နောက်တစ်နေ့ မနက်ကစပြီး ကိုကိုက အရင်လိုပဲ လေစိမ်းတွေပြန်တိုက်နေပါတော့တယ်။ စနိူးကိုလည်း မလိုအပ်ဘဲ စကားမပြောတော့ဘူး။ မျက်နှာက ခပ်တည်တည်ခပ်တင်းတင်းကြီးနဲ့. . .
နေ့လည်စာ စားချိန်တွင်
'ကိုကို'
ရိုင်ယန်က ဘာမှပြန်မထူးဘဲ ထမင်းဆက်စားနေသည်။
'စနိူးကို အခုထိ စိတ်ဆိုးနေတုန်းလားဟင်. . '
ကျောက်ရုပ်ကြီးနဲ့ စကားပြောနေရသလို ဘာသံမှ မကြားပါ။
>>ကိုကိုပဲ တမင်ပြန်မဖြေတော့တာလား။ ဒါမှမဟုတ် စနိူးပဲ မနေ့က ဖျားပြီးသေသွားလို့ ၊ အခုဝိဉာဉ်ကြီးဖြစ်နေလို့ ကိုကိုက စနိူးရဲ့ စကားတွေ မကြားတော့တာလား။
မဟုတ်သေးပါဘူး။ ငါသာသေသွားတာဆိုရင် ကိုကိုက မနက်က ငါ့ဖို့ ကြက်ဥထမင်းကြော် ဘယ်ကြော်ပေးပါ့မလဲ။<<
'စနိူး နောက်သူတို့နဲ့ ဘယ်တော့မှ မပေါင်းတော့ပါဘူး. . နောက်လည်း အဲ့ဒီ့ကိုမသွားတော့ပါဘူး။'
"အင်း"
အင်း တစ်လုံးပြောပြီး ရိုင်ယန်က ပြန်ငြိမ်သက်သွားပြန်သည်။
>>သြော် . . ဒါဆိုငါမသေဘူးပေါ့။ ကိုကိုက စိတ်ကောက်လို့ ပြန်မဖြေတာပေါ့။ ဘုရားစူး 'အင်း' တစ်လုံးကို ကြားရဖို့အရေး စနိူးမှာ ဘယ်အထိတွေးမိမှန်း မသိဘူး<<
'အဲ့ဒါတွေကလည်း ကိုကိုမှ စနိူးကို အရင်ထဲက တားမှမတားထားတာ ကိုကိုမကြိုက်မှန်းဘယ်သိပါ့မလဲ။ စိတ်ချပါ နောက်လိမ္မာတော့မှာပါ။'
ဘာမှပြန်မပြောတော့ပြန်ဘူး. . .
'ကိုကို. . .
ကိုကို. . . စနိူးကို အဲလို စကားမပြောဘဲ မနေနဲ့လေ'
"ဟင်. . . . ပြောစရာက စကားမှ မရှိတာ။. . ကဲ. . ငါစားလို့ပြီးပြီ"
ပြောပြောဆိုဆိုနှင့် ချက်ချင်းထသွားလေသည်။ တကယ်ဆို ကိုကို ထမင်းလည်းသိပ်မကုန်သေးဘူး။
'ကိုကို ပန်းကန်ထားခဲ့ စနိူးဆေးပေးမယ်လေ'
YOU ARE READING
Step-Siblings ဖအေမတူ မအေကွဲ (Completed)
Romance"ဘာလဲ ဦးဦးက မေမေ့ကို လက်ထပ်မှာလား" 'ဟုတ်တယ် ဦးဦးနဲ့ သမီးမေမေ လက်ထပ်တော့မှာ ဦးဦးတို့က မိသားစုဝင်တွေ ဖြစ်လာတော့မှာ. . .' "ဒါဆို သမီးတို့ ၃ ယောက် တစ်အိမ်ထဲ တူတူနေရတော့မှာပေါ့နော်" စနိူးက ပျော်ရွှင်ပြီး စိတ်လှုပ်ရှားစွာ မေးလိုက်သည်။ ဦးမိုက်ကယ်က နူတ်ခမ်း...