🍷🥂خــادمـة الـقاسـي🥂🍷
✦وكأن عيناك في الحسن آية تتلى على قوم كفروا فاهتدوا...!
#وعد...!
كاتشوف ليه فعيونو المكسوورة جفنها طايح مهدود فشوفتهم باين ضعفو وعجزو وقلة حيلتو.....بعيونها المدمعين لي ولاو حمرين وحنيكاتها فازكِين وحتى شنايفها داقو ملح الدموع...تأملاتو بنظرة حزينة مضيومة وحس كيلا كاتردليه اللومة ....وفهاد اللحظة هي ندمات ....لا ماندماتش حيت بغاتو بالعكس زاد كبر فعينيهااا وقيمتو ضخام حجمها عندها...زادت بغاتو كثر من قبل وزادت رغبتها فيه كثر من اللول...كان فعينها راجل بالكلمة والشان والهمة ودابا ولا فعينيها راجل براس القمة.
ولكن ندمات حيت بدلات فيه شي حاجة...كون بقا داك كيسر القاسي لي مايحس مايشعر....كون دابا رفض هاد الزواج ومايقبلش واخا يرجموه بالحجر...!
ولكن من ناحية اخرى...هي فرحانة حيت ملي تغير...عالأقل مايقدرش يآدي موو ومايبغيش ليها الضرر وقبل مايغلط غايفكر..وهي فخورة بيه حيت مراعي لميمتو ولمرضها وكايساعف ويساير وماباغيش يدير شي حاجة تعصبها ولا تضرهاا ....ومزيان ملي ولا قادر يتحكم فمشاعرو ويسيطر.
شافت الموضوع من ناحية ايجابية وتبسمات فعز دموعها كاتمسح وجهها بكمام يدها.
أريناس:مرضي ميمتك...!
كي شاف ابتسامتها شوية من اللي زامت قلبو انزاح وبدا كايتنفس مرتاح...كيما قال هي لي مصبراه ...كون ماهي كون تهور.
كيسر:قلب الواليدة قبل من قلبي....غانقاد كلشي تيقي فيا....كلشي غايرجع لبلاصتوو....مللي تشاركت انا وياك فحياتي، كلشي فيا وللا ليك وديالك ومحسووب عليك وكلشي فيك وللا من ممتلكاتي......كرهت نشرك الهوا والوقت والبلايص والحاجات الخاصة واللي ماخاصاش مع غيرك....مستحيل ويستحيل تدخل لهاد الدار شي وحدة ويجمعني بيها نفس البيت والفراش ولا شي علاقة من أي نوع كانت ا أريناس ....قلبي مانع عليا نقرب لشي بنت المرااا اخرى ولا نخليها تقرب ليااا بحتى شكل من الأشكال وعمرو ينعل الشيطان حيت غارق فيك حتى تسدو عينيه ....الى كاتيقي فيا صبري عليا ...غانلقا حل".
حدرات عينيها كاتشوف فالأرض وبسبابتو رفع ليها راسها من دقنها.
"يانتي يابلاااش ....انا باغي وليدات زعرين وعويناتهم زرقين ههه(ضحك بزز منو وضحكها معاه)".
اريناس(جمعات ضحكتها وتغبنات):انا خايفة.
كيسر:تخافي وانا معاك؟!
#غصة....!
ملي شافتو ناض من الطبلة عرفاتو مارضاش يتمشاو عليه الأوامر وماتسرطتش ليه يتحكم عليه....وسكتات حانية راسها كاتشوف قدامها وقادر طبطب ليها على كتفها مكالميهاا بعيونو لي رمش ليها بيهم مطمئنها باللي كلشي غايدوز مزيان.
رجع لعندهم مخليهم يهزو فيه الراس مستنييين جوابو وكي وصل حداهم وقف داير يديه فجيابو وبلل حلقو بالع ريقو قبل ماينطق.
أنت تقرأ
خادمة القاسي
Teen Fiction🍷🥂خــادمـة الـقاسـي🥂🍷 ✦وكأن عيناكِ في الحسن آية تتلى على قوم كفروا فاهتدوا...! بـأنامـل:•مـلاك هـانسل• 🥂أريناس🥂 قللو منهاا ورفعوها من سننهاا ومن المكان لي جات منوو ...ونساو بلي عمر بنادم يتقاس بأصلو وسسنننو ...وعمر المستقبل ترسسم على...
