سامان مزوج وعايش احلى حياة
وانه اخرب حياتي بسبب حبي الخيالي
مارح افكر من اليوم بغير رواد عهد عليه اصلا
جان تفكيري مراهقه
ان شاءالله يجي اليوم الي اكون راضيه بي عن نفسي
واسعد الانسان الي اذيته
اه رواد
وينك
شتفكر
هسه يارب بس تكون بخير
نمت بدون احساس
بس من كثير التفكير بهاليوم حلمت
فزيت والديج يعوعي
وافكر بالي شفته خلال نومي وبقلبي شي دافي
احساسه حلو
غمضت وكأني اريد ارجع احلم بي مره ثانيه
نايمه بحضن رواد وشفايفه لمست نهاية خدي
الياسمين_ صحيت من الفيلم يلي سرحت بي
رتبت التخت
فره الغرفة دوختني سديت الباب
عفت المبخره مشغله كلت شوي اصعد اطفيها
دائما احب الغرفة مرتبة وتلمع
كالعاده البناات مسويات الريوك
بس سالتهم على الولد زهور كلتلي من 6 الصبح
طالعين
زهور_بنات خلي ثنين منجن ينضفن الاستقبال
ويبخرنه الوادم طابه طالعه
علينه هسه مكلوبه كلاب
الياسمين_اروح انه انظفه
زهور_تتعبين وحدج اخذي سمره لو داليا
الياسمين_هسه اروح انه واذا شفتي وحده منهن
دزيها وراي
طلعت من المطبخ جان البيت هادء الجهال نايمين
بهالوكت دخلت للممر اخذت المكناسه
فتحت باب الاستقبال
مكلوب كلاب الفراش والبطانيات
منا ومنا
دخلت رتبتهم وخليتهم بزاويه وبديت اجلف
جاي امسح الارضيه دخلت داليا
لا هيه حجت وياي ولا انه
راحت ترتب مخاد الكرويته
خلصت ورحت رجعت زعابيلي
وكفت اغسل لمن كملت درت منزله راسي وانشف ايدي
بحجابي رفعت عيوني شفت هذا الولد
منتجي على الباب ويباوعلي
تبلعمت يبوي فشله وجماله لابس فانيله ام التعلاكه
مشيت بسرعه للمطبخ
شفاء جانت واكفه ولازمه التلفون
باوعتلي
شفاء_اتصل على عباس وسجاد ولا يردون
نريد نعرف شصار وياهم هسه مايكولون
ورانه وادم بالهم يمنه
الياسمين_اتطمني ان شاءالله خير
كل تأخيره وبيها خيره يارب
دخلت والجماعة كلها بالصاله و بيبي بيدها سبحتها
تسبح وشاده راسها بعلك اخضر
رحت يمها
شبيج بيبي
نوميه_ولج يمه سالفه
رويد طيحتني وعلي حبوبه عبالك واحد
داعي عليه وعافيتي مثل بول
البعير ظهري مكطوع عليه
ورجليه مثل الخيوط هد حيلي رويد اكلج يمه
مشفتو واحد من الولد خل يكلنه شحصل
وياهم اجثر مالهم خبر
مايكولون هله كاعدين على نار
مايذجرون صايبهم قاولوم ودماغهم محجر
ايمان_كولي يا الله يمه هسه تلكيهم ملتهن
هسه بلكي ساعة واخلي وحده من البنات
ترجع تتصل
ام داليا_ عمه شفاء اكول مشفتي داليا
مدري وينها
شفاء_امبله لكيتها تتقيء بالحمام سألتها
كالت مابيه شي بس معدتها تأذيها شوي
ESTÁS LEYENDO
عشگني شيخ العشيࢪه
Terrorلاتبجين ... مال اعوفچ لا وحق الخلقچ وخلق اسلافنا وحق كل حرف بالقرآن وكل آيه بالقرآن يروح گلبي ماعوفچ ولا ليلة واوعدچ وهذا الوعد دين حتى لو نتعارك لا سامح الله مااخليچ ليلة وحده تنامين بدوني وهذا قسم وعد يا ياس هاي هيه بويه انتي البداية وانتي النهاية...
