مااكدر اتحملهاي المشاعر المتضاربه
الي مالها قرار ولا موقف
مشت عمتي كبالي واني وراها حاولت اتعدا وكانه
ماموجود...
لا ياس
عالقليله كولي مع السلامهخلي كلشي وره ظهرج ميفيد عتبج بعد
عصرت على ايدي ورفعت راسي معانده دموعي
من النزول خطفت نظره كتله مع السلامه
بهمس والدم صعد لراسي
يمكن ماسمع لان مجاوب عليه بس
بعد
مااكدر اسوي اكثر
طلعنه
واحد من الحراس مشه وياي
واحد بقه واكف المحرس
الحراس يجون
من يلتحق هوه
مشيت وعفت عمتي تتشكر منه
شفت من بعيد شاب منتجي
على باب سيارة عاليه بيضه
يباوع عليه
من تقربت عرفته هذا سجاد ابن عمتيسجاد_ الحمدلله على سلامتج
يابه والله نوميه اكلت گلبنه وطاحت علينه
..
ياس لا تزعلين كولي الحمدلله على كل حالالياسمين_الله يسلمك
سجاد_مكلتيلي شلونج
الياسمين_ اشرلته
برحمتهسجاد_يول شبيها عيونج رايحه
شكلج مخلصتها بجي ..
فوتي فوتي
الله يكون بعونج بسالياسمين_ صعدت واحس نفسي فد شي الي
وكلشي بيه متبنج فاقده كل احساس بلحضه
لميت عباتي واني انتبه على حسين يحجي
ويه عمتيسجاد_هاا يوم يله اصعدي حتى نتوكل
تره نوميه تطمني اليومالياسمين_ اجت كعدت بصفي سدت الباب
ومشت بينه السيارة بهدوء
جنت صافنه ع الجامه ودايره راسي
واحنه نبتعد عن الدرب
مسحت هالدمعه الخاينه
على شنو ابجي هاا على العذاب الشفته بالايام
العشتها الجارحة الية
لو مذلة و مهانه زينب
ياس اعترفي شنو سبب الدموع...اي ابجي علي
العفته بس عقلي معاند يعترف
وشلون
وانه اوعد بنته مراح يشوفوني
يوجع هالشعور خاصه وانه اتذكر
امس وليلي الي كضيته بس بجي و ون
استشعرت ايد عمتي اخذت
راسي وخلته على جتفها
اشتميتها و غمضت حييل كل روايح الطيبين
هناا
غفيتايمان_ الياسمين كلبي انتي تكومين ويانه
ترتاحي شويالياسمين_هاا
اي يله عمه انزل وياكمتلفلفت لان الجو بارد وبعيوني النوم
وخاصه وكت مغرب
صارت كبالي اسواق جبيره على بعد منها
مسجد
وسيارات هواي صافه
مشه كدامنه سجاد وعمتي وانه
وراه
فتنه للحمام غسلنه
وطلعنه لسجاد
ناس تسولف تمر من يمي على زاويه رجال يبيع
جرك ولد فارش زوليه حاط عليها ملابس باله
جنت صافنه عليهم
وعمتي تصيحنيايمان_ ادخلي يمه
الياسمين_ فتنه للاسواق الناس تروش داخل
بكل مكان
اشترو اكل
وطلعنه منه و رجعنه لسيارتنه
كملنه الطريق
وعمتي تفتح بالكيك والعصير وتنطيني
واني اخذهم والكمه تنزل مثل السم بمعدتي
نص ساعه وصلنه وكفت السارة براس الفرع
الدنيا ضلمه وشكلها الكهرباء طافيه
دخلنه بفرع منطقه شعبيه بس بيها بيوت عملاقه
تمشينه
احس الشارع غريب الدنيا غريبه عليه
انه هسه بغابه اهلي ماتو واخذو كلشي حلو وياهم
امشي وحتى مالي نفس اشتم الهوى
حسيت مدغي(مدري) شعبر من يم رجلي
صحت
يمه ورجعت وره
انضربت بسجاد جان ورايه
ابتعدت واني اعتذر منه
اسفه
اسفه بس هاي مدري شعبغ (شعبر) من يم غجلي(رجلي)سجاد_لا هههه ... هاي روح نوميه تحوم
ولا يهمج يله هاي هياتنه وصلنه للبيتالياسمين_اكو جم بيت ضاوي وبعد مسافه
اكو زلم بالفرع واكفه
احنه تقدمنه عليهم صارو كباليسجاد_اتفضلو يله يابه هسه نور البيت
الياسمين_ لزمتني عمتي
ايمان_ سلمي يمه هذول ولدي
الياسمين_ اي عمه
سلمت عمتي وانه كتلهم مساء الخيغ(الخير)
ودخلت بس سمعت ضحكه وطبكة باب الشارع
صوت المولدة بقى يدك براسي
دنكت نزعت حذائي
سمعت اصوات زلم بالديوان
وفرخ لمحني وصرخ الهم اجت
يمه اجت
خطيت ومحسيت الا كلهم فوك راسيزهور_ اجت ياسه يانور عيوني
شلونج طمنينه عنجالياسمين_ بوسني ولمني منا
زهوغ (زهور) بت عمتي على يمنتي
وشفاء
منا عيالها ورجلها
وهذي حرمة عباس هبه ابن عمتي وسجاد وراي
هاي التكلي الله يرحم اهلج
وحده تكلي گابنه نار عليج شجرالج
وجهالهم ينكزون فدوه لعمرهم
بين هالهوسه
لمحت عوجيه بين الرجليننوميه_ دميلو خايبين فرفحتو گلبي على هالفرخه
سمره_ سوو مجال لحبوبتي نوميه
لا وعلي تكسر ضلوعكم بالعوجيه يييلهالياسمين_ جريت روحي منهم وطحت على رجلين
حبوبتي ابوسهن مشتاقتله وروحي ميته على شوفتهانوميه_ ياسه بنت الغالي يارويحتي كومي خلي احبنج🥺🫂
ولج يمه نهيتي عافيتي من سمعت بالجرالكمالياسمين_ حضنتها وابجي ومحجيت شي
اخذتني لحجرتها
تريد تسد الباب اجت الفضيحهسمره_ نوميه لعد انه خراعه مسلمت عليها...
جا و انه ناطف قلبي على شوفتهانوميه_ دخلي يالمفضوحه لا تتكرمضين
الياسمين_اجت سمره حبيبتي وصديقتي
بنت عمتي ايمان ذبت روحها عليه وتبوسني
وابجي واناشغ بحضنها
وهيه دموعها يجرنسمره_اشش كافي ياعمري احنه اهلج هنا
صدكيني من راحو ارتاحو وهذا امر الله لا تعترضين عليه
هسه ارتاحي يم حبوبتي ولاتبجين حتى اطلع اطمنهم عليجالياسمين_ اي ذبيت العبايه
اريد ارتاح
حيل تعبت اليوميتبع....
![](https://img.wattpad.com/cover/326421946-288-k49955.jpg)
أنت تقرأ
عشگني شيخ العشيࢪه
Horrorلاتبجين ... مال اعوفچ لا وحق الخلقچ وخلق اسلافنا وحق كل حرف بالقرآن وكل آيه بالقرآن يروح گلبي ماعوفچ ولا ليلة واوعدچ وهذا الوعد دين حتى لو نتعارك لا سامح الله مااخليچ ليلة وحده تنامين بدوني وهذا قسم وعد يا ياس هاي هيه بويه انتي البداية وانتي النهاية...