سمره_عزه بعينج
ولج ياسه شبيج شردتي شايفتلج جني
لو راح ياكلج اخوي
الياسمين_ لا ولج بس استحي اصلا ولا مره شايفته
انه غواد(رواد) يمكن من جان صغير بس مااتذكره درت
شفتها فاتحه عيونها عليه
شبيج
سمره_ صخام ولج ليش تسبينه
الياسمين_ يا... يا ليمته سبيته ليش ولج
بيش تردين تبليني
سمره_ سمعتج بأذني هاي تكولين كواد
الياسمين_خليت ايدي على حلكها
الياسمين_ اسكتي لا وعلي هسه اصيح حبوبتي
تكسر العوجيه
على ظهرج
بأثناء مااحجي وياها سمعت صوت تحمحم
وخرت منها درت وشفته
رواد بلعت ريكي
وذيج العوبه سوت روحها تكلب بالتمن
رواد_ياسه ماعليج امر
الياسمين_نعم
رواد_نعم الله عليج
ودي كاسة مي لحبوبتج وانطيها دواها
الياسمين_ هزيتله راسي ورحت لغرفتها
مشيت وانه الف مره تعثرت
يله وصلت وبالي بس لاسمع جحي سمره
فتحت وخطيه حبوبتي تصيح
نوميه_ ولج صخيمه دواي وينه
الياسمين_اجيتج بيبي سمره دتساعد
عمتي بالمطبخ
انطيته دواها وكعدت تسبح عالسجاده واني كعدت
ع تختها وره
اندك الباب
نوميه_ادخل يمه رواد عيوني انته
الياسمين_ باوعت عليها ياا هاي شلون عرفته
عدلت كعدتي
وغجعت (رجعت) شعري وره اذني بسرعة عدلت حجابي
دخل
هوه وانه اطكطك بأصابعي
رواد_ السلام عليكم
نوميه_ وعليكم السلام استريح يالغالي
رواد_شلونج حبيبتي
نوميه_على الباري بس موش الاوليه حبوبتك
رواد_ اسم الله عليج اعرف مقصر
وياكم ومختنكين بالبيت
عاد انه باجر ناوي اخذكم لمزار سلمان ابن داوود
موتكولين مابيه
انه عندي نذر واريد اوفي بحضورج
نوميه_تدلل يمه انه طاكه رويحتي اريد ازور همه
الياسمين_ احس رقبتي نكسرت شكد ممدنكه
نادتني حبوبتي
بسرعه دغت(درت) غاسي(راسي) عليها
نوميه_ياسه يمه اشو مشفتج صليتي
خاف سميره بسوالفها نستج حبيبه
الياسمين_ احس نفسي يبست هسه شجابج عليه
ياحبوبه
لساني نعكد شكللها عندي عذر شرعي مثلا
والولد كبالي
غير انجلط بقيت صافنه بوجهه سمعت رنت تلفون
طلع رواد بره يحاجي مدري منو اتصل عليه بسرعه
كتلها عندي عذر حبوبتي
نوميه_هاا .. خوش حبوبه
الياسمين_لمت سجادتها وكلتلي امشي نطلع
عاد انه
ركضت قبلها
للمطبخ شفت سمره و هبه يصبن غده
لزمت الصحن عن هبه وخليته بالصينيه
سمره_هبيه ريلج ابو خشم اليابس وينه
هبه_خرب يومج ولا يوم حجيتي
حجايه بيها حظ عليه
غير بالدوام وين يعني بتايلند
سمره_يسويها... تلكنه متزوج عليج وماخذها شهر عسل
هبه_انجبي سمره لاتصيرين مثل هذاك اليوم
وشوشتي راسي وخليتيني اتعارك ويا
سمره_هاا لعد يله ولجن بسرعه هسه تعيط بينه
نوميه
الياسمين_ انه اخذت السفره
ورحت افرشها
شفت رواد لازم سبحته يفر بيها وحبوبتي تسبح يمه
عملت وعوجيتها بصفها
تعذبت بالسفرة مو راضيه تثبت لمحته بنظره كام
وخطواته بأتجاهي
لزمها الي وحطها بالكاع
اجه قريب
رواد_مجايبه مكص
الياسمين_هزيتله راسي بلا
اخذها مني وشكها
اخذت الباقي ورحت
نقلت سمره الاكل ولتمو كلهم
بس سجاد مااجه زعلان عود حبوبتي
من ماشافته ع السفره اخذت عوجيتها وراحت
لغرفته
خطيه هوه جنه يدري وقلبه حاس
طلع قبل لتهجم عليه
بقيت اكل على واهسهم اول لكمه
وحسيت بواحد اندحس
يمي نزلت راسي شفته مرتضى
مرتضى_ اريد اكل وياج
هبه_ولك مريتض تعال لا تضوج البنيه خليها تاكل على راحتها
الياسمين_لا ..عادي خلي ياكل وياي
انطيته خاشوكه وكعد يمغوط وياي اللكمه الثانيه موصلت
حتى سمعت اسمي
رواد_ ياس بلا زحمه عليج خاشوكه من يمج
الياسمين_ اي صاغ(صار)
مديتله الخاشوكه وايدي ترجف
حبوبتي طكت خفيف على رجلي
نوميه_ يمه احجي عدل ليش تغوغين
الياسمين_ ها لا بس انه اغتل(ارتل) هيج
نوميه_شنهوو
رواد_ يعني متلفظ حرف الراء
الياسمين_حرجتني بس هاي حبوبتي وسوالفها
وخاصه انه جنت متضايقه احس كعدتي بينهم مالها معنى
مامتعوده
نوميه_اكلي يمه شبيج صفيره صايره
سجاد_ اهووو استلمتيها لهالفرخه نوميه
نوميه_وانته شبيك جنك تنور موجر
تنكز.. اكل تبن واسكت
سجاد_الفرخه بلعت لسانها كلت
ادافع عنها غير بت خالي
نوميه_ لو مو نعمه يمي جان دحست النعال بحلكك
ابو صماخ
😂😂
رواد_سويجد اسكت لاتكدر حبوبتي
الياسمين_خلصو وانه
حفضت طول وعرض كل حبة تمنايه
مخلوني اكوم اشتغل وياهم
سمره جابت الجاي لحبوبتي والولد
وصلت يمي
وتلفونها بجيبها
فتحت نت وكعدت تكنك
اباوع ويها
وطكت ابالي رضا عنده تلفون نفسه
بس شلون اطلع رقمه
همست لسمره لان كلها كاعده ماكدر اعلي صوتي
سموره
سمره_ هاا
الياسمين_ اوجع نصي صوتج شبيج مشهوره
همستلي هاا عود تقلد
ضربتها على جتفها خفيف
اكلج روحي على فيس بوك وكتبي رضا سامان
سمره_منو هذا
الياسمين_ يبووي ولج فضحتيني هيج ..
طلعي وبعدين اكلج
هزتلي راسها وراحت تبحث عنه
انه كلت ادخل على الصفحات بالكي خال صورته
يتبع.....
VOCÊ ESTÁ LENDO
عشگني شيخ العشيࢪه
Terrorلاتبجين ... مال اعوفچ لا وحق الخلقچ وخلق اسلافنا وحق كل حرف بالقرآن وكل آيه بالقرآن يروح گلبي ماعوفچ ولا ليلة واوعدچ وهذا الوعد دين حتى لو نتعارك لا سامح الله مااخليچ ليلة وحده تنامين بدوني وهذا قسم وعد يا ياس هاي هيه بويه انتي البداية وانتي النهاية...
