سحبت حجابي
اشلون اكابل وجهه هاي طبعي من اتفشل استحي
اراوي وجهي بعد
واحط عيني بعينه
سامان_الياسمين وين صرتي
الياسمين_ فركت ركبتي وطلعت
اتعديت من يم الغساله سمعت صوت قوي
موطبيعي طكطكه هيج شي
رحت فتحتها شفت التلفون طالع
من جيب الثوب مالتي
لطمت على كصتي لا
لا ياربي
حماره انه شكددد
حماره
يعني مااتذكرت هسه اذا انتبه عليه الرجال
شكله
صخام بوجهي
اي والله
سامان_ ذبي يولي باجر اشتري غيره
الياسمين_ قلبي وكف هنا عطل عن العمل بعد
بقيت امتمت و انلصمت
وجهي احس يطلع منه نار وشرار ظل
سامان_ بس مامسموحلج تسبين نفسج مره
ثانيه على اي شي كان
الياسمين_ هزيتله راسي
عافني وراح استنشقت هوه بي نسمات عطره
جنت عبالك مخنوكه شكد محبست انفاسي
لا
هل مره خل اتأكد طلع يله انفجر
امشي وراه و انملت عيوني دمع على فشلتي
اكيد اذا ابقى هيج راح يبزع مني ويطردني
كعدت بمكاني
لا اسويلي مصيبه ثانيه
بس دموعي موكفت كلبي مشعوط
ومفتقده اهلي
يوم بعد يوم حيلي ينهد من استسلم
للدنيا
وروحي صارت بارده حيل
وقت مر واني مستسلمه لحزني القاتل
واكول لو صار هيج
و و و لو
لو مجان حالي هذا
غفيت يمكن احسن شي بيه
من ابجي انام
هل مره شفت امي
مشنوقه
و رجلها زركه
غدت (ردت) اصرخ بس احس نفسي
مزنوكه
يمه
يمه
فزيت عركانه
سامان_ اسم الله
عليج شجرالج الياسمين
اهدئي
الياسمين_ ام امي ماتت
انه شفتها
ياويلي ولج يووم
جيبلي امي فدووه
جيبها مااكدر اعيش وحدي
والله اموت بحسرتي
لطمت واني اترجاه
افهمني اريدها
هيه عايشه موو
ماماتت
انه وصيتك عليها
ماسمعت بيها ماتت
احجي ليييش ساكت
امي ماماتت
ماماتي هاي ماتزعلني
لا
سامان_ كافي الياسمين
تعاي
شوسيتي بعمرج
الياسمين_ لزمت هدومه ورفعت راسي عليه
كلي امي ماماتت
سامان_ ماتت
الياسمين_ دفعته وصرخت لا
لا
اهز براسي لا
اتهسترت صحت
عساها اليه
وانه الغبيه كل هالوقت عبالي عايشه
يعني حلمي طلع حقيقه ام ..امس يمي
روحي شافتها
واجت عذبتني بمنظرهاا
كعدت بالكاع
كلمة تحمل معاني كبيره هي ثلث احرف
فقط ونسمعها وتكون كارثه بالنسبه النه
مرات تكون بصيغه عطف ومرات ندم وعتاب
لو يرجع الزمن فلا اطلع واخلي امي
تروح من ايديه بعدها طشرني
جان نمت بحضنها والمسها
ومااخلها تروح من بين ايديه
انه انذبحت هسه
واكف كبالي سامان وحاط ايده على راسه
ونيت على مصيبتي
حسيته انطاني ظهره
ودار عني
سالته
شلون گلي....
سامان_ وهيه معبرتج على الصوب الثاني
مضروبه وعارفين بيها الدواعش تريد تشرد
شانقيه
الياسمين_ ضربت على رجلي وايدي على حلكي
عساها الي
عساها الي هالموته
خطه يمي ونزل لمستواي
يمكن انصدم من تصرفي وحزني
مااعرف تشوش كل تفكيري
من هالصعقه
سامان_ اشش كافي الهالدرجه مهزوزه وضعيفه
هذا قدر ربنه هوه كتبلها هالموته
الياسمين_والله كتبلي اتعذب من بعدها
واتهجول
مو
سامان_عفه عليج ليش تتهجولين
لعد انه المن جبتج هنا
سمعيني بويه لاتعترضين بيوم
على قدر ربج وانه هنا راح اكونلج ظل
واعتبريني الي تردي
مومهم
الياسمين_ ابهامه لزم جفوني
ومسح دمعاتي اللاذعه
بجيت هل مغه(مره) على طيبته
هزيتله راسي
صح عيوني مراح تبجي
بس كلبي ينزف
تغيرت ملامحي
شوي
لزمني وساعدني اكوم
اكعد على الكرويته
سامان_ هسه كليلي محتاجه شي
كولي لا يردج لسانج
الياسمين_ لا مااريد شي
والله
سامان_لعد اروح انه حتى تاخذين راحتج
بس اوعديني هالعيون الحلوه متبجي بعد
الياسمين_جريت حسره وتنهدت
اي
بس اليوم
صراع بداخلي اريد اكله لا تروح
على القليله اذا شفته
اتذكر وعدي وماابجي ادري اذا
ابقى وحدي املخ روحي بالبجي
بس خاف اسببله احراج
اكيد عنده عائله تنتظره
بس لا لساني ملزم حاله
مشه خطوتين وكف
ناديته اني
لا تروح
اخاف وحدي
والله باوع عليه واكتفى بالصمت
رجع و اجه كعد قريب مني
حسيت شي بداخلي بقى يسولفله
عن ايامي الراحت
بس بالي غايب عنه
ههه جانت تجبرني اكل ثوم وبصل
واصخم وجهي
كله علمود لا ياخذوني داعش
واكون بنضرهم بشعه ومجنونه
جانت تكلي اموت نفسي اذا اخذوج
كافي عليه ابوج واخوج
والله حجيها يدك براسي
مستحيل اكدر انسه
كافيي
يمته الحياة ترحمني
تكسرني بكل مره
بشر والله
بشر انه مو حيوان وماعندي احساس
داعش وحوش وذئاب نذله ومعدها كل رحمه
قتلو زهرة شبابي ويتموني
غرقت بدموعي
ومااعرف شخبصت ويه سامان
جنت مو واعيه واحجيت كل جروحي
مغت (مرت) الدقائق والثواني
وروحي ذابله مراح اقابل ولا احد ببالي
شسوي لعمري الجاي يضيع بضياعي
صراعي ويه نفسي
حسيت على لزمته الي
وجه راسي ناحيت صدغه(صدره)
استنشقت عطره
هنيال بنتك لو ابنك عليك
على حنيتك وطببتك
روحي ارتاحت بحضنه
استقبلني
وممل من
شكواتي
وعجزي
رفع راسي عنه
سامان_ الله يريح قلبج بنيتي
الياسمين_تفرفح روحي وتلزمني العبره
يتبع....
YOU ARE READING
عشگني شيخ العشيࢪه
Horrorلاتبجين ... مال اعوفچ لا وحق الخلقچ وخلق اسلافنا وحق كل حرف بالقرآن وكل آيه بالقرآن يروح گلبي ماعوفچ ولا ليلة واوعدچ وهذا الوعد دين حتى لو نتعارك لا سامح الله مااخليچ ليلة وحده تنامين بدوني وهذا قسم وعد يا ياس هاي هيه بويه انتي البداية وانتي النهاية...
