🍷🥂خــادمـة الـقاسـي🥂🍷
#اهتمام....!
بغات تنطق والحروف فاللسان تبعثروو...بغات تتحرك من مكانها ولكن رجليهاا كاع مامساعفينهاا...حاكماها الفشلة وهازاها الخلعة ماقادرة لا تهضر لا تتحرك وخايفة تجاوب وتزيد تجعرو عليها ويصدق فالحيط خاشيها ولا ترجعو لحالتووو واش جا ديك الساع مايفاريها.
كاتزيد تعصبو بسكاتهاااا وهي حانية رااااسسها وكايكره يعاود الهضرة ويقوليها للمرة العشرة...
كيسر: كيييي نكوووون نهضر معاااااك ...
مزال ماكمل ديك" هزي راسك فياا" تابزربة هزات راسهااا فيه وعيونها مغرغررررة الدموع تاتلمع فيها.....رجع ثاني حط عينيه فعينيهااا وكي شاف الدمعة فيهااا بلع الريق الناشف من حلقو الجاااف وحسات بيه بشوية بعد عليها ...دوز يدو على شعرووو دليل على انه تايحاول يتكالما وبسنانو عاض على لسانو ففمو بحر الأعصاب.
شافتو دار يدو فجيبو وجبد بوااط الگارو وخنفر منها واحد الگارو بعصبية حاطووو ففمو وجبد البريكة وهو تايربج بلا خاااطر شعل فيه العافية وتحرك للبالكووون يضربو البرد ويبرررد بداك الكَارو.
بقات كاتشوف فيه من اللور واقف فمكانو مصمررر بضهرو العريض وبكتافتو العراض مكلضم ومكضضررر وبختارة ورجووولة من الگارو كاينتر وعيونو قدامو راصية فمكان واحد ....قادات فولارها ومسحات العرق لي بالخلعة تصبب من جبينهاا ومسحات دميعاتهااا ببرائة طفولية وهزات البذلة ديالو وخرجات.
خدات مدة قليلة باش تغسلها وتنشفها ودخلات لبيتو من جديد تحددها...لقاتو فمكانو باقي تايكمي گارو ورا گاارووو الأرض حداه كاع زوقها بالبوينتاااات....بقات كاتحدد فالبذلة وتشوف فيه خايفة عليه...واحد شوية شافتو لاح هاديك العلبة ديال الگارو ودخل بزربة هز الثانية فتحها جابد منها الحبات الجداد ورجع للبالكون.
وقفات فمكانهااا موسعة عينيها فيه وهي كاتبع الشوفة لحركة يديه حتى جبد گارو آخر وشعل العافية فيه وحطو ففمو كايكميه.... حطات اللي فيديهاا وحيدات البريز ديال الحدادة من الضووو وقصداتو للبالكون...وقفات وراااه وبلعات ريقها كاتستاعد ....فاللول ترددات تهضر ولكن فاللخر نطقات بلا ماتشعر.
أريناس: سمحليا....صافي سمحليااا اسيدي ااخر مرة نطيح بكلمتك وندير عكس هضرتك ...ااخر مرة نعصبك والله كانواعدك.
تلفت لعندها تباطئيا رامقها بنظرة غامضة مامفهوماش وهي قربات منو واقفة قدامو رجليها حدا رجليه ومعلية راسها فيه باش جات عينها فعينيه وكانت بزاف قريبة ليه.
ميل راسو فيها تايتسناها دير لي ناوية عليه وحيد الگارو من فموو باخ بخاخو فالهوا لي تسارى بيه.
مدات يدها ليدو وحيدات ليه الگارو من بين صبعانوو ناطقة.
"باراكا عليك....هادشي غايضرك ...ويضرني معاك اسيدي".
أنت تقرأ
خادمة القاسي
Teen Fiction🍷🥂خــادمـة الـقاسـي🥂🍷 ✦وكأن عيناكِ في الحسن آية تتلى على قوم كفروا فاهتدوا...! بـأنامـل:•مـلاك هـانسل• 🥂أريناس🥂 قللو منهاا ورفعوها من سننهاا ومن المكان لي جات منوو ...ونساو بلي عمر بنادم يتقاس بأصلو وسسنننو ...وعمر المستقبل ترسسم على...
