طيوف الماضي

البارت(1)طيوف_الماضي الكاتب#احمد

تصويت ومتابعه لحتى توصلكم باقي البارتات والقصص ❤😁
#طيوف_الماضي
بقلم #احمد
البارت_1
.
.
السلام عليكم ورحمة الله
اسمي جنى بس قبل ما اعرفكم على نفسي خلي اخذكم بجولة صغيرة عن ماضي ابوي
.
.
عندي عمام ثنين وابوي الثالث وجان هو الوسطاني بالترتيب من جان عمرو صغير جدي جان يحبو لان حنون على اخوانو وجان هو اكثر واحد يكدر يعتمد عليه
.
.
من وصل عمر ابوي 22 تخرج من الجامعة بس ما حب يقدم على وظيفة واشتغل وجمع فلس فوك فلس لحد ماكدر يفتح محل مواد غذائية
.
.
ولان المنطقة الي عايشة بيها صغيرة وسوك مابيها جان المحل فكرة كلش حلوة وصارو كل اهل المنطقة يشترون منو ويوم بعد يوم انعرف ومشى شغلو وصار المحل اكبر وشغلو كلش زين
.
.
وبعدها كون نفسو وتزوج امي وبعدها بمدة توفى جدي وجدتي من القهر عليه ما تحملت وتوفت بعدو بشهر الله يرحمهم كلهم
.
.
ابوي وعمامي جانو ساكنين هم وزوجاتهم ويا جدي بس عمي الجبير اصر انو ياخذ حصتو من الورث وابوي مايكدر يكول لا لان حقو
.
.
وجان الورث عبارة عن ارض زراعية والبيت من تقاسمو حصصهم عمي الجبير كال المحلات من ضمن الورث وصارت مشكلة بينو وبين ابوي بس محد وكف ويا عمي
.
.
كل الناس كالت المحلاث لابوي وبسبب هالشي عمي صارت يكره ابوي كره مو طبيعي من تقاسمو حصصهم ابوي اشترى البيت مال جدي من عمامي لان ما يكدر يفرط بيه
.
.
عمي الصغير جان موظف وكدر يشتري بيت على كدو ويكمل شغلو بوظيفتو والي هي معلم ابتدائية وابوي استمر بالمحلات وسكن بالبيت مال جدي
.
.
اما عمي الجبير كعد ببيت اجار بحجة يستثمر الفلوس وبعدها راح يكدر يشتري بيت بس سوا العكس وبقى يصرف فلوسو على اشياء تافهة لحد ما خلصن فلوسو وما بقى عندو كلشي
.
.
جدي جان عندو مشكلة بالانجاب وصار فارق كلش جبير بين اعمار عمامي وابوي وهالشي انتقل لابنائو هسا خلي اعرفكم على عمامي وعوائلهم
.
.
نبدا بعمي الصغير اسمو علي عمرو 39 وزوجتو رؤى عمرها 35 وماعندو اولاد لان عمي عقيم وزوجتو من عرفت ما تخلت عندو وكالت مستعدة ابقى بدون اطفال بس المهم ابقى وياه
.
.
وعمي الجبير اسمو ناصر عمرو 59 وزوجتو لمياء عمرها 53 عندهم ولد اسمو محمد عمرو 16 سنة وبنت اسمها منار عمرها 10 سنوات
.
.
محمد تعرف على شلة مو زينة واصدقاء سوء وتعلم عالشرب ويوميا يرجع على بيت اهلو سكران وينكتل وينحبس وما يفيد بيه لحد ما عمي استسلم للامر الواقع واقتنع ان محمد ما منو فايدة
.
.
هسا بعد هاي المقدمة الشبه مملة خلي افتحلكم باب ذكرياتي واعرفكم على نفسي وعلى اهلي نبدا بابوي منصور عمرو 50 سنة وامي رانية عمرها 45 سنة
.
.
من تزوجو تأخر عندهم الانجاب مثل جدي وبعد مدة طويلة صارلهم هيثم عمرو 20 سنة مواصفاتو طولو 180 وزنو 70 بشرتو سمرة عيونو حادات
.
.
من خلص السادس صار يشتغل مع صديقو بالبناء بالعطلة وبسبب الشغل جسمو صار عبارة عن عظلات لان يشتغل بهمة وتعب
.
.
شعرو مرتب ومو طويل كلش ولحيتو مرتبة دائما وعينو لونها ازرك وهو روحي من الدنيا
.
.
واخير شي اني جنى عمري 10 سنوات ومثل ما يكولون مدللة العائلة وشنو اطلب محد يكولي لا بس رغم الدلال جانو اهلي حريصين انو يربوني عالشي الصح علمود ما تخرب تربيتي
.
.
مواصفاتي قصيرة نسبيا وبسبب اكل الحلويات باستمرار صرت شبه سمينة بس امي حرمتني منهن لحد ما ضعفت شوية بس بقن خدودي كبار
.
.
عيوني سود بس بيهن شوية زراك وكلش حلوات حسب وصف الي يعرفوني بشرتي بيضة وكل الي يعرفوني يشهدولي بالجمال
.
.
ودائما احمد ربي على نعمة الجمال شعري اول ما اجيت للدنيا جان لونو اصفر بس مع الوقت تغير لونو وصار بني
.
.
خلي احجيلكم شوية عن حياتي قبل بداية القصة من انولدت للدنيا جان اخوي دائما وياي من يرجع من المدرسة يبقى يلعب وياي علمود امي تخلص شغل البيت
.
.
وحتى من ياكل اني بحظنو ومن تعلمت عالاكل يكعدني بحظنو ويوكلني وبسبب اهتمامو تعلقت بيه امي جانت تحبنا حب ما ينوصف وبالاخص اني لان وحيدة وصغيرة واجيت بعد انتظار كلش جبير
.
.
جانت من تطلع لجاراتنا تاخذني وياها وبسبب استماعي لكلامهن تفتح عقلي واني صغيرة وصرت اعرف كلشي
.
.
ومن وصلت عمر 7 سنوات امي صارت تعلمني على شغل البيت وتخليني اساعدها بالمطبخ علمود اتعلم شوية شوية واني جان عاجبني الموضوع لان جنت اعتبر الي تشتغل معناها جبيرة بالعمر واني اريد اكبر بسرعة
.
.
عمي علي جان دائما يزورنا هو وزوجتو يتونسون ويانا ويروحون وجانت مرتو تموت علي تبقى شايلتني وتلاعبني لحد ما ترجع للبيت وطبعا هي معلمة وياه بنفس المدرسة
.
.
عمي ناصر رغم قريب علينا بس نادر كلش يزورنا ومرات بس بالاعياد لان يجتمعون عندنا بالعيد اما ابوي جان بين الحين والاخر يزورو
.
.
ومرات ينطيه مصروف لان حالتهم المادية ضعيفة وابنهم محمد لا شغلة ولا عملة مكضيها شرب وعربدة ويا جماعتو وجماعتو عود زينين وياه يشترولو مشروب على حسابهم لان فقير وهو مكيف وياهم
.
.
جانت حياتي هادئة وحلوة بوجود بابا وماما واكيد وجود هيثم بس جانت اصعب الاوقات من يداوم بالجامعة بيتنا قريب من الموصل بس منطقة صغيرة
.
.
وجان هيثم يروح للجامعة كل سبت ويرجع الخميس اني السبت وضعي عادي من يوصل يوم الثلاثاء اكلب الدنيا بالبجي على هيثم
.
.
وما اصدك على الله يجي يوم الخميس ابقى كاعدة بالباب انتظرو من الصبح لحد ما يجي حتى من يصير الغدا احطلي بصحن واطلع اكعد بالباب اكل
.
.
جان جوارينا المقابيلنا اسمو عزيز بعمر هيثم ساكن هو وامو وماعندو احد غيرها من يطلع ويشوفني كاعدة يحجي وياي ويشاقيني ويعتبرني اختو
.
.
ومرات من نكون طابخين اكلة يحبها ياخذ صحني واني اجيبلي صحن ثاني ونكعد يم بعض اني وياه ناكل لحد ما نشبع والي يشوفنا يكول اخوان مو جيران
.
.
ومن ابوي يروح للمحلات يسلم على عزيز ويكولو دير بالك على جناوي ويروح وعزيز يكول بعيوني لحد ما يجي اخوها المخبل واني اتعارك وياه لان يحجي على هيثم وهو يكضيها ضحك علي
.
.
ومن اشوف هيثم اجى اروح ركض عليه هو ياخذني بحضنو من يحضني احس ميت ورجعتلو الحياة ولازم بكل لقاء ابجي بحظنو لحد ما يهديني ويراضيني بكم بوسة ونرجع اني وياه للبيت
.
.
ورغم يجي تعبان وبس يريد ينام بس يبقى كاعد وياي ونلعب ونحجي لحد ما يصير وقت النوم اروح اني لغرفتي وهو يجيه الفرج ويروح ينام ههههههه
.
.
كعدت ثاني يوم قبل ما اغسل وجهي رحت لهيثم جان نايم تمددت على الجهة الثانية من السرير وسحبت الغطى وتغطيت وتركت هيثم وهو من حس بالبرد اندار علي
.
.
هيثم: ها ولج خبيثة ليش هيج
جنى: اني نايمة
.
.
هيثم: ها عبالي كاعدة
جنى: لا لا نايمة
هيثم: تمام
.
.
جنى: ما حسيت الا انسحب الغطى مني وهيثم يدغدغني من بطني حتى حلكي كام يوجعني من الضحك اريد اسكت ماكدر واختنكت وعافني كال هيج احسنلج كلتلو اي ورجع يدغدغني اجت امي شافتنا نلعب وضحكت وكالت يلا تعالو نتريك
.
.
هيثم: يلا بنيتي كومي غسلي
جنى: انت غسلي وجهي واديني
هيثم تمام يلا
.
.
جنى: رحنا غسلنا اني وياه واكثر شي احبو هو احساس اديه من يفركن اديني من خلصنا غسيل رحنا تريكنا مع ابوي وامي بعدها ابوي راح للمحلات
.
.
ودائما الجمعة يفتحهن لل 10 وبعدها يرجع للبيت يسبح ويروح لصلاة الجمعة وهيثم راح على عزيز يتونس شوية ويرجع واني بقيت ويا امي نسوي الغدا وننظف البيت
.
.
جانت امي تكلي روحي نظفي الصالة من اخلص تخليني التهي باي شي وتروح تتأكد انها نظيفة ولا لا وما تسوي هالشي علمود ما تخليني اتحسس انو شغلي مالو فايدة
.
.
وقبل جنت ما افكر بالموضوع وما فهمت ليش تسوي هيج لحد ما كبرت وفهمت لحالي الساعة 10 اجى ابوي كال لامي اليوم بالليل يجون ابو محمد واهلو
.
.
امي: شعجب اول مرة يسووها
ابوي: والله ماعرف بلكي الله يهديه
امي: واني شنو اتمنى غير هالشي
.
.
ابوي: بس حسيت ببالو موضوع بس ما حجى
امي: مو اكولك ما يجي بدون سبب
ابوي: الله كريم من يجي نفهم كلشي
.
.
امي: المهم الحمام جاهز
ابوي: عاشت ايدج
امي: وانت عايش
.
.
جنى: دخل بابا يسبح واني مبتسمة عليهم شكلهم كلش حلو لان يحترمون بعض كلش هيثم ما شفناه لبعد الصلاة رجع هو وابوي واول ما دخل يصيح جنى الخبلة وينج
.
.
اخذت الجفجير وطلعتلو وهو انهزم واني اركض وراه وابوي وامي يضحكون علينا دا اركض وفجاءة انسحب مني الجفجير ومسك اديني هيثم
.
.
اريد اتحرك ماكدر ابوي رغم رجال جبير وثكيل بطبعو بس من شاف منظري ضحك لحد ما بطنو كامت توجعو كال صار ساعة هادة ورا اخوج اخير شي ماكدرتي تسوين شي
.
.
هيثم: شرايج باتفاق
جنى: شنو هو
هيثم: اشتريلج حلويات العصر
.
.
جنى: اتفقنا
هيثم: ام كرش
جنى: عادي المهم حلويات
.
.
عفتو يضحك ورجعت لماما ساعدتها وحطينا الغدا وتغدينا وبعدها بقو كاعدين هيثم وابوي ورحنا اني وماما نغسل مواعين شفتها ضايجة
.
.
كلتلها ليش ضايجة ماما كالت ماكو شي بس احس اكو شي مو زين حيصير وبسبب صغري ماعرفت شكول بهيج وضع بقيت ساكتة وكملنا غسل المواعين العصر كلت لهيثم كوم جيبلي حلويات
.
.
هيثم: جيبي فلوس
جنى: باستغراب .. شنو من فلوس
هيثم: دينار للحلويات و 5 كروة ((من جان الدينار الو دور))
.
.
جنى: هلو واني منيلي
هيثم: اني كلتلج اجيبلج ما كلت على حسابي
جنى: ما دخلني كوم جيب
.
.
هيثم: يابة يمة اني كلتلها اجيبلها على حسابي
امي وابوي: لا
هيثم: سمعتي
.
.
جنى: زعلت وتركتهم ورحت لغرفتي كلت بعد ما احجي وياه لو شنو يسوي يضحك علي وعبالو راح اصالحو بقيت بالغرفة للمغرب وطلعت جنت بالمطبخ واجى هو من خارج
.
.
هيثم: جناوي سويلي عشى جوعان
جنى: سوي لنفسك مدخلني بيك
هيثم: حرامات لعد اودي العلاكة لجارتنا الصاكة
.
.
جنى: رحت اركضلو .. لا لا اسويلك والله بس كلي شنو جبت
هيثم: سويلي وتعاي اخذيها
.
.
جنى: رجعت حطيت الاكل عالطباخ وحميتو وحطيتو بالصينية ووديتها الو وكوة شايلتها نزلتها كدامو واخذت العلاكة منو فتحتها لكيت بيه بنطلون وقميص الو
.
.
رفعت راسي مستغربة كلتلو شنو هذا كالي هاي العلاكة الي ذبحتي نفسج عليها وضحك ضحكة خبيثة بقيت ساكتة بس لان طفلة وشعور الخيبة اثر بي نزلت دموعي
.
.
هو يسوي نفسو مو مهتم وياكل وكعن الملابس من ايدي وحطيت اديني على عيوني وبجيت حسيتو سحبني لحضني ويضحك
.
.
ويكلي ولج اروح فدوة لدموعج خلص لا تبجين بعد اديني عن عيوني وشوفني علاكة مليانة حلويات وكوة رضيت واخذت العلاكة ورحت لغرفتي
.
.
من دخلت كلت ما يجي الا بالعين الحمرة وضحكت وفتحت العلاكة وبديت اكل واهلي يعرفوني ماراح اتعشى بسببهن فمحد اجى كالي عالعشى
.
.
الدنيا جانت شتاء يعني بال 5 تقريبا يأذن المغرب اني بقيت بالغرفة لل 7 اجت ماما كالت راح يجون عمامج تحظري كمت بس عزلت غرفتي وغسلت اديني ووجهي ورجعت بدلت ملابسي
.
.
شوية واجى عمي علي وكال ابو محمد كال اليوم نجتمع عندكم علمود موضوع يخص جنى وكلنا استغربنا بس محد يعرف شكو
.
.
اني بقيت ويا زوجتو رؤى لان كلش حبابة واني اموت بيها تقريبا نص ساعة واجى عمي وعيلتو حتى محمد اجى كعدو الزلم بالاستقبال وزوجتو وبنتو دخلن عندنا بالصالة
.
.
بنتو منار ما احبها لان نفسيتها كلش زفرة ومن تجي ابقى بعيدة عنها وهالمرة وجود عمة رؤى كلش فادني لان بقيت وياها زوجتو لمياء مو اقل من بنتها بس تسوي نفسها زينة علمود محد يلومها
.
.
عند الزلم
.
.
ناصر: ابو هيثم اليوم جاييك بموضوع يخص جنى
ابوي: تفضل يخوي
ناصر: جنى اريدها لابني محمد من تكبر
.
.
ابوي: ابو محمد شو مسوي نفسك ما تعرف ابنك
ناصر: محمد ينطيك وعد من اليوم يتعدل ويصير خوش رجال وراح تشوف بعينك
.
.
ابوي: والله يخوي اني اتمنى اشوفو يتحسن
ناصر: شنو رايك انت
ابوي: اني اكول خليها لوقتها احسن
.
.
ناصر: وليش مو هسا
ابوي: اول شي اشوف محمد اذا يتعدل وثاني شي من تكبر جنى نسألها والله كريم
.
.
ناصر: ومن ايمتى البنت الها راي
ابوي: لعد منو الو راي
ناصر: ابوها واخوها اذا يتيمة
.
.
ابوي: شنو قابل اني راح اتزوج بمكانها كل عقلك يخوي
ناصر: اي كل عقلي البنت ما الها راي
ابوي: اذا انت ناوي تزوج منار بهالطريقة فاني مو مثلك
.
.
ناصر: افهم من كلامك مو موافق
ابوي: كلامي واضح خليها لوقتها وربك يسهل
ناصر: لعد راح اسهل عليك واكلك جنى محيرة لمحمد ((منهي عليها))
.
.
ابوي: حيارها باطل
علي: استهدو بالله ما تنحل هيج امور بالتعصب
ناصر: خليك برا الموضوع علي
.
.
ابوي: ناصر احترم اخوك كدام ابنك وابني
ناصر: اني اخوه الجبير
ابوي: وحتى لو اخوه الجبير هو طاك براسو الشيب هم
.
.
علي: اتركو يخوي اتركو
ابوي: لا علي انطي رايك
علي: اني رايي يتأجل الموضوع لحد ما تكبر جنى
.
.
ناصر: الموضوع مو متعلق بجنى لحالها
علي: نعرف بس قابل راح تزوجهم هسا خلي تكبر وهم محمد يرجع مثل قبل ولوقتها الله كريم
ناصر: اني كلتلكم اذا ما تنطوها بالزين اخذها بالقوة
.
.
بقو يتناقشون وهذا يهدد وهذا يصيح وذاك ينطي راي بس هيثم ومحمد جانو ساكتين محمد فرحان لان ابوه يريد يجبرني اتزوجو وهيثم ساكت احترام لابوي
.
.
بس جان من سابع المستحيلات يوافق حتى لو ابوي وافق وهالشي مستحيل هيثم ماراح يوافق ومستعد يوكف بوجه الدنيا كلها علمودي
.
.
ولو ما ابوي موجود جان من هسا نهى الموضوع وكاللهم ما انطيها بس وجود ابوي منعو والي يتسأل ليش ابوي ما رفض من البداية
.
.
ابوي يحب ياخذ الامور ببرود ويقرر على مهلو لهذا ما رفض من البداية وثاني احتمال انو يريد ينطي امل لمحمد علمود يتعدل بس بنفس الوقت ما انطى قرار نهائي
.
.
علمود ما يكولون بعدين انت اخلفت بكلامك بقو عل  هالحال لحد ما خلصت التعليلة وراحو وجان عمي مقرر اذا ما وافقنا بالزين ياخذني بالقوة وابوي وهيثم مستحيل يقبلون بهالشي
.
.
.......... يتبع
لايك وتعليق حلو مثلكم ❤
حطولنا ارائكم وتوقعاتكم ❤