من دخلت الغرابيب السود لحياتي
بيوم وليله هاجمونه وانتهكو حرمه بلدنه
غيرت وانا كل قطعه اخليها على جسمي
تتقزز روحي
شمرت ثوبي
او ثوب امي بالمعنى الاصح
بالكبت(الكنتور)
اباوع على زوايا الغرفه ياترى
راح اجي مره ثانيه الهالمكان لو راح يصير حجار
متكوم
حطيت النقاب على وجهي
وطلعت اشوف امي شصار وياها
امي_معرفتي تاخذيلج شغله
ملابس شي تحتاجي
الياسمين_مااريد يمه لابسه ثوب
جوه
تذكرت رجعت للغرفه
اشوفلي فد شي ذكرى اخذه
شفت مخدتي سحبتها وخليتها
بعلاكه سويده ضبيتها و طلعت
امي_يله يمه خل نتوكل و
ان شاءلله
الله يكون ويانه تعي قبل لتطلعين هج هايه
جويس بي مستمسكات وجناسي
حطي بعلاكتج
الياسمين_ اخذتهن وامشي خطوتين ورجعت
كلبي مينطيني اعوف بيتي
دايره على الطرمه هنا جنت العب
وهنا كرار اخويه يلكاني
هنا انتظر عيوني ابويه الماشبعت منه
ووو هواي اشياء
لو يعود الزمان لاحتضنتهم
مااعرفت راح افاركهم مشبعت
من ريحت الغوالي
علما طلعنه انه طلعت روحي من البجي
وامي حاطه ايدها على عيونها
وحيلها نصه راح
خفت عليها مسحت دموعي
وطلعنه ناس قليله شفنه
علما وصلنه نص الطريق الف رحمه
رجليه وحده تضرب بالثانيه من الرجف
بأثناء المشي سمعنه صوت رصاص
والصراخ قوي
صداها بأهل الاذن متروح ابد
الناس جانت تشرد بالخفى
بس احنه هسا ماعدنه زلمه يكودنه
لزمت ايد امي قوي
امشي يمه نرجع
امي_الياسمين خليج قويه يمه
مدامنه طلعنه من الكبر مراح نرجعله
اذا الله رايد ينجينه اليوم
ننجه واذا لا فـ هاي منيتنه هنا
على القليل نكون حاولنه
الياسمين_ جرتني
خرابه لان الطريق الي
مشينه بي عباره عن خرايب
كله مفجره وخايفه مصير بيت طفولتي يكون
مثل هالحال
وامي تدعي الله يخلصنه من هل كرب
ماكو الصوت ميهدء
ارجف من الخوف مااكدر اسيطر عل نفسي
امي_اخطي يمه خل نكمل طريقنه
بالكي
اهل الشرف يخلصونه
الياسمين_ جان وجوده الشارع
مراهم
بهيج وقت لان من تصير اشتباكات الناس
تشرد وتجن بدورها والشارع يصفر
عبرت
من يم الصخر حسيت بشي اتعده
بالهويه من يمي
صرخت
اذني ضلت تصفر بلحظه
لاحني بس هواها الحار
دنكت راسي وحطيت ايدي على اذاني
صدى هالصوت بقه بأذني مراح
انساه
درت جفلانه على امي
مدنكه راسه وتصيح احذري ياس
لاتنضربين
اخذت نفس عميق من شفتها
سالمه
سحبت مخدتي لان وكعت من ايدي
جانت وحده من رصاصه طايشه
دخلنه بحالت انذار و ذعر
اجت جوقه غرابيب يتراكضون
عبرو
واحنه متكرفصين بنكره لان بعدنه عن المنطقه
وتقريبا هاالاماكن مخصصيها
للهجوم وللاطلاقات الناريه
محد يتجرأ يقرب منها
والخوف يقره عندي مليون بلحظات
الحمدلله مشافونه
نص ساعه احنه بس نمشي
بين الخرايب
يمكن جنت اقرب للنار
برجليه واني محاسه
الشمس تصكع بينه من حرارتهه
هذا كله صار وره ظهري مااريد غير انفذ بجلدي
صار بوجهي
هذا المشهد الي شبهته
ب فلم شايفته ولا بعمري
متخيله اعيشه بالواقع
لان الي امامي عباره عن فلم حقيقي
على ارض الواقع
صوت الطلق جانت من جهه الغرابيب
اموت اذا عبر على صفحة اهل الشرف
درت على امي
احاول قدر الامكان اتماسك بس
مااكدر قلبي يرعش من الرهبه
واصريت داخل نفسي استمر ولو هذا ضعفي
لازم استمر
يمكن دقيقتين توقف بس صار
الصوت بعيد
جانو منتشرين بالبيوت المهدمه
و ماخذيها كأنو ساتر لجرايمهم البببشعه
يمكن شي اشبه
بالمعجزه مشافونه ولزمونه
جان الثوب جبير وطويل كلت خاف يسببلي
عوق
خليت بحلكي
ولزمت ايد امي واني متشاهده
خطيت لركضه للموت انريد ننهزم بين البيوت
ثواني مو اكثر حسيت بدفعه
قويه من نظهري
فقدت السيطره على نفسي
اريد اتوازن مااكو
باوعت حواليه امي وين
شصار صخام بوجهج ياس وين ضيعتيها
صحت يمه وينج
جنت واكفه بنص طريق الموت
ومادري جان فكري بأمي
سمعت كلمة الله اكبر
وفدشي شالني وركض بيه
معرفت بشر مدري هويه طيرتني
هسه عساني بالموت انه مااريد شي اريد امي
بهاي اللحظه ماعندي احساس يعني
شفسر الي صار
حقيقه لو كذب
لو انه صرت مجنونه واتخيل
سامان_ انتي بخير
الياسمين_ من سمعت صوت خشن طفرت
التفتت عليه مخترعه هذا داعشي
افكاري متضاربه حلم اي
اي اكيد هذا حلم
صوت الرمي زرف اذاني زعجني وتعبت منه
عيوني بعيونه وهوه لازم ايدي بأنامل
مرتخيه
ودمعاتي تحرگني و ابد مجفت
سامان_ اهدئي ولاتبجين انتي بأمان
الياسمين_تاريخ اسود اليوم الي فقدت بي
اخر سند اليه
مي كام ينزل من راسي
بأخر لحظه صرخت يمه
وكأني استوعبت الهول الي صارلي
لمني لحضنه
حسيته ماعرف شلون يسكتني
بقيت صافنه
وبس دموعي تجري
لتموتين يمه
حاولت اخلي يفلتني من قبضته
وارجع للطريق
بس ماشفت شي بأخر الدربونه
وهذا الثاني يمشي ورايه
يتبع...
YOU ARE READING
عشگني شيخ العشيࢪه
Horrorلاتبجين ... مال اعوفچ لا وحق الخلقچ وخلق اسلافنا وحق كل حرف بالقرآن وكل آيه بالقرآن يروح گلبي ماعوفچ ولا ليلة واوعدچ وهذا الوعد دين حتى لو نتعارك لا سامح الله مااخليچ ليلة وحده تنامين بدوني وهذا قسم وعد يا ياس هاي هيه بويه انتي البداية وانتي النهاية...
