سجاد_هااي شنوو
نوميه_شنهو ولك شبيك
سجاد_شنو هذا نوميه ذاك اليوم من دليله زعلتني
اجيت انوح بحظنج دفرتيني
وهسه ياسه حاطه راسها بحظنج حتى
بستي شنو هالتفرقه
نوميه_اكل تبن انته كلنه نعرسك تعقل وتحط دماغك
المعفن براسك بس اشو تصخمت اكثر
سجاد_غير طالعين وبكل فخر عليكم
اتذكري شنو جنتو تاكلون
ورثنه هالخبالات منكم
نوميه_اووجع انته لو تدري شجنه ناجل مجان لغيت
ابن المطي
سجاد_عزيات على الباميه واهلها اليسمعج يكول
جنتي تاكلين لحم عجل وغزال
وهوه اكو غير حليب
الصخول وخبز تنور الرماد ابو المطال
الياسمين_شالت النفاظه جانت نايلون شمرتها عليه
طاح رماد الجكاير بلكاع سمره جانت بالصاله تكنك
شكد حلو الاميره حاطه رجل على رجل وتتمعلج
نوميه_وين امطكه سميره الخوثه وينج
سمره_اهوو شكو نوميه شتردين وراي وراي
وحتى انه و كاعده ومالي دخل تتحارشون بيه
اووف منكم
نوميه_تف بوجهج على هاللسان اذا ما اكطعنه
واشمره بحضنج ما اطلع نوميه
كفي ردانج وتعي لمي الرماد على زوليه
يلله
الياسمين_اجت وهيه تتأفأف
درت على بيبي الي دكت على رجلي
نوميه_اكول
ذبي هل اسود المن ظاله بي جنج سليمة البين
الياسمين_هاا بيبي
نوميه_وجعاا اسولفلج ذبي هالاسود اللابسته كافي
تراه مايرجع بشر
انتي بعدج حديثه ليش خانكه عمرج بي
ورجلج المفرخات عيونهن تريد تاكله ويردن بس فجه
تلكيهن كليوم مكحلات ومحمرات
ويجرن الرجال باللسان المعسول انعلي الشيطان
واكسبي رجلج تراه كلبه ملهوف عليج لوعتي
روحيته جبحج
الياسمين_بست ايدها وكمت راسي مفتر
عين الصح كلامج بيبي
الاسود لون حياتي
كمت منها نضفت البيت وساعدت البنات وعمتي بالغده
كعدت اتغده وياهم غسلنه اماعين
وصبيتلهم الجاي اخذته هبه
وانه دنكت امسح الارضيه
بوكتها سمعت سجاد يكللهم باجر راح توصل غرفة
الاخشاب والخميس العرس
يعني مبقه شي غير اربع ايام
كملت
وصعدت للغرفه كعدت على التخت اخذ نفس
شفت دشداشة رواد البيجي
كمت بتعب حطيتها على وجهيي اشتميتها احس
ردتلي روحي
تركتها ورحت طلعت نفس الفستان الي لبسته
بمهر سمره
صح داقني و يقمت قلبي
بس من اذكر رواد ولهفته والحب
والاشتياق الشفته بعيونه
ذاك اليوم يهونن عليه
وكفت اكويه كملته و طبكته بالكنتور
تمددت ارتاح بوكت الظهريه مصعد هوه
نمت وحدي كعدت العصريه شغلت التلفزيون
كعدت اكلب بالقنوات وكفت على لطميه ايرانيه
الصوت حزين
ابتسمت اودع ذكريات غاليه على قلبي
بس اذا بقيت حبيسه بيها راح تتحطم حياتي
هيج خلصت الوقت لحد صلاة المغرب
وكفت لبست الفستان وكعدت امكيج نفسي
سويت شعري بالكاويه
تعطرت ورحت كعدت على التخت انطره وباوع
حواليه الغرفه
تلك من النظافة وريحته حلوه بس الحبيب تأخر
معقوله هم راح ينام جوه يارب يجيي
... لحظه ايست مراح يجي لان طول
بس وره عشر دقايق سبحانه الله ماكسر بخاطري
انفتح الباب ودخل جنت سانده راسي على التاج
مال التخت وشكلي مال وحده منتظره
رفعت عيوني عليه شفته زفر
وخطه على التخت
اجه كعد وسند راسه على تاج نفس وضعيتي
يباوعلي بنظرات كلها شغف واعجاب
ملامحه العصبيه سرعان ما تلاشت
تنفسه صار سريع
رحت ذبيت نفسي بحضنه حط ايده على راسي
ВИ ЧИТАЄТЕ
عشگني شيخ العشيࢪه
Жахиلاتبجين ... مال اعوفچ لا وحق الخلقچ وخلق اسلافنا وحق كل حرف بالقرآن وكل آيه بالقرآن يروح گلبي ماعوفچ ولا ليلة واوعدچ وهذا الوعد دين حتى لو نتعارك لا سامح الله مااخليچ ليلة وحده تنامين بدوني وهذا قسم وعد يا ياس هاي هيه بويه انتي البداية وانتي النهاية...
