طيوف الماضي

البارت(4)طيوف_الماضي الكاتب#احمد

تصويت ومتابعه لحتى توصلكم باقي البارتات والقصص نحنا❤
#طيوف_الماضي
بقلم #احمد
البارت_4
.
.
جنى: طلعت عند باب المطبخ صحت منو كلي اني عزيز بسرعة افتحي الباب ركضت فتحتلو كال بسرعة جيبي ملابسج وتعاي اني اروح اشغل السيارة وارجع وراح على بيتهم
.
.
رجعت اني اخذت الجنطة وطلعت لكيتو ينتظرني عند الباب قفل البيت وتأكد منو وطلعنا اني وياه نريد نروح لبيتهم واجى صوت اكثر شخص هيثم ما يريدو يعرف ان عزيز اخذني وصاح من ورانا كال عزيز وين ماخذ جنى
.
.
اندار عزيز وباوعلو ومايكدر يسوي شي لان جان متفق مع هيثم محد يشوفني من اروح بس للاسف شافنا عمي ناصر ورجع حجى ويا عزيز
.
.
ناصر: وين تريد تاخذ جنى احجيييييي
عزيز: ماخذها علينا عمي
ناصر: وتريد اصدكك مو
.
.
عزيز: واني شنو استفيد اذا اجذب عليك
ناصر: وهاي الجنطة شنو
عزيز: هاي ملابس امها وابوها هيثم يريد يتبرع بيهن
.
.
جنى: دا يحجون واني واكفة مو فاهمة شي فجاءة اجت الشرطة وعمي ناصر اشرلهم على عزيز كاللهم هذت هو ويريد يخطف البنت
.
.
ركضو عليه الشرطة ومسكوه اني من الخوف انخلست جان منظر مرعب كاللهم عزيز اني ما سويت شي كالولو هالحجي تحجيه بالتحقيق مو هنا واخذوه وراحو
.
.
واجى عمي ناصر ضربني راشدي الا وكعني بالكاع وقبل ما يكمل علي اجى عمي علي ومسكو وخلصني منو اني ما ينسمع مني بس صوت الشهكات
.
.
دفنت راسي بحضن عمي علي وكلتلو جيبلي هيثم بس الغريب انو بجى وياي دخلني داخل البيت وعمي ناصر يهدد ويتوعد واني انتظر هيثم يرجع علمود اكولو على عمي لان ضربني
.
.
شوية واجو زلم هواي فتحو الباب ودخلو وجانو شايلين هيثم وهو سابح بدمو من شفتو تخبلت عقل ما بقى براسي صارت الصرخات تطلع من كلبي
.
.
حلكي احسو انجرح من الم الصرخات عمي علي يريد يسيطر علي ما يكدر كالي اهدي جنى
.
.
كلتلو عوفني عوفني اريد هيثمممممم عوفنييييييي لا لا هيثم مو ميت هيثم يبقى وياي هيثم ما يعوفني هيثمممممممم صرت اضرب وجهي واريد بس اوصلو وعمي علي ماسكني
.
.
اخير شي عضيت ايد عمي كل قوتي ومن رخى ايدو طفرت منو ورحت لهيثم رفعت راسو لحضني و

.
.
كلتلو هيثم فدوة اكعد هيثم لا تعوفني بعد بابا وماما ما الي احد غيرك فدوة اكعد وارجعلي هيثمممممم اكعد لا تخليني اعيش بدونك ما اكدر الله يخليك لا تعوفني وحدي
.
.
اجى عمي علي سحبني مرة ثانية واني اصرخ وارافس واريد يعوفني وهو ماسكني ويبجي جان منظر هيثم وهو مدد كدامي وميت بيه كمية رعب مو طبيعية ومو خوف منو خوف من الحياة بدونو
.
.
بقيت اصرخ واريدهم يعوفوني بس احضنو لو ابوسو وما تركني عمي علي اخير شي كاللهم اخذوه البنت راح تموت وفعلا اخذوه
.
.
انداريت عليه كلتلو عمو عمو الله يخليك بس خليني احضنو قبل ما يروح وعافني ورحت ركض رجعت حطيت راسو بحضني وامسح على وجهو بايدي الصغيرة ودموعي مثل الشلال تجري
.
.
مديت ايدي لصدرو وصار عليه دم لان جان مضروب طلقتين بصدرو حضنتو بقو ودفنت راسي بحضنو وجانت صرخاتي بيهن كمية الم بس الله يعلم بيها
.
.
معقولة هيثم يعوفني لحالي لا اكيد هذا حلم لا مو حلم هذا كابوس وراح اكعد منو رجع سحبني عمي علي وبقيت حاضنة هيثم وما اريد اعوفو واكول لعمي عوفني وياه ما اعيش بدونو
.
.
جانو الموجودين كلهم يبجون بمن فيهم عمي علي كوة سحبني منو واحس سحب روحي من جسمي من سحبني صرخت كل قوتي بحيث حسيت حلكي بيه طعم دم وبعدها فقدت الوعي
.
.
جانت الدنيا بداية عصر الناس اخذو هيثم للجامع علمود يغسلوه ويدفنوه وجان المتهم بقتلو عزيز شلون وليش ماعرف وفوك هاي صارت عليه تهمة خطف لان لكوني وياه وعمي ناصر كاللهم يريد يخطفها يعني بس بهاي يروح مؤبد
.
.
من اجت عمتي رؤى عافني عمي عدها وراح صحيت الدنيا مغرب حلكي يوجعني واحسو وارم تذكرت هيثم وكمزت من مكاني
.
.
طلعت من الغرفة لكيت النسوان يبجن عمتي رؤى كاتلة نفسها من البجي من شفتها بهتت وتجمدت اطرافي كعدت بالكاع وحطيت اديني على وجهي وابجي بحركة
.
.
واحس كلبي يوجعني من كمية الوجع البيه والمشكلة ماكدر اسوي شي غير البجي اجت عمتي رؤى حضنتني كلتلها عمة الله يخليج اريد هيثم ماكدر اعيش بدونو والله ماكدر
.
.
رؤى: تحملي يا روحي هيثم راح لمكان احلى من هذا إن شاء الله ولازم تتحملين وتدعيلو
جنى: ما اريد بابا وماما بس اريد هيثم
.
.
بقيت ابجي وهي تهدي بيه بس شنو يهدي النار الي بكلبي رجعت فقدت الوعي مرة ثانية ورجعتني لغرفتي كعدت الساعة 12 بالليل
.
.
بدلت ملابسي ولبست ملابس خفيفة كلش وصعدت عالسطح الجو جان بارد لان بداية شتاء شوية واجو عمي علي وعمتي رؤى
.
.
علي: شنو تسوين هنا جنى
جنى: هسا هيثم بردان .. جنت احجي ببرود وما ابجي
علي: جناوي مايصير تسوين هيج
.
.
جنى: اريد احس بالبرد الي يحس بيه هو
علي: حرام الي تسويه جناوي ادخلي داخل
رؤى: تعاي وياي جنى يلا حبيبتي
.
.
جنى: رغم جنت اريد ابقى بس من كالولي مادري ليش ما عارضتهم وافقت فورا ورحت وياهم دخلتني عمتي للغرفة بدلتلي ملابسي
.
.
وجنت بايدها مثل اللعابة تحركني مثل ما تريد بدون اي مقاومة او رفض مني وبعدها حطتني بفراشي وغطتني وراحت
.
.
بقيت كاعدة وتفكيري عند هيثم افكر هسا شلون نايم بالكبر والكبر ضيك عليه واظلم ليش عافني ومنو الي ذبحو شنو مسويلهم وقتلوه فكرة تاخذني وفكرة ترجعني
.
.
بقيت بافكاري لحد ما طلع الصبح واني كاعدة اجت عمتي عبالها نمت وكعدت واني مو نايمة اخذتني ونزلنا تحت سوت الريوك الي اني وهي وعمي بس ما اكلت
.
.
شكد حاولو وياي ما اكلت ولا لكمة ومن يحجون وياي ساكتة ما ارد ومن اكعد بمكان ابقى مركزة بمكان واحد ما التفت لا يمين ولا يسار واحس نفسي معزولة انعزال كلي عن العالم كاني عايشة بعالم وباقي الناس بعالم اخر
.
.
من بلشو يجون الناس عمتي كعدتني بالصالة وبلشت تستقبل النسوان الي يجن اني كعدت حتى ما وكفت بوجه النسوان الي يجن
.
.
اجن كم وحدة من بنات الجيران وصارن يقدمن جاي للنسوان ويساعدن عمتي اجت لمياء زوجة عمي ناصر هي وبنتها وكعدن مثل الغريبات
.
.
جانن بعض نسوان يجن ما يعرفني والي يعرفني استغرين من وضعي كالتلهن عمتي رؤى من كعدت الصبح هي هيج وحدة كالت الله يعينها بالبداية ابوها وامها وهي اخوها كلهم بسنة وحدة راحو
.
.
اني بقيت ساكتة ما نطقت ولا كلمة وعيوني مركزة عالحايط وما انتبهت لاي وحدة بيهن من صار الغدا جابو الزلم غدا للنسوان
.
.
وشكد حاولت وياي عمة رؤى والنسوان علمود اكل وما حطيت لكمة بحلكي وعمتي رؤى ضايجة علمود هيثم ومن شافتني هيج زادت ضوجتها اكلت لكمتين وخلصت
.
.
بس عمة لمياء وبنتها تكول بعرس مو فاتحة اكلن الا انتفخن ومو حسد لو ضيكة عين بالعكس اني افرح من احد ياكل بس ولا كأنو المقتول يقربلهن ورا الغدا بشوية اجت ام عزيز سلمت على عمة رؤى
.
.
ام عزيز: يمكن جيتي مو مرغوبة بس اجيت لان هيثم جان مثل ابني واني متأكدة ان عزيز مستحيل يقتلو لو يحاول يخطف جنى بس الا ما يجي يوم وتطلع الحقيقة
.
.
رؤى: اعرف خية اعرف عزيز مستحيل يسويها
ام عزيز: الله يرحمو ويغفرلو
رؤى: ويرحم موتاج
.
.
لمياء: اجت من المطبخ .. انتي شعندج هنااا
رؤى: عيب ام محمد المرة جاية تعزينا
لمياء: فوك ما ابنها قتل هيثم جاية تعزينا
.
.
رؤى: ام محمد مالو داعي هالحجي وكلنا نعرف عزيز بريئ
لمياء: لا مو بريئ ودم هيثم بركبتو ليوم الدين
ام عزيز: الله يسامحج خية
لمياء: الله لا يسامحج
.
.
جنى: جنت كاعدة واسمع حجيهن وادري بعزيز بريئ مستحيل عزيز يسويها واكثر شي ضوجني من عمتي لمياء طردتها من بيتنا وكانو هي جاية لبيتها مو بيتنا
.
.
جان كدامي كلاص ماي كزاز اخذتو وزيتو على عمتي لمياء واجى بصدرها صوت ضربة العضم وصل لعندي مسكت صدرها وكامت تكح ام عزيز انصدمت من سويت هيج
.
.
رجعت كعدت ولا كانو صاير شي وهي تكح وكامت تريد تجي تضربني وصارن كدامها النسوان وعمتي رؤى وما خلنها تضربني وام عزيز تركتنا وراح للبيت
.
.
راحت هي طلعت خارج البيت شوية واجت كالت عمج ناصر يصيحج ما جاوبتها بقيت كاعدة بمكاني وهي تنتظر اخير شي كالت ابو محمد كاعدة وما تجاوب
.
.
اسمعو كاللها اذا ما تجي لا تلوم الا نفسها وسمعت صوت عمي علي عندو مدري شنو حجو وراحو وهي صار وجها احمر من العصبية واخذت بنتها وانكلعت
.
.
روحة بلا ردة طاح حظج انتي وزوجج وبنتج وابنج وياكم هم رجعت كعدت عمتي رؤى وهي تستغفر وتدعي ان ما تكبر المشكلة
.
.
اني شفت نفسي تعبانة لان الليل كلو مو نايمة تركتهن ورحت لغرفتي اول ما حطيت راسي عالمخدة نمت ما كعدت لثاني يوم
.
.
والي عرفتو ان عمي ناصر جاي يريد يكتلني بعد ما راحن النسوان لان ضربت زوجتو ولان نايمة مو مخلينو عمتي رؤى وعمي علي وكايليو جاهل وغلطت صير انت احسن منها وكوة مقتنع
.
.
ولو جايني واني نايمة وحدة من الثنين لو يكتلني لو اكتلو واخلص منو
.
.
بالنسبة للفاتحة سووها ببيتنا لان بيت عمي علي صغير وبيت عمي ناصر صغير ويعرفهم عمي علي ما يريدون تصير الفاتحة عدهم خاف يصرفون شي من جيبهم لهذا سواها ببيتنا
.
.
وخطية جان جامع فلوس من راتبو وراتب عمة رؤى للحالات الضرورية ومن صارت الفاتحة صرفهن كلهن عالفاتحة واخوه الجبير دينار ما صرف بحجة هو فقير وما عندو
.
.
ثاني يوم كعدت الصبح نزلت تحت لكيت عمتي رؤى كاعدة تسوي ريوك الها هي وعمي كعدت عند عمي حجى وياي ما جاوبت بقيت ساكتة
.
.
من جابت الريوك عمتي حلفت علي هي وعمي الا اكل اكلت لكمة وحدة وحسيت بمرورة كلش قوية بحلكي ومن بلعتها حلكي وجعني وما اكلت غيرها
.
.
جنا كاعدة ودخل عمي ناصر من شافني اجى يرعد بصوتو العالي يريد يضربني ومسكو عمي علي وهو يتهدد اني بقيت كاعدة بمكاني ما تحركت
.
.
حتى اني تعجبت من كمية البرود الي صارت عندي معقولة اني مو خايفة بس همزين ما خفت لان ضاج بعد اكثر اخير شي سحبو عمي وطلعو خارج وعمتي اخذت صينية الريوك للمطبخ
.
.
اني بقيت كاعدة بالصالة واحس حماسي لحياتي انتهى وراح ابقى بحياتي عايشة بانتظار الموت لا راح افرح ولا راح اتحمس لشي بعد من انقتل هيثم انقتلت فرحتي وياه
.
.
بلشو الناس يجون واني مثل البارحة كاعدة بمكاني ومنعزلة عن الناس بس عيوني مغوشات وضغطي نزل لان مدا اكل من حطو الغدا عمتى رؤى كعدت يمي ووكلتني من التشريب
.
.
حسيت طعمتو طيبة ولان دافي ولين احس حلكي ارتاح وما وجعني واكلت بس مو هواي وانسدت معدتي واحس شوية ضغطي تحسن من اكلت
.
.
عمتي لمياء وبنتها ما شفتهن ابد وارتاحيت من شكلهن من خلص اليوم اجتمعو عمي ناصر وعمي علي وعمة رؤى علمود يقررون وين اعيش بقية حياتي
.
.
ناصر: جنى راح تجي وياي
علي: لا خليها عدنا هم تداوم ويانا بنفس المدرسة وثانيا انت خاطبها لمحمد مايصير تعيش وياه بنفس البيت
.
.
ناصر: لا عادي مابيها شي محمد ابن عمها مو غريب
رؤى: الناس ما ترحم ابو محمد
ناصر: ما دخلنا بالناس اني كلت تجي عندي يعني تجي عندي
.
.
جنى: ما اجي عندك
ناصر: انجبي انتي محد طلب رايج
جنى: ما اجي وياك لو تموت
.
.
ناصر: شو صايرة ما تحترمين .. وكام من مكانو وضربني راشدي كدامهم
علي: ناصررررر هاي شسويت انت
.
.
ناصر: ما دخلكم اريد اعيد تربيتها هالادبسز
علي: بعصبية .. مو بكيفك
ناصر: لا بكيفي امشي وياي يلااااا
.
.
جنى: سحبني من ايدي بقوة احس ايدي انخلعت ومسكو عمتي رؤى وعمي علي واني اضرب بايدو اريد يعوفني وهو مثل الثور الهايج
.
.
اخير شي عضيت ايدو كل قوتي خليتو يكمز من الوجع ومن عاف ايدي ركضت ورا عمتي رؤى علمود ما يكدر ياخذني وصار نقاش كلش قوي بينو وبين عمي علي
.
.
وعمي علي طردو خارج البيت بالقوة وسكر الباب ومن ورا الباب كال اني الك علي الا اخليك تندم وراح لبيتو اجى عمي علي كال يلا جهزو غراضكم وخلونا نروح للبيت
.
.
وصعدت اني وعمتي رؤى جهزتلي جنطة ملابس وجنطة المدرسة اخذتها عمتي ونزلنا ورحنا ويا عمي علي لبيتو جانت الدنيا باردة وتذكرت من جنا نرجع اني وهيثم من عدهم قبل لا يموت
.
.
دموعي صارت مثل الشلال وما ينسمع بس صوت الشهكة من اول ما مات هيثم انذليت وانضربت لعد منا لفترة بس الله يعلم شيصير بي الله ينتقم منك يا ناصر انت وامثالك
.
.
من وصلنا فرشتلي عمتي بالصالة لان الغرفة الثانية بيها غراض وكالت باجر افرغها واسويها خاصة الج تمددت بفراشي واني افكر بالذل الي عشتو من بداية موت هيثم
.
.
الله يرحمك عفتني بين وحوش بشرية ما تعرف الرحمة بقيت ابجي لحد ما عيوني ورمن ونمت ودموعي على خدودي
.
.
ثاني يوم كعدت عمتي من الصبح فرغت الغرفة الثانية وكالت لعمي يجيب غرفتي الي ببيتنا علمود تنصبها واستقر عدهم وهو جاب سيارة حمل وراح لبيتنا
.
.
وشايفو عمي ناصر ومتعارك وياه اخير شي عمي علي كال ما اخليها تعيش عندك ولا ازوجها لمحمد لو تحط رجل بالسما ورجل بالكاع وشتريد تسوي سوي
.
.
وصايرة مشكلة جبيرة بينهم ولوما متجمعين الجيران جان وصلت للمضارب بيناتهم وعمي جاب الغرفة ونصبها عدهم واستقريت بيها بس ما جان الي واهس بالمدرسة ابد
.
.
جانو يجون ناس قليلين يعزون عمي بوفاة هيثم بس مو مثل اول ٣ ايام ثاني يوم اجت ام عزيز تتوسل بعمي علمود يروح يطلعو وتقسملو بالله ان عزيز بريئ
.
.
كاللها اني اعرف واعتذر تأخرت عليه بس انتي تعرفين الوضع وباجر إن شاء الله الصبح اروح لعزيز واكللهم انو بريئ واطلعو خطية بقت تتشكر منو وتدعيلو
.
.
كاللها ما يحتاج انتي اخت عزيزة وغالية وعزيز حاسبو مثل هيثم ومستحيل اشوفو متبهذل بالسجن وهو بريئ وابقى ساكت وراحت لبيتها
.
.
وخطية كلش مكسورة على ابنها لان وحيد وزوجها متوفي وما الها احد بالدنيا غيرو اذا يبقى بالسجن تتبهذل اكثر مني عمي وعمتي هالفتر  ما فتحو وياي موضوع المدرسة وحتى هم مدا يداومون
.
.
........ يتبع
لايك وتعليق حلو مثلكم ❤
حطولنا ارائكم وتوقعاتكم ❤
وهذا بارتين لخاطر عيونكم