رواد_ ياسه حبيبي
انه مو وحش حتى الاكي كل هالخوف
منج
تراني ماجبتج هنا حتى اسوي الي ابالج والخايفه
منه جبتج حتى اصونج
واكونلج السند بأذن الله
عدنه وقت وايام كلش هوايه
حتى تتعودين على المسؤليه الي صارت على اكتافج
وتتغلبين على مخاوفج الي اظن
انه مسببلج اياها
سمعي يبت خالي لايطري على بالج
اني راح اكون الج عدو او ا أذيج بيوم
مجرد تفكير ما اريد تفكرين بهالشي
اعرف صارت هواي احرف بلا نقاط بينه
بس لازم تعرفين
الاشخاص تختلف بالمكان الموجوده بي
كل منطقه الها عاداتها وتقاليدها
يمكن عدكم عادي البنت تطلع بالدرب مفرعه
ومحد ينظرلها ولا حتى يتجاوز عليها
اما بمنطقتنه لا الوضع يختلف تماما
تلكين البنيه المحتشمه عسما مبركعه
مفاكه عمرها من عيون ولد الحرام
والي اشوفه انتي جاي تمشين بالغلط بديرتي
واجبي امنعج بأي طريقة كانت
ويجي يوم وتصادفن الكلته
هسه مرايد غير تهدين وتكومين تغسلين
وترتاحين رغم انج طالعه كمر وما ودي اخليج بس
يجرالج يلي تردي
انه طالع اخذي راحتج
الياسمين_ فرحت .. فرحت طلع حطيت ايدي
على حلكي متعجبه معقوله هذا رواد هيج هادء
ورزن وكلامه يحجي بهدوء وحنيه
هم الاشهر انزاح بربع ساعة لمن تكلم وياي
رحت اخذت من الكنتور
بجامه نوم بيضه بس المشكله
جانت فتحت الصدر شوي مفضوحه
لا لا هواي انجبرت البسها لان بيبي حلفتني
ذبيت البدله لمن كملت كابلت المرايه مهان عليه
امسح المكياج جان حلو ناعم
وشعري المبروم هم عفته اخذت العطر تعطرت
ورجعت للتخت
دقيقتين انطك قفل الباب دخل وبيده
سله شلون مرتبه
طبعا عرفتها سوالف سمره خلاها على الميز
رواد_تعالي يابه اكليلج لكمه
الياسمين_ فتح السفري وفتح بقيت الاغراض
الكباب والدجاج والكص
والفواكه والعصير حتى بقلاوة وقطايف خالين
كعد بصفي على الكرسي
رواد_مدي ايدج
الياسمين_بلحظته صفت اكل مثل العصفور
جنت جوعانه بس استحي منه واكتفيت بالي اكلته
كل
الحمدلله
رواد_شنو ما اكلتي شي اكعدي
بويه كملي اكلج واعتبريني مموجود
الياسمين_لا والله شبعت
رواد_على راحتج على العموم
الاكل موجود
الياسمين_ كمت غسلت ورجعت شفته لام كلشي
رديت مكاني هوه لبس
دشداشته البيضه توضه وصله
انه مكدرت لان مكياجي والتسريحه
كلت بعيدن اقضي الفرض
رتب السجاده واجه دار من الجهه الثانيه
كعد .. انه بلختله عيوني
دارت عليه شفته يضحك
سبحان الله شكله يتغير معاني الصارمه
غضبه كلشي يختفي
بسرعه رجعت لوضعيتي خفت ينتبه عليه
جنت مااعرف شسوي و بس
السكوت الي يدور بينه
جر الجرجف وتمدد
ماصدكت على الله انه تركني
غطيت بسابع نومه الدفو الجنت بي مخلاني افز بليل
لوما هالرنه المزعجه اليم راسي
فتحت عيوني اريد اجر ايدي مااكدر فتحت عدل
شفت رواد راسه كبال وجهي
وشابك ايدي البوسه الي اجتي منه على خدي
وعتني اكثر
دفعته صحت شتسوي
باوعلي بذهول
DU LIEST GERADE
عشگني شيخ العشيࢪه
Horrorلاتبجين ... مال اعوفچ لا وحق الخلقچ وخلق اسلافنا وحق كل حرف بالقرآن وكل آيه بالقرآن يروح گلبي ماعوفچ ولا ليلة واوعدچ وهذا الوعد دين حتى لو نتعارك لا سامح الله مااخليچ ليلة وحده تنامين بدوني وهذا قسم وعد يا ياس هاي هيه بويه انتي البداية وانتي النهاية...
