بقيت بمكاني ابجي واندب حضي هاي وصلت المواصيل
يمد ايده عليه اااااه ... بابا وووينك ساااعدني
ضربت الكاع صرخت مااريد ابقى هنا
ماكو ثواني اندفعت الباب
شفت عمتي وراها حبوبتي
اجت عليه ضربتني بالعصه
نوميه_يالمصخمه هاي سوايه تسويها
بينه ماضل عكل بروسنه
تعرفينه حمكي وبسوايتج هاي خبلتي
للولد .... احجيلي
هنا العندج هناا عكل لو بول صخول
الياسمين_بيبيي ما اريده ولا اريد اتزوجه
ماتشوفينه بس يعارك وصلت بي يضربني
نوميه_ليش ولج وانه اتاني اليوم الي يعرس عليج
ويضبج ويفكني من خبالاتج
الياسمين_ويعع عساني لا اشوفه لليوم
نوميه_وعع بنص عينج
ليش يعيوني وين تلكين احسن منهه
ياسه حطي جلامي على بالج زين
مثل الترجيه بأذنج ريلج رواد مو احدن غيره
وتعي يالهايشه سولفيلي شلون ماييصير حمكي
والله مايلام
منا انتي وخبولج عليه ومن هينا شايل مسؤليتنه
كولي الله يساعده فضختي كليبه
هسه كومي بدلي ثيابج وانزلي جوه
عندي بصيره وياج
تعي امينه يمه ساعديني انزل والله هل عيالج
هلكوني
الياسمين_ طلعو بس كسرت خاطري عمتي
ماحجت وانه نزلت بأبنهه فرد نزله
مسحت وجهي وضايكه بيه الدنيا
بدلت وانه اتحلطم نحنيت الم الملابس جيتت سمره
والابتسامه شاكه الحلك
سمره_ولج ياسه شنو هل خبر الحلو السمعته
الياسمين_وبعد الصار هم اكو اخبار حلوه
سمره_صدك نهاية الاسبوع راح تتزوجون انتي
والجلاد
الياسمين_طفرت ييمه العباس عليج لا تكولها
منو كلج هاي خبر كاذب مو صحيح
انه مو موافقه
سمره_هوو شبيج اخذتيني بشراع وميداف
نزلي جوه وافتهمي والله لو انه منج اكوم
اطك اصبعتين رواد لو ما اخوي
الا ازحفله واكبل وياا فديته
حلو وبعبع فلوس منيي .... يالعميه اشو روحي
وخليني انه اخطط شلبس شسوي بعرسكم فديتني
بعد انه اخت العريس
الياسمين_اكول اكلي نعل
هو انه بحال فلوس لو بحال
الجمال انه اريد رجال
حنين يحترمني يقدرني وما يهين كرامتي
يهتم وياخذ رأيي بكلشي
مو يدفني وانه بالحياة صدك تحجين سمغه
شوفي التتمنين مثله طبح اصابعه على خدي
سمره_اووي عيني كامت تحجي ام العريف
اكعد احسنلي والله طلعت
عصبيه رواد هيه دواج
الياسمين_عفتها تكرك وحدهه
وانه نزلت لغرفة حبوبتي اشوف شعدها
كعدت كبالها مجتفه اديه
نوميه_ اسمعي يالثوله باجر الصبح
ترحون تشترون حويجات
العرس
الياسمين_درت وجهي ونفخت بقلة حيله
نوميه_ وحداره كون ثور انتي ثور تنافخين
شوفي دزيت خبر ل ام سداد الحفافه
تجي تعوبل بيج ما كو وقت هذا المسودن حتم
الياسمين_ يالله كل مااسمع بهل سيره وتنفتح احس
معدتي وبطني تنمغص
ومامستوعبه شلون انه ورواد راح
يجمعنه سقف واحد
محجت لان هواي سويتها
طواله وماطلت ..... واعرف اذا عارضت رواد
مراح يسكت يحط جيله براسي ويرتاح
حسيت نفسي مربوطه وما اكدر اسوي شي لنفسي
نوميه_هسه شبيج تناشغين خلصتي كليبي
الياسمين_ما اكو شي ابجي من الفرحه غيرر
نوميه_ باعي حبوبه ادري بيج مكدره لان راح
تاخذين هذا المسودن بس وغلاتج زلمه من ظهر زلمه
لو مااحبنج واعزج ما ارغبج بي وانتي هم يمه
تنحنحي قصص وروايات عراقية كرار صلاح
وبطلي سوالف العناد جنج تيس مطنكر و متنحر
تره الرجال يم مريته
مو مثل وهوه بره بس انطي الي يريده
ودلليه و سمعي جلمته وبعدي عن العناد
الياسمين_ بس بيبي هوه ما ياخذ رأي
المره ويغصبها على هواي
شغلات .... اشو صفكت بأيدها وغمتني
نوميه_يالعوبه .. جاهو حبها ولبط جاهي المره
البيها حظ هيه التخلي
الرجال يسولفلها وياخذ بشورها
الياسمين_ ... ليش بيبي انه اجي
اشكليج تغميني وتطلعيني تيس
نوميه_اي وجنج هاي الي بالمسلسل
سبيكه دهرها بس تتكافج
وتتفكهن( تتعيقل)
بلا تنعوص شغلي التلفزيون راح تبدي
مسلسلتي الحبنها
الياسمين_مسحت وجهي
ESTÁS LEYENDO
عشگني شيخ العشيࢪه
Terrorلاتبجين ... مال اعوفچ لا وحق الخلقچ وخلق اسلافنا وحق كل حرف بالقرآن وكل آيه بالقرآن يروح گلبي ماعوفچ ولا ليلة واوعدچ وهذا الوعد دين حتى لو نتعارك لا سامح الله مااخليچ ليلة وحده تنامين بدوني وهذا قسم وعد يا ياس هاي هيه بويه انتي البداية وانتي النهاية...
