.....
الياسمين_وخرر عني شتريد بعد تموتني
وطمني جوه التراب وترتاح
عوفني بحالي انت الي تزوجت وتركتني
وضميت عني احجي وادفع بي
كافي كافي انه اكتفيت من همجيتك مثل الوعيته بهالكلمة
ضرب الحايط بأيده
رواد_ كافي ياس .. لا تحجيها دمرتي حياتي
كرهتيني بعمري من وره كلمتج هاي
الياسمين_مو كافي
عوفني انتهى الي بينه وروح لذيج تختل وياها
يحاول يحضني بس مقبلت
رواد_ياس لاتلعبين بأعصابي .. اطلبي عيوني بس
لاتصديني عنج والله تعبان بلياج راضي بكل حكم بس دمعاتج
وحزنج لا اشوفهن وخاطرج مكسور
الياسمين_ رواد احنه انتهينا
و لو يهمك خاطري ماكسرته وجان مصار كل
هذا
انساني وانه راح اذب كل الذكريات
ركضت بره
وانه كوه اجر النفس
لزمت دموعي ماريد امردع( اخرب) مكياجيي
جنت اتمنى اكله سلامتك من التعب بس مااكدر متأذيه منه
رحت دخلت على سمره
شفتها كاعده بالكاع لازمه مرايه وتخلي كحل بطن عينها
من شافتني نزلتها وبلعت ريجها التفتت منا ومنا
سمره_ انتي العروس
لو انه متوهمه تعي كرصيني
ولج داهيه ناويه تجلطين اخوي
الياسمين_ثول انه ياسه شكو نعميتي عوجت حلكها
سمره_ ولج كسلتي علينه
الياسمين_عياره منج انتي شبيج تخبلين جنج البخت
سمره_يي حياتي رفعي معنوياتي لان جوه اكو من يهبطها
ويرفع ضغطي وينزل سكري
الياسمين_هههه درت على مرايتها اشوف المكياج
شخباره
لا زين بعده لثواني تجولت على منظري
حيل لفتني شكل رقبتي والعلامه العليها
اخخ منك شكد خبيث
اوك عناد بيك ما اغطي جتوفي ما اغطيهن
اخذت كريم من سمره حطيته عليها خففت من
الاثر
باعيت الساعة راح تصير بالاربعه
سمور ولج يله هسه جوه تلكيهم خلصو
صارلج دهر تلطخين بهالجهره كافي
سمره_بلا مصاخه روحي طلعي عباتي من الكنتور
وتلكين يمها شال هم جيبي
الياسمين_رحت طلعتهم بعدين ذكرت شالي نسيته
بالغرفه
طلعت وهيه تلملم المكياج
دخلت للغرفه
شفته بالغرفه كاعد على التخت ويلعب بتلفونه وهوه على
الشحن
مادري شصخمني وعيوني راحت عليه انتبهت على التغيير
استوه انعميت من العصبيه
هسه انصدمت الصراحه
يخبل شلون محدد اللحيه والشعر شنو
والمصيبه لابس قميص ابيض ساده فوكه ستره سوده
وبنطلون اسود فحم
هوه جسمه يعمي عمي جايات فيت علي
من يمي تخردلت
والله حتى نسيت علمود شنو اجيت
رحت على الكنتور يله اتذكرت
وكفت لبسته وحطيت عباتي على راسي
لمن خلصت بطلعتي هوه طفه الاضويه ونزل وراي
شفت بيبي مبسطه بالصاله تعدل بشيلته
وراها سجاد منور هوه وقاطه الرصاصي
أنت تقرأ
عشگني شيخ العشيࢪه
Horrorلاتبجين ... مال اعوفچ لا وحق الخلقچ وخلق اسلافنا وحق كل حرف بالقرآن وكل آيه بالقرآن يروح گلبي ماعوفچ ولا ليلة واوعدچ وهذا الوعد دين حتى لو نتعارك لا سامح الله مااخليچ ليلة وحده تنامين بدوني وهذا قسم وعد يا ياس هاي هيه بويه انتي البداية وانتي النهاية...
