بجيت وبجيت وبجيت
اني احن لسامان هذا الاحساس البعيد
...الاحساس الدافي
حنيت اله بكل شي بيه
عيونه نظرته صعب انساها
هوه ترك شي كلش حلو بداخلي احتفظت بي
واخاطب روحي بي بس
ادور على ريحته
مالكاها وتكلي انسيني
مشتاقه اله
لحروفه
كلامه عصبيته
وين هوه هسه واحساسه مثلي اخر لحظات بينه خلتني بشك
لو بس انه جاي
اموت من قهري
جنيت من التفكير اخذتني رجليه بره
بالممر
خلاص
هنا لازم احط حد لكلشي
ولحبي ولحياتي التافهه شذنب هالناس ابهذلها ويايه
غسلت وجهي بمي بارد
والجو شته يمكن اريد اصحه
من غيبوبتي
رجف كل جزء بجسمي غمضت عيوني بقوه وصحت
والله انه انسانه ضايعه
ومااعرف شنو اريد من الدنيا خطيت
اطل من الشباك واستشعرت انبعاث نسمات
الهوه البارده ياللهي
اريد اعيش
اوعيش وارتاح ولو شويه
مااعرف شمنتظرني
و القادم شنو
ساعات مرت
حركتي بهاليوم
حسيت نفسي لعابه بحركتي وشعوري
بقيت كاعده بالصاله
مثل الجني
سمعت صوت حبوبتي
نوميه_ مصباح الخير
يمه شلونج ... فرفحت عليج البارحه
حتى تحلمت بيج
الياسمين_هله بيج حبوبتي
حبيبتي لايظل بالج الحمدلله هسه
احسن بهواي
نوميه_ دهره (فتره) حبوبتي وتعدي ان شاء لله
الياسمين_ ان شاء لله
اشوفها اتوجت على عوجيتها
نوميه_خل اروح لسميره اصحيها
يو نعيفها للظهاري يله
تراوينه طولها
الياسمين_ وكفت يم الدرج وتصيح عليها
نوميه_ سمره ....
صخمه كومي ولج انه مو اصيحن عليج اعرف مفتحه بس تغلسين
كومي لا وهوه ابو خيمه الزركه اخلي رويد يسحب الشيطان منج
وتحلمين تشوفينه
سمره_ هاااااا حبوبتي
اي بس شوي انام والنبي نعسانه
الياسمين_دايره و اشوفها كعدت على بايت الدرج
وراسها عل رجلها
لمحت حبوبتي نزعت نعالها ونكدتها بي😂
سمره_اييي يابه وينك خلصني من عذاب نوميه
نوميه_ايا مجعوره انه معذبتج لو
اريد تصيرن حرمه حوك
يالخايبه
الفي للمطبخ سوينه لكمه ناكلها ورانه روحه
سمره_ يييمه وين طالعه عليج العباس اخذيني
بس ........ وين
يعني طلعه بره البيت لو طلعه للطارمه
تعلوله ويه عجايز المنطقه
نوميه_ انجبي ولج التعلوله وياهن
اخير لي من مجابله جهرتج
لاجن بعدين اكرصي دودتج شبيج
مفلفله
اخوج يريد يودينه نزور
الياسمين_ وكفت سمره على
طولها ونزلت تتمايل بأديها
وتصيح احلى ريوك لعيون حبوبتي
بيها طلعه اليوم
وبيبي تعوج حلكها على عيارتها
مدت راسها وغمزتلي اجي رحت وراها
سمره_تعيي ياسو شلونج
الياسمين_ زينه
سمره_ اخخ تدرين مال اكعدج وخليج
تحجيلي بالتفصيل الممل على امس والصار بس
شسوي انه بنيه محترمه ملبيه لطلبات نوميه
لهيج حرصتني ما اضايقج واذكرج
الياسمين_زين ماسوت
سمره_ عفيه اشوفج حايره شتسوين
روحي للثلاجه بالصالة فتحيها شتشوفين كبالج جيبي
شيجي بيدج نعم الله
الياسمين_ اكلج سميره احجي عدل تره روحي
واصله لخشمي
سمره_ بالله غوحي(روحي) نوميه الثانيه مناقصتج😐
الياسمين_ابتلي والله ماسوي
وياج شي اروح اساعد هبه
وانتي ميلي من وجهي
عوبه
سمره_روحي ..روحي لان بس
احجي تهدديني بنوميه
و انه الي الله الواحد احد
الياسمين_ مشيت لهبه شفتها
مجمبره وبيدها مكناسه
هبه_ الياسمين الحمدلله على سلامتج
متشوفين شر
الياسمين_ اشكرج
الله يسلمج لاحظتها
خلصت و جاي تمسح بالكاع
كلتلها انطيني اساعدج
هبه_لا لا شتساعديني عمي انتي بعدج
مريضه شوفي وجهج مصوفر
الياسمين_دجيبي ياخيه كلشي مابيه
جريت منها الوصله وثنيت رجلي
للكاع نظفتها
عباس ناده هبه وراحت
بقيت بالطارمه
كمت اتنفس وامسح كصتي نزلت ايدي ولمحت
مكان زراك ما الابره
مثل الخبله حطيت اصبعي
وضغطت عليه
وختفي انته الثاني ماريد حاجه تذكرني😐
اخخ
رواد_شبيج
الياسمين_فزيت درت بسرعه ونزلت ايدي
ل .. لا ماكو
مشيت بسرعه سديت الحنفيه
ودرت يمكن لو خاطيه خطوه كدام
جان نظربت بي بسرعه
نزلت عيوني للكاع
مخلالي مجال اعبر
حصرني بزاويه وخله ايده على الحايط
رواد_ام عيون ماناسي امس والسمعته و الخلقج
بس عبرته بمزاجي
انتبهي تره انتي بيتنه
وهالسوالف المكسره ممسومحلج
تسويها يبت خالي
المحترمه
الياسمين_ شنو ...... شنو دفعته اسمعني
بيتك اشبع بي اطلع انه
امده الزمن والله
ركضت عنه وغاديه نارر شسمع عني هذا
وشلون اسمحله يهيني الحقيرر
استفزني اخخ ودي اموته امشي وممنتبها لكلشي
جانو كلهم بالصاله متجمعين
داريد اعبر اجاني صوت نوميه
نوميه_يالغوغه شبيج تطيرين جنج
فراشه تعي حذاي كعدي
الياسمين_والله صارت الدمعه بطرف عيني منا نوميه ومنا
ابن بتها غلط وياي بالحجي عود جبيرهم
رجعت يمها انطمرت وهيه تنادي على سمره
نوميه_ يالخايبه مطلع ريوك بردي كليبي وكولي
جاي اسوي مفطح
سمره_لا حبوبتي بس حسبي جم واحد اشو عشيره
يتبع...
YOU ARE READING
عشگني شيخ العشيࢪه
Horrorلاتبجين ... مال اعوفچ لا وحق الخلقچ وخلق اسلافنا وحق كل حرف بالقرآن وكل آيه بالقرآن يروح گلبي ماعوفچ ولا ليلة واوعدچ وهذا الوعد دين حتى لو نتعارك لا سامح الله مااخليچ ليلة وحده تنامين بدوني وهذا قسم وعد يا ياس هاي هيه بويه انتي البداية وانتي النهاية...
