက အသံမြည်လာတဲ့ စန္တရားပဲ ဖြစ်မယ်. . မိုက်လိုက်တာ. .။
အဲ့ဒီ့စန္တရားကို စနိူး သွားကိုင်ကြည့်ချင်မိသည်။ အဲ့အန်တီအခန်းထဲမှာ တခြားထူးထူးဆန်းဆန်း စိတ်ဝင်စားစရာ ဘာမှ သိပ်မရှိပါ။ ပစ္စည်းတွေတော်တော်များများကို အဝတ်နဲ့ အုပ်ထားတာတွေ့ရသည်။
စန္တရားကြီးကတော့ အမိုက်စားပဲ သူနောက်တစ်ခါလောက် ထပ်တီးရင် ကောင်းမှာပဲ. . .။
YOU ARE READING
Step-Siblings ဖအေမတူ မအေကွဲ (Completed)
Romance"ဘာလဲ ဦးဦးက မေမေ့ကို လက်ထပ်မှာလား" 'ဟုတ်တယ် ဦးဦးနဲ့ သမီးမေမေ လက်ထပ်တော့မှာ ဦးဦးတို့က မိသားစုဝင်တွေ ဖြစ်လာတော့မှာ. . .' "ဒါဆို သမီးတို့ ၃ ယောက် တစ်အိမ်ထဲ တူတူနေရတော့မှာပေါ့နော်" စနိူးက ပျော်ရွှင်ပြီး စိတ်လှုပ်ရှားစွာ မေးလိုက်သည်။ ဦးမိုက်ကယ်က နူတ်ခမ်း...