ဒေါ်ဂျယ်နီ မျက်လုံးများ ဝိုးတဝါးပြန်မြင်လာရသည်။ မျက်နှာကျက်က သူမ မမြင်ဖူးသောမျက်နှာကျက်၊ ၄ ပေ မီးချောင်းတွေကို တွေ့လိုက်တာနဲ့ ဒါအိမ်မဟုတ်မှန်း တန်းသိလိုက်သည်။
သတိရရခြင်း ပထမဆုံး ရလိုက်တာက စူးရှရှဆေးရုံအနံ့ကြီး. . .၊ ညာဘက်လက်ဖမိုးပေါ်မှာလည်း တင်းတင်းကျပ်ကျပ် တစုံတခုကိုခံစားလိုက်ရသည်။
>>အား ခေါင်းကိုက်လိုက်တာ. . . ငါဘာဖြစ်သွားပါလိမ့်<<
'ဂျယ်နီ. . ဂျယ်နီ. . '
"ဟင်.. အကိုကြီး"
'ဂျယ်နီ. သတိရလာပြီလား. . '
ဒေါ်ဂျယ်နီက ဦးမိုက်ကယ်ရဲ့လက်ကိုကိုင်ပြီး အားယူကာထလိုက်သည်။
"အကိုကြီး ဂျယ်နီဘယ်လိုလုပ် ဆေးရုံရောက်လာတာလဲ"
'ဖြည်းဖြည်းထ ဖြည်းဖြည်းထ . . လက်က ဆေးပုလင်းသွင်းထားတာ ထိမိသွားအုံးမယ်'
>>အဲ့ဒီ့ဆေးပုလင်းက အရေးမကြီးပါဘူး. .. ။ အရေးကြီးတာ သမီး<<
"ဟိုကောင်လေးရောလို့. ."
'စတီဗင်လား. .. အမလေး မင်းရဲ့သမက်လောင်းကြီးလား. . အားမကိုးရပါဘူးကွာ
သမီးထွက်ပြေးသွားပြီဆိုတာနဲ့ မင်းကိုလှည့်တောင် မကြည့်တော့ဘူး။ သူ့လူတွေနဲ့ အကုန်ပတ်ရှာဖို့ အပြင်ထွက်သွားကြတာ. .။ ငါ့မှာဆိုင်က ကလေးတွေကို အကူအညီတောင်းပြီး မင်းကိုဒီအထိရောက်အောင် လိုက်ပို့ရတာ'
ဒေါ်ဂျယ်နီက မျက်ရည်များဝဲလာပြီး. . .
"အကိုကြီး . .အကိုကြီးရေ . . . သမီးကို ရအောင်ရှာမှဖြစ်မယ်"
'ဂျယ်နီရယ်. . . ငါလည်း ရှေ့မျက်နှာနောက်ထားပြီး ပြောရတော့မယ်. .။ ကလေးတွေကိုဒီအတိုင်း ထားလိုက်ပါတော့ကွာ၊ သူတို့ဘဝနဲ့ သူတို့သာရှိပါစေတော့. .'
"မဟုတ်ဘူး အကိုကြီး မဟုတ်ဘူး။ သမီးမှာအန္တရာယ်ရှိတယ် အကိုကြီး. . သမီးမှာ အသက်အန္တရာယ်ရှိတယ်"
'ဂျယ်နီ မင်းပေါက်ကရတွေမပြောနဲ့တော့ . . ရိုင်ယန်က သမီးကိုဘာမှမလုပ်ဘူးစိတ်ချ'
ВЫ ЧИТАЕТЕ
Step-Siblings ဖအေမတူ မအေကွဲ (Completed)
Romance"ဘာလဲ ဦးဦးက မေမေ့ကို လက်ထပ်မှာလား" 'ဟုတ်တယ် ဦးဦးနဲ့ သမီးမေမေ လက်ထပ်တော့မှာ ဦးဦးတို့က မိသားစုဝင်တွေ ဖြစ်လာတော့မှာ. . .' "ဒါဆို သမီးတို့ ၃ ယောက် တစ်အိမ်ထဲ တူတူနေရတော့မှာပေါ့နော်" စနိူးက ပျော်ရွှင်ပြီး စိတ်လှုပ်ရှားစွာ မေးလိုက်သည်။ ဦးမိုက်ကယ်က နူတ်ခမ်း...