طيوف الماضي

البارت(11) طيوف_الماضي الكاتب_احمد

تصويت ومتابعه لحتى توصلكم باقي البارتات والقصص❤

#طيوف_الماضي
بقلم #احمد
البارت_11
.
.
بدلت ملابسي وذبيت الي جنت لابستهن ولفيت نفسي بالعباية الي اخذتها من المرة والرجال واخذت الملابس الباقيات وانتبهت ان اكو حية بالمكان الي اني بيه ومتجهة علي
.
.
واحس متت بدمي من الخوف وجانت جبيرة كلش ركضت كل سرعتي وطلعت من المكان صرت بالشارع واخر شي اتذكرو صوت شحطة التواير بالشارع ومنظر السيارة الي متجهة علي
.
.
كعدت لكيت نفسي بغرفة راسي مضمد ويوجعني وايدي مضمد عبالي مكسورة حركت اصابعي وعرفت انها مو مكسورة جنت متمدد وشفت مراية
.
.
وكفت على حيلي كوة لان جسمي يوجعني ورحت عالمراية شفت وجهي مشخط جنت واكفة وفززني صوت صياح زلم وصريخ نسوان بالبيت
.
.
من الخوف رجعت لفراشي وشوية وراح الصوت بقيت بمكاني دخلت علي بنت جان وجها ازرك ومبين مضروبة واجت تحجي وياي بصوت ناصي
.
.
كالت لج شجابج هنا بس فهميني لج اطفري وانجي بنفسج قبل ما تتورطين وياهم ما لكيتي غير هالحيوانات تجين عندهم وتركتني وراحت
.
.
بس كلامها عيشني برعب ومادري ليش تحجي هيج واني وين ومنو هالناس شوية واجى شاب عمرو يطلع 30 او اقل بشوية كال ابوي يريدج بس جانت نظراتو مو حلوة
.
.
وكلتلو هسا اجي وعافني وراح كمت لفيت نفسي بالعباية وطلعت جانو كاعدين شباب يمكن 4 بالصالة ووياهم ابوهم من شفتهم تراجعت
.
.
سمعت واحد صاحني مبين ابوهم وما رديت كال للولد اطلعو خلوني احجي وياها وفعلا طلعو ورحت عليه سلمت وكعدت بمسافة عنو
.
.
الاب: منو انتي
جنى: جنت مخطوفة وانهزمت من الي خطفني واريد ارجع لعمي بالموصل
.
.
الاب: بس انتي جنتي رايحة للعمارة
جنى: اي لان ذاك اقرب مدينة علي
الاب: وشلون تندليها
.
.
جنى: دلاني عليها رجال هو ومرتو بس ما وصلوني
الاب: خاف منهزمة من اهلج
جنى: لا وربي حتى اهلي ميتين
الاب: احجيلي قصتج كلها
.
.
جنى: حجيتلو كلشي من البداية للنهاية بس جنت غبية لان حجيتلو بس حجيتها بعفوية لان حسيتو طيب وممكن يساعدني ويرجعني لعمي علي
.
.
كالي روحي هسا للمطبخ وبعدين نحجي رحت للمطبخ لكيت بنتين وامهن سلمت عالام ورحبت بي وهم سألتني وحجيتلها قصتي باوعت الام خارج المطبخ ورجعت اندارت علي
.
.
كالتلي نصيحة ييمة انهزمي ولا بقين هنا كلتلها ليش خالة كالت ييمة والله ما يرحموج مثل مو شايفات الضيم منهم اني وبناتي بس كليلي خوما حجيتيلهم قصتج
.
.
كلتلها حجيت للزلمة الجبير بس كالت هو ساس المصايب ورطتي نفسج ورطة عويصة من كالت هيج حتى شفايفي يبسن من الخوف ووجهي صار اصفر
.
.
البنات ساكتات بس الي اجتني عالغرفة مو موجودة واني مدري شسوي بقيت واكفة وصافنة والمرة عافتني وراحت تكمل طبخ جانو العائلة
.
.
الاب: فاضل العمر 60 سنة
الام: زينة العمر 58 سنة
.
.
الابناء
سيف: العمر 29
علي: العمر 27
سعد & وعد: 26
.
.
البنات
ميلان&ميار: العمر 24
علياء: العمر 22
نهال: العمر 21
ميلاد: العمر 19
.
.
جان بيتهم عكس طريق العمارة الي جنت امشي بيه وابنهم سيف جان راجع من العمارة ومن انهزمت من الحية صرت كدامو بدون ما انتبه ودعمني
.
.
بس ماعرف لحسن حظي لو لسوء حظي كدر يخفف السرعة وما متت بس صار عندي كدمات وضربة براسي وايدي من الشارع انجرحت
.
.
ومن شايفني خايف انو يتورط بفصل لو شي من عشايرهم وجابني لبيتهم وجابو دكتورة ضمدتني هذا الي عرفتو منهم واذا اكو شي مو صحيح فمعناها جذبو علي
.
.
الولد والبنات مابيهم المتزوج مع العلم بيتهم مبين عليهم حالتهم المادية زينة يعني مو فقيرين علمود يتأخرون بالزواج وحتى بناتهم مو متزوجات بس ما اهتميت للموضوع
.
.
بقيت ويا المرة وميلاد وميار باقي البنات جانن بغرفهن الام كالت ابقي هنا حتى لو يصيحوج لا تجين راح اكوللهم ما تقبل تجي كلتلها تمام
.
.
من صار الغدا حطتلي بصحن وكالت تغدي هنا وديري بالج تطلعين كدامهم بالاخص الولد ترا عينهم زايغة واخلاقهم سز تعجبت انها تحجي على ولدها هيج بس ما سألت
.
.
كعدت اكل بس الاكل ما جان طيب مسوية فاصوليا وتمن وجزاها الله خير بس المرك ابد ما طيب بس من الجوع اكلت وهم تغدو بالصالة من خلصو غدا صاحني ابوهم
.
.
الام: ما تجي تكول استحي من الولد
الاب: حطي نعال بحلكج انتي ولا تنبحين
جنى: كلت بكلبي شبيه هذا يحجي هيج عليها
.
.
الاب: مو دا احاجيج يا بنت وينج
جنى: طلعت بباب المطبخ .. نعم
الاب: ليش ما تغديتي
.
.
جنى: ما اشتهي معدتي تلعب
الاب: لا تتفيكين براسي وتعاي تزقنبي
جنى: ليش تحجي علي شسويتلك اني
.
.
الاب: هلو وتردين علي هم ولج عايبة
جنى: ما الك حق تحجي
سيف: انجبي واكلي خرا لا اكوملج
.
.
جنى: شفت امهم تأشرلي انو اسكت بس ما سكتت كلت لسيف انت انجب ولا تحجي
الاب: ولك شبيك كاعد كوم انعل ابو الرباها
.
.
جنى: شفتو كام علي انهزمت من باب الصالة قبل ما اطلع من باب الحوش انسحبت مع شعري وانلزكت بالحايط احس عضامي تكسرن من قوة الدفعة
.
.
واجو الولد والبنات يفزعون والاب يصيح يعني فعلا عائلة بقمة الهمجية والهوسة بس الولد بدال ما يبعدون سيف عني بعدو البنات عن سيف
.
.
رجع سحبني من شعري وضربني راشدي الا وكعني بالكاع وكعد فوكي وحط ايديني تحت رجليه ويضربني راشديات وكل راشدي احس خدي ينشلع ويا ايدو
.
.
وجان تعذيب بكل معنى الكلمة واني مقاومتي دموعي والبنات جانن يبجن علي بس الولد ولا مهتمين اخير شي كمت اصرخ باسم هيثم اريدو يجيني اريدو ينقذني من الي اني بيه
.
.
سيف زاد بالضرب ويكول منو هيثم حبيبج الي انهزمتي وياه مو اليوم الا اقضي عليج ادب سز حيوانة وحجى كلام حتى ولد الحرام ما يحجونو
.
.
وجان يحجيه كدام امو وخواتو وبعدها ماعرف شصار بي كعدت ثاني يوم الصبح وجهي نار احسو ووجعو مو طبيعي فكي التحت ماكدر احركو من الوجع
.
.
انداريت لكيت ميلاد نايمة عندي بقيت بمكاني بس من وجع وجهي كمت اشهك وكعدت راحت بسرعة جابت جيس بيه ثلج وحطتو على وجهي
.
.
وتكول الله يكسر ايدو هالحيوان يطلع عضلاتو عالنسوان لو زلمة كدامو جان صار طلي خلص حبيبة اسكتي كلتلها باي حق يضربني
.
.
كالت بس ابقي وياي ومدخلج بيهم ترا مو بشر ذول وانكسهم ابوي الجلب هو الي علمهم يسوون بينا الي يريدوه كلتلها ساعديني انهزم الله يخليج
.
.
كالت انتظري مو هسا كلتلها ليش كالت لان منطقتنا البنت الي تطلع بيها تتورط لان كلهم غجر والبنت الي تطلع يعتدون عليها واني انهزمت من قبل ولو ما لحكوني جان اغتصبوني
.
.
ومن رجعت كتلوني لحد ما صار جلدي ازرك كلتلها بس فهميني انتو منو كالت مانعرف اصلنا كل الي اعرفو ان ابوي من جان شاب بعمر ال 20 سنة جان يشتغل عند جدي ابو امي
.
.
وطلب امي منو وجدي ماجان يعرفو زين ووافق على طلبو هو وامي ومن تزوجها جابها هنا بدون علم جدي ومن ذاك اليوم ماكدرت تنهزم
.
.
والمكان هذا الي بيه كلهم غجر بس الدولة ما تدري بيه لان هوياتهم تابعة للمناطق القريبة بس مجتمعين هنا وابوي اجى هنا بيناتهم بس ما قبل ينطينا لاحد ولا يخلينا نطلع
.
.
والمنطقة كلها هسا ما تلكين بيها وحدة محافضة على شرفها والي مو برضاتها غصب عنها لهذا ما نكدر ننهزم وامي ما تخلينا نطلع تخاف علينا وما تكدر تفرط بينا
.
.
واخواني لان عايشين هنا ما متزوجين وانتي مدري شنو من قسمة جابتج هنا وابوي معلم اخواني انو البنت ماكو تفاهم وياها لو تطيع لو تنضرب لدرجة اخواني يضربون امي كدامو وهو ساكت
.
.
جانت تحجي وتبجي على وضعها واني جسمي كام يرجف من الخوف مجرد الحجي خوفني مدري شلون هي عايشة هنا حسيت وجع وجهي شوية راح تشكرتها
.
.
وكالت لا تنزلين اني اجيبلج ريوكج هنا وراحت شفت وجهي بالمراية صاير ازرك على احمر ومنتفخ كلت الله ينتقم منك يا حيوان لو هيثم موجود الا يكسر ايدك مسوي نفسك زلمة علي لان ماكدرلك
.
.
شوية واجت جايبتلي ريوك بس من وجع وجهي ماكدر اعض اللكمة خلطت جاي وخبز وسكر واكلت علمود شوية اسند نفسي وحطتلي مرهم على وجهي وكالت اذا تكدرين ارجعي نامي علمود ما يصيحوج وراحت
.
.
رجعت لفراشي وخايفة منهم صدك من تكول مو بشر رجعت غفيت بفراشي والظهر كعدت من الحر جانت ميلاد متمددة يمي وتباوع للسكف
.
.
ميلاد: صح النوم
جنى: صح بدنج
ميلاد: اجيبلج غدا